കോട്ടയം: കെ.എസ്.ഇ.ബി. ഓഫീസേഴ്‌സ് അസോസിയേഷൻ സംസ്ഥാന സമ്മേളനം 22 മുതൽ കോട്ടയം മാമ്മൻ മാപ്പിള ഹാളിൽ നടക്കും. 24-ന് സമാപിക്കും. സമ്മേളനത്തിന്റെ ഭാഗമായി കലാജാഥ, നോളഡ്ജ് ഫെസ്റ്റ്, സയൻസ് എക്‌സിബിഷനുകൾ, സെമിനാറുകൾ എന്നിവയും നടത്തും.
സെപ്റ്റംബർ 22-ന് വൈകീട്ട് മൂന്നിന് സെമിനാർ നടക്കും. വൈദ്യുതി വികസനം-പ്രശ്‌നങ്ങളും പ്രതിവിധികളും എന്ന വിഷയത്തിൽ നടക്കുന്ന സെമിനാർ മന്ത്രി റോഷി അഗസ്റ്റിൻ ഉദ്ഘാടനംചെയ്യും. കെ.എസ്.ഇ.ബി.ഒ.എ. പ്രസിഡന്റ് ഡോ.എം.ജി. സുരേഷ്‌കുമാർ മോഡറേറ്ററാകും.
23-ന് രാവിലെ ഒൻപതിന് പതാക ഉയർത്തും. 9.30-ന് സംസ്ഥാന സമ്മേളനം മുഖ്യമന്ത്രി പിണറായി വിജയൻ ഉദ്ഘാടനംചെയ്യും. മന്ത്രി വി.എൻ. വാസവൻ മുഖ്യപ്രഭാഷണം നടത്തും.
12 -ന് വനിതാ സമ്മേളനം മാധ്യമപ്രവർത്തക കെ.കെ. ഷാഹിന ഉദ്ഘാടനം ചെയ്യും. വൈകീട്ട് അഞ്ചിന് പ്രതിനിധി സമ്മേളനം. സെപ്റ്റംബർ 24-ന് നടക്കുന്ന പ്രതിനിധി സമ്മേളനം മന്ത്രി കെ. കൃഷ്ണൻകുട്ടി ഉദ്ഘാടനംചെയ്യും. രണ്ടിന് യാത്രയയപ്പ് സമ്മേളനവും ഊർജ കേരള അവാർഡ് വിതരണവും.
തിരുനക്കരയിൽ നോളഡ്ജ് ഫെസ്റ്റ് 19 മുതൽ
കോട്ടയം: കെ.എസ്.ഇ.ബി ഓഫീസേഴ്‌സ് അസോസിയേഷൻ സംസ്ഥാന സമ്മേളനത്തിന്റെ ഭാഗമായി നോളഡ്ജ് ഫെസ്റ്റ് 19 മുതൽ 23 വരെ തിരുനക്കര മൈതാനത്ത് നടക്കും. 19-ന് രാവിലെ മന്ത്രി വി.എൻ. വാസവൻ ഉദ്ഘാടനംചെയ്യും. എല്ലാദിവസവും രാവിലെ 10.30 മുതൽ ഏഴുവരെയാണ് ഫെസ്റ്റ്.
.jpg?$p=b4048c4&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..