മലപ്പുറം: ഗവർണർക്ക് മുന്നിൽ ഗവൺമെന്റിന് വഴങ്ങേണ്ടിവരുന്നത് ജനാധിപത്യമല്ലെന്ന് പി.കെ. കുഞ്ഞാലിക്കുട്ടി എം.എൽ.എ. നയപ്രഖ്യാപനത്തിൽ ഒപ്പിടുന്നതുമായി ബന്ധപ്പെട്ട് വ്യാഴാഴ്ചയുണ്ടായ സംഭവങ്ങൾ ജനാധിപത്യത്തിന് നിരക്കാത്തതാണെന്നും അദ്ദേഹം പറഞ്ഞു. മലപ്പുറത്ത് മൂന്ന്‌ ദിവസമായി നടക്കുന്ന എം.എസ്.എഫ്. സംസ്ഥാന നേതൃക്യാമ്പ് ഉദ്ഘാടനംചെയ്യുകയായിരുന്നു അദ്ദേഹം.
എല്ലാവരേയും ഉൾപ്പെടുത്തിക്കൊണ്ടുള്ള വിദ്യാഭ്യാസമാണ് കേരളത്തിന്റെ നേട്ടം. എന്നാൽ ഇതിപ്പോൾ കൈമോശം വരുമോ എന്ന ആശങ്കയുണ്ട്. പുതിയ വിദ്യാഭ്യാസനയം പിറകോട്ടടിപ്പിക്കുന്നതാണ്. ഇതിനെതിരേയും ഉറച്ച നിലപാടെടുക്കാൻ സംസ്ഥാന സർക്കാരിനായിട്ടില്ല. അഖണ്ഡതയ്ക്കെതിരേ നിൽക്കുന്ന സംഘപരിവാറിന്റെ നിലപാടുകളോട് സംസ്ഥാന സർക്കാർ വഴങ്ങേണ്ടതില്ലെന്നും അദ്ദേഹം പറഞ്ഞു.
ഗവർണറെ സി.പി.എം. ഭയപ്പെടുകയാണെന്ന് മുസ്‌ലിംലീഗ് സംസ്ഥാന ജനറൽ സെക്രട്ടറി പി.എം.എ. സലാം പറഞ്ഞു. ഗവർണർ ഒരു രാഷ്ട്രീയ അജൻഡ നടപ്പാക്കാൻ വന്നതാണ്. ഭരണഘടനയെപ്പോലും തള്ളിക്കളയാനാണ് അദ്ദേഹം ശ്രമിക്കുന്നത്. ഈ ഗവർണർക്ക് സി.പി.എം. അടിമപ്പെടുകയാണെന്നും അദ്ദേഹം കുറ്റപ്പെടുത്തി.
എം.എസ്.എഫ്. സംസ്ഥാന പ്രസിഡന്റ്‌ പി.കെ. നവാസ് അധ്യക്ഷനായി. എം.എസ്.എഫ്. സംസ്ഥാന ആക്ടിങ് സെക്രട്ടറി ആബിദ് ആറങ്ങാടി, ട്രഷറർ സി.കെ. നജാഫ്, സംസ്ഥാന ഭാരവാഹികളായ ഷറഫുദ്ദീൻ പിലാക്കൽ, ഷെജിർ ഇക്ബാൽ, ഷഫീഖ് വഴിമുക്ക്, ഫാരിസ് പൂക്കോട്ടൂർ, കെ.ടി. റൗഫ് തുടങ്ങിയവർ പങ്കെടുത്തു.
.jpg?$p=b4048c4&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..