ഡൽഹി: സമാധാനപരമായി പ്രതിഷേധിക്കാനുള്ള അവകാശംപോലും ഹനിക്കുകയാണ് മോദി ഭരണകൂടമെന്ന് എ.ഐ.സി.സി. ജനറൽ സെക്രട്ടറി കെ.സി. വേണുഗോപാൽ. രാഹുൽഗാന്ധിക്കെതിരായ ജനാധിപത്യവിരുദ്ധനടപടിയിൽ പ്രതിഷേധിക്കാനാണ് ചെങ്കോട്ടയിൽനിന്ന് ടൗൺഹാളിലേക്ക് ദീപം തെളിയിച്ച് പ്രകടനം നടത്താൻ കോൺഗ്രസ് തീരുമാനിച്ചത്.
ഇതിനായി പോലീസിന്റെ മുൻകൂർ അനുമതിയും നേടിയിരുന്നു. സമാധാനപരമായി പ്രതിഷേധിച്ച നേതാക്കളെയും എം.പി.മാരെയും പാർട്ടിപ്രവർത്തകരെയും പോലീസ് തടയുകയും കസ്റ്റഡിയിലെടുക്കകയും ചെയ്തു. വനിതാ എം.പി.മാരടക്കമുള്ളവരെ വലിച്ചിഴച്ചു. യുദ്ധസമാനമായ അന്തരീക്ഷം സൃഷ്ടിച്ച് പ്രതിഷേധമാർച്ചിന് അനുമതി നിഷേധിച്ചതിന്റെ കാരണം പ്രധാനമന്ത്രി വ്യക്തമാക്കണമെന്നും കെ.സി. വേണുഗോപാൽ ആവശ്യപ്പെട്ടു.
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..