ന്യൂഡൽഹി: ടെലിവിഷൻ മാധ്യമപ്രവർത്തകയും എഴുത്തുകാരിയുമായ ബർഖ ദത്തിന്റെ യുട്യൂബ് ചാനൽ ‘മോജോ സ്റ്റോറി’ വീണ്ടെടുത്തു. ഞായറാഴ്ചയാണ് അക്കൗണ്ട് ഹാക്ക് ചെയ്യപ്പെട്ടത്. ലക്ഷക്കണക്കിന് വരിക്കാരുള്ള ചാനലിലെ വീഡിയോകളെല്ലാം കളഞ്ഞ ഹാക്കർമാർ, ചാനലിന്റെ പേര് ‘ടെസ്‌ല ന്യൂസ്റ്റാർ’ എന്നുമാറ്റുകയുംചെയ്തിരുന്നു.
ഇലോൺ മസ്ക് സംസാരിക്കുന്ന ഒരു വീഡിയോയാണ് ചാനലിൽ ലഭ്യമായിരുന്നത്. സ്റ്റാൻഡപ്പ് കൊമേഡിയൻമാരായ തൻമയ് ഭട്ട്, ഐശ്വര്യ മോഹൻരാജ് എന്നിവരുടെ യുട്യൂബ് ചാനലുകളും ഹാക്ക് ചെയ്യപ്പെട്ടിട്ടുണ്ട്.
കോവിഡ് കാലത്തെ റിപ്പോർട്ടുകളടക്കം നാലുവർഷത്തിലേറെയായി മോജോ സ്റ്റോറിയിൽവന്ന പതിനൊന്നായിരത്തിലധികം വീഡിയോകൾ ചാനലിലുണ്ടായിരുന്നു. വീഡിയോകളിലുള്ള മോജോ സ്റ്റോറിയുടെ ലോഗോയ്ക്കുപകരം ഹാക്കർമാർ ടെസ്‌ല എന്ന ലോഗോ നൽകി. ഹാക്കർമാർ നിയന്ത്രണമേറ്റെടുത്തപ്പോൾത്തന്നെ ചാനൽ മരവിപ്പിക്കാനായി യുട്യൂബിനോട് പലതവണ അഭ്യർഥിച്ചപ്പോൾ അന്വേഷിക്കാം എന്ന മറുപടിയാണ് ലഭിച്ചതെന്ന് ബർഖ ട്വീറ്റുചെയ്തിരുന്നു. 2019-ലാണ് ബർഖ മോജോ സ്റ്റോറി തുടങ്ങിയത്.
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ
അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ
RELATED STORIES
.jpg?$p=8c943a9&q=0.8&f=16x11&w=104)
.jpg?$p=430c1f1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..