പ്രതീകാത്മക ചിത്രം | ഫോട്ടോ: അരുൺ കൃഷ്ണൻകുട്ടി/മാതൃഭൂമി
ചെന്നൈ: ഓണക്കാലത്തെ തിരക്ക് പരിഗണിച്ച് കേരളത്തിലേക്ക് മൂന്ന് പ്രത്യേക തീവണ്ടികൾകൂടി അനുവദിച്ചു. മൈസൂരുവിൽനിന്ന് ബെംഗളൂരുവഴി തിരുവനന്തപുരത്തേക്കും യശ്വന്ത്പുരയിൽനിന്ന് കൊല്ലത്തേക്കും ഹൈദരാബാദിൽനിന്ന് തിരുവനന്തപുരത്തേക്കുമാണ് പ്രത്യേക സർവീസ്.
മൈസൂരു-തിരുവനന്തപുരം വണ്ടി (06201) സെപ്റ്റംബർ ഏഴിന് ഉച്ചയ്ക്ക് 12.15-ന് പുറപ്പെടും. 2.05-ന് കെ.എസ്.ആർ. ബെംഗളൂരുവിലും 7.25-ന് സേലത്തും പിറ്റേന്നുരാവിലെ 7.30-ന് തിരുവനന്തപുരത്തും എത്തും. തിരിച്ച് സെപ്റ്റംബർ എട്ടിന് ഉച്ചയ്ക്ക് 12.45-ന് പുറപ്പെട്ട് പിറ്റേന്നുരാവിലെ 11.15-ന് മൈസൂരുവിലെത്തും.
യശ്വന്ത്പുർ-കൊല്ലം വണ്ടി(06501) സെപ്റ്റംബർ ഏഴിന് ഉച്ചയ്ക്ക് ഒരു മണിക്ക് പുറപ്പെട്ട് പിറ്റേന്ന് പുലർച്ചെ 4.30-ന് കൊല്ലത്തെത്തും. തിരിച്ച് സെപ്റ്റംബർ എട്ടിന് രാവിലെ 6.10-ന് പുറപ്പെട്ട് രാത്രി 10 മണിക്ക് യശ്വന്ത്പുരിലെത്തും.
ഹൈദരാബാദ്-തിരുവനന്തപുരം വണ്ടി (07119)സെപ്റ്റംബർ അഞ്ചിന് വൈകീട്ട് 6.15-ന് ഹൈദരാബാദിൽനിന്ന് പുറപ്പെട്ട് പിറ്റേന്നുരാത്രി 11.45-ന് തിരുവനന്തപുരത്തെത്തും. തിരിച്ച് സെപ്റ്റംബർ 10-ന് രാത്രി 10 മണിക്ക് പുറപ്പെട്ട് സെപ്റ്റംബർ 12-ന് പുലർച്ചെ മൂന്നുമണിക്ക് ഹൈദരാബാദിലെത്തും. ഈ വണ്ടികളിൽ തത്കാൽ നിരക്കാണ് ഈടാക്കുക.
Content Highlights: three more special trains to kerala for onam
RELATED STORIES
.jpg?$p=b4048c4&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..