ന്യൂഡൽഹി: കുറഞ്ഞ ദിവസത്തേക്കാണെങ്കിലും പാർലമെന്റിന്റെ പ്രത്യേക സമ്മേളനത്തിന്റെ മൂല്യം വളരെ വലുതാണെന്ന് പ്രധാനമന്ത്രി നരേന്ദ്രമോദി. അഞ്ചുദിവസത്തെ സമ്മേളനത്തിന് മുന്നോടിയായി പാർലമെന്റിനു മുന്നിൽ മാധ്യമങ്ങളെ അഭിസംബോധന ചെയ്യുകയായിരുന്നു അദ്ദേഹം.
ചരിത്രപരമായ തീരുമാനങ്ങളുടെ കാര്യത്തിൽ ഈ സമ്മേളനത്തിന് വലിയ പ്രാധാന്യമുണ്ട്. ഇന്ത്യയുടെ 75 വർഷത്തെ യാത്രയിൽ ഇതു പുതിയഘട്ടത്തിന്റെ തുടക്കമാണ്. വാദങ്ങളും എതിർവാദങ്ങളും ഉന്നയിക്കാൻ ആവശ്യത്തിനു സമയമുണ്ട്.
ജീവിതത്തിലെ ചില നിമിഷങ്ങൾ ആവേശവും പ്രതീക്ഷയും നിറയ്ക്കുന്നു. അത്തരത്തിലൊന്നാണ് ഈ സമ്മേളനം. നിഷേധാത്മകത വെടിഞ്ഞ് സദുദ്ദേശ്യത്തോടെ പുതിയ മന്ദിരത്തിലേക്ക് കടക്കാം. ഇന്ത്യയുടെ വികസനയാത്രയിൽ തടസ്സങ്ങളൊന്നും ഉണ്ടാകില്ല. വിനായകചതുർഥി ദിനത്തിലെ പുതിയ തുടക്കം ഇന്ത്യയുടെ എല്ലാ സ്വപ്നങ്ങളും സാക്ഷാത്കരിക്കാൻ സഹായിക്കുമെന്നും മോദി പറഞ്ഞു.
ചന്ദ്രയാൻ-3, ജി-20 ഉച്ചകോടി, ഡൽഹിയിൽ അന്താരാഷ്ട്ര കൺവെൻഷൻ സെന്റർ ‘യശോഭൂമി’യുടെ ഉദ്ഘാടനം തുടങ്ങിയ നേട്ടങ്ങളും പ്രധാനമന്ത്രി പരാമർശിച്ചു.
.jpg?$p=b4048c4&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..