രാഹുൽ ദ്രാവിഡ് | Photo: Getty Images
ബെർമിങ്ങാം: ഇംഗ്ലണ്ടിനെതിരായ ക്രിക്കറ്റ് ടെസ്റ്റിനു മുന്നോടിയായി ഇന്ത്യൻ കോച്ച് രാഹുൽ ദ്രാവിഡ് ടീമിനൊപ്പം ചേർന്നു. രോഹിത് ശർമയുടെ നേതൃത്വത്തിലുള്ള ടീം കഴിഞ്ഞ ആഴ്ച ഇംഗ്ലണ്ടിലെത്തിയിരുന്നു. വെള്ളിയാഴ്ച പരിശീലനവും തുടങ്ങി. മുൻ ക്യാപ്റ്റൻ വിരാട് കോലി, ജസ്‌പ്രീത് ബുംറ, ചേതേശ്വർ പുജാര, ശുഭ്മാൻ ഗിൽ, രവീന്ദ്ര ജഡേജ തുടങ്ങിയവരെല്ലാം പരിശീലനത്തിനുണ്ട്. ജൂൺ ഒന്നുമുതൽ എഡ്ജ്ബാസ്റ്റണിലാണ് മത്സരം.
കഴിഞ്ഞവർഷംനടന്ന അഞ്ചുമത്സരങ്ങളുടെ പരമ്പരയിലെ അവസാനമത്സരമാണിത്. അന്ന് നാലു ടെസ്റ്റ് കഴിഞ്ഞപ്പോൾ കോവിഡ് ഭീതിയിൽ അവസാനമത്സരം മാറ്റിവെക്കുകയായിരുന്നു. പരമ്പരയിൽ ഇന്ത്യ 2-1ന് മുന്നിലാണ്.
ടെസ്റ്റിനു മുന്നോടിയായി ഇന്ത്യ രണ്ട് സന്നാഹമത്സരം കളിക്കും. ലെസ്റ്റർഷെയറിനെതിരായ സന്നാഹമത്സരം വെള്ളിയാഴ്ച തുടങ്ങും.
അതിനിടെ, അയർലൻഡിനെതിരായ ട്വന്റി 20 ക്രിക്കറ്റിനായി ഹാർദിക് പാണ്ഡ്യയുടെ നേതൃത്വത്തിലുള്ള ഇന്ത്യൻ ടീം അടുത്തദിവസം പുറപ്പെടും. വി.വി.എസ്. ലക്ഷ്മണാണ് ഈ ടീമിന്റെ പരിശീലകൻ.
അശ്വിന് കോവിഡ്, ഇംഗ്ലണ്ടിലേക്ക് പോയില്ല
: ഇംഗ്ലണ്ടിനെതിരായ ടെസ്റ്റിനുള്ള ഇന്ത്യൻ സ്പിന്നർ ആർ. അശ്വിന് കോവിഡ്. ഇക്കാരണത്താൽ ടീമിനൊപ്പം ഇംഗ്ലണ്ടിലേക്ക് പോയില്ല. ക്വാറന്റീനിലുള്ള അശ്വിൻ പ്രോട്ടോക്കോൾ നടപടി പൂർത്തിയാക്കി പിന്നീട് ടീമിനൊപ്പം ചേരുമെന്ന് ബി.സി.സി.ഐ. അറിയിച്ചു.
Content Highlights: Rahul DravidRahul Dravid
RELATED STORIES
.jpg?$p=c8a05f8&f=1x1&w=100&q=0.8)
.jpg?$p=e1fda36&f=1x1&w=100&q=0.8)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..