കേന്ദ്ര സാംസ്കാരികമന്ത്രാലയത്തിന്റെ കീഴിലെ സ്വയംഭരണ സ്ഥാപനമായ ന്യൂഡൽഹി ഇന്ദിരാഗാന്ധി നാഷണൽ സെൻറർ ഫോർ ദി ആർട്സ് (ഐ.ജി.എൻ.സി.എ.) വിദ്യാർഥികൾക്കായി ‘ഐ.ജി.എൻ.സി.എ. ഇന്റേൺഷിപ്പ്’ പ്രഖ്യാപിച്ചു. സ്ഥാപനത്തിന്റെ വിവിധ ഡിവിഷനുകൾ/യൂണിറ്റുകൾ പരിചയപ്പെടാൻ തിരഞ്ഞെടുക്കപ്പെടുന്നവർക്ക് അവസരം ലഭിക്കും. സ്ഥാപനത്തിന്റെ ആവശ്യകതയ്ക്കുവിധേയമായി ഇന്റേൺഷിപ്പ് അവസരം വർഷംമുഴുവൻ ലഭ്യമാണ്. കുറഞ്ഞത് ആറാഴ്ചയും പരമാവധി ആറുമാസവുമാണ് ഇന്റേൺഷിപ്പ് ദൈർഘ്യം. പ്രതിമാസം 10,000 രൂപ സ്റ്റൈപ്പൻഡായി ലഭിക്കും. വിജയകരമായി പൂർത്തിയാക്കുന്നവർക്ക് സർട്ടിഫിക്കറ്റ് ലഭിക്കും.
യോഗ്യത: ബിരുദത്തിനോ ബിരുദാനന്തരബിരുദത്തിനോ പഠിക്കുന്നവരോ ഗവേഷണവിദ്യാർഥികളോ ആയിരിക്കണം. സ്വന്തമായി ലാപ്ടോപ് വേണ്ടിവരും. വിശദമായ വിജ്ഞാപനം ignca.gov.in/recruitments-ൽ ലഭിക്കും.
അപേക്ഷ വർഷത്തിൽ എപ്പോൾവേണമെങ്കിലും ‘ഇന്ദിരാഗാന്ധി നാഷണൽ സെൻറർ ഫോർ ദി ആർട്സ്, ജൻപഥ് ബിൽഡിങ്, ജൻപഥ് (വെസ്റ്റേൺ കോർട്ടിന് സമീപം), ന്യൂഡൽഹി-110 001’ എന്ന വിലാസത്തിൽ നൽകാം. താത്‌പര്യമുള്ള മേഖല അപേക്ഷയിൽ വ്യക്തമാക്കണം. ഒരു സാമ്പത്തികവർഷത്തിൽ ഒരുതവണമാത്രമേ അപേക്ഷിക്കാവൂ. പ്രവേശനം ലഭിച്ചാൽ സ്ഥാപനത്തിൽനിന്നും എൻ.ഒ.സി. നൽകണം. വിവരങ്ങൾക്ക്: ignca.gov.in.
Content Highlights: disa
RELATED STORIES
.png?$p=7c345d5&f=1x1&w=100&q=0.8)
.jpg?$p=c33b29b&q=0.8&f=16x11&w=104)
.jpg?$p=0addcd3&q=0.8&f=16x11&w=104)
.jpg?$p=08e4011&q=0.8&f=16x11&w=104)
.jpg?$p=9396e2d&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..