കൊച്ചി: മലയാളിയായ പി.കെ. നവനീതിന്റെ നേതൃത്വത്തിലുള്ള ‘ടൂൾജെറ്റ്’ എന്ന സ്റ്റാർട്ടപ്പ് 37 കോടി രൂപയുടെ മൂലധന ഫണ്ടിങ് നേടി. നെക്‌സസ് വെഞ്ച്വർ പാർട്‌ണേഴ്‌സിന്റെ നേതൃത്വത്തിലുള്ള നിക്ഷേപ റൗണ്ടിൽ ജനുവരി കാപ്പിറ്റൽ, റേഷ്യോ വെഞ്ച്വേഴ്‌സ്, ബെറ്റർ കാപ്പിറ്റൽ എന്നീ നിക്ഷേപക സ്ഥാപനങ്ങളും ഏതാനും ഏഞ്ചൽ ഇൻവെസ്റ്റേഴ്‌സും പങ്കാളികളായി.
കോഴിക്കോട് സ്വദേശിയായ നവനീത് 2021 ഏപ്രിലിലാണ് ടൂൾജെറ്റിന് തുടക്കം കുറിച്ചത്. കാര്യമായ എൻജിനീയറിങ് പരിജ്ഞാനമില്ലാതെ തന്നെ കമ്പനികൾക്ക് ഇന്റേണൽ ഡേറ്റ ഉപയോഗിച്ച് വെബ് ആപ്ലിക്കേഷനുകൾ വികസിപ്പിക്കാൻ സഹായിക്കുന്ന ഡെവലപ്പേഴ്‌സ് ടൂളാണ് ഈ സ്റ്റാർട്ടപ്പ് ഒരുക്കുന്നത്. സൗജന്യ ഓപ്പൺ സോഴ്‌സ് അധിഷ്ഠിത സോഫ്റ്റ്‌വേറും എന്റർപ്രൈസ് സോഫ്റ്റ്‌വേറും കമ്പനി ഒരുക്കുന്നുണ്ട്. ഒരു വർഷം മുമ്പ് 11.25 കോടി രൂപ സമാഹരിച്ചിരുന്നു.
നവനീത് പഠനകാലത്ത് ‘മൊബിയോ പുഷ്’ എന്ന സംരംഭം തുടങ്ങിയിരുന്നു. ഇതിനെ പിന്നീട് ഫ്രെഷ് വർക്സ് ഏറ്റെടുത്തു. പിന്നീട് ഒരു ഇടവേളയ്ക്കു ശേഷമാണ് ടൂൾജെറ്റിന് തുടക്കം കുറിച്ചത്. ജീവനക്കാരുടെ എണ്ണം ഉയർത്താനാണ് പുതുതായി സമാഹരിക്കുന്ന തുക വിനിയോഗിക്കുകയെന്ന് നവനീത് പറഞ്ഞു.
.jpg?$p=e0a8b21&f=1x1&w=100&q=0.8)
.jpg?$p=bb4ea8f&q=0.8&f=16x11&w=104)
.jpg?$p=99d15b5&q=0.8&f=16x11&w=104)
.jpg?$p=430c1f1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..