.jpg?$p=3c0c101&f=16x10&w=852&q=0.8)
പ്രതീകാത്മക ചിത്രം
തിരുവനന്തപുരം: സർക്കാരിന്റെ സ്വപ്നപദ്ധതികളിലൊന്നായ കെ-ഫോണിന്റെ ഉദ്ഘാടനം കെങ്കേമമാക്കാൻ സർക്കാർ. ജൂൺ അഞ്ചിന് നിയമസഭാ സമുച്ചയത്തിലെ ശങ്കരനാരായണൻതമ്പി ഹാളിൽ മുഖ്യമന്ത്രി പിണറായി വിജയൻ പദ്ധതി ഉദ്ഘാടനംചെയ്യും. 140 നിയമസഭാ മണ്ഡലങ്ങളിലും പരിപാടികൾ സംഘടിപ്പിക്കും. ഐ.ടി, തദ്ദേശസ്വയംഭരണം, ഊർജം, പി.ആർ.ഡി. വകുപ്പുകളുടെ ഏകോപനത്തിലാകും പരിപാടി. ചടങ്ങ് സംഘടിപ്പിക്കാനായി ഒാരോ നിയമസഭാ മണ്ഡലത്തിനും 25,000 രൂപവീതം സർക്കാർ അനുവദിക്കും.
എം.എൽ.എ.യെ അധ്യക്ഷനാക്കി ഉദ്ഘാടനച്ചടങ്ങിനുള്ള കമ്മിറ്റി രൂപവത്കരിക്കാൻ നിർദേശിച്ചിട്ടുണ്ട്.
മുഖ്യമന്ത്രി ഉദ്ഘാടനംചെയ്യുന്ന ചടങ്ങ് മണ്ഡലങ്ങളിൽ തത്സമയം സംപ്രേഷണംചെയ്യും. മണ്ഡലങ്ങളിൽ നടക്കുന്ന പരിപാടികളിൽ പൊതുജനപങ്കാളിത്തം ഉറപ്പാക്കേണ്ട ചുമതല തദ്ദേശവകുപ്പിനാണ്.
സാർവത്രിക ഇന്റർനെറ്റ് ലഭ്യത ഉറപ്പുവരുത്തുകയെന്ന ലക്ഷ്യത്തോടെ സർക്കാർ ആവിഷ്‌കരിച്ച പദ്ധതിയാണ് കെ-ഫോൺ. മുപ്പതിനായിരത്തോളം സർക്കാർ ഓഫീസുകൾക്കും വിദ്യാഭ്യാസസ്ഥാപനങ്ങൾക്കും സാമ്പത്തികമായി പിന്നാക്കം നിൽക്കുന്നവർക്കും സൗജന്യമായും മറ്റുള്ളവർക്ക് കുറഞ്ഞ നിരക്കിലും ഇന്റർനെറ്റ് നൽകുന്നതാണ് പദ്ധതി.
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ
അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ
RELATED STORIES
.jpg?$p=f74dec8&q=0.8&f=16x11&w=104)
.jpg?$p=8c943a9&q=0.8&f=16x11&w=104)
.jpg?$p=430c1f1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..