വർക്കല: അയന്തി മേക്കോണം ബി.സി.ഭവനിൽ എൻ.സാവിത്രി (73) അന്തരിച്ചു. ഭർത്താവ്: ബി.ചെല്ലപ്പൻ. മകൻ: പരേതനായ ബാബു. മരുമകൾ: ലിസികുമാരി.

കാഞ്ഞിരംകുളം: കൊച്ചുപള്ളി എസ്.എൻ.വി. ബംഗ്ലാവിൽ ജയശ്രീ(65) അന്തരിച്ചു. ഭർത്താവ്: പരേതനായ എം.ധർമ്മചരൻ. മക്കൾ: ബിനോയിചരൻ, ബിജോയിചരൻ, ബിജിനോയിചരൻ. മരുമക്കൾ: പരേതയായ സുമി, പി.ബി.പ്രതിഭ, സജിന. മരണാനന്തരച്ചടങ്ങ് ഞായറാഴ്ച എട്ടിന്.

തിരുവനന്തപുരം: മുറിഞ്ഞപാലം ഈന്തിവിള ലെയ്‌നിൽ എം.ഇ.ആർ.എ. 95(എ)യിൽ ഡോ. കെ.ഐ.കുര്യൻ(സണ്ണി-85) അന്തരിച്ചു. മാവേലിക്കര ചെറുകോൽ കോട്ടയിൽ കുടുംബാംഗമാണ്‌. മൃഗസംരക്ഷണവകുപ്പിൽ റിട്ട. അഡീഷണൽ ഡയറക്ടറാണ്‌. ഭാര്യ: സൂസമ്മ കുര്യൻ (ലൗലി-ഇലന്തൂർ താഴയിൽ കുടുംബാംഗം). മക്കൾ: ബിനുകുര്യൻ (കൺസൾട്ടന്റ്‌ ആൻഡ്‌ ട്രെയിനർ, തിരുവനന്തപുരം), അനു മാത്യൂസ്‌ (ദുബായ്‌). മരുമക്കൾ: പ്രീതി ബിനു, ഗീവർഗീസ്‌ മാത്യു (ദുബായ്‌). സംസ്കാരം ശനിയാഴ്ച രാവിലെ ഒൻപതിന്‌ ഭവനശുശ്രൂഷയ്ക്കുശേഷം പത്തിന്‌ പാളയം സി.എസ്‌.ഐ. ക്രൈസ്റ്റ്‌ ചർച്ച്‌ സെമിത്തേരിയിൽ.

നഗരൂർ: ചെറുന്നിയൂർ മുടിയക്കോട്‌ മംഗലത്തുവീട്ടിൽ കെ.സി.വിജയകുമാർ(72) അന്തരിച്ചു. ഭാര്യ: ടി.പത്മകുമാരി അമ്മ. മക്കൾ: വിപിൻ, വിനീത. മരുമക്കൾ: ഗോപിക, മിനിൽ. സഞ്ചയനം ഞായറാഴ്ച എട്ടിന്‌.

തിരുവനന്തപുരം: തൈക്കാട് ടി.എസ്‌.ജി.ആർ.എ. 55എ കാർത്തികയിൽ ബി.വിജയലക്ഷ്മി(83-റിട്ട. സ്റ്റേറ്റ്‌ പ്രോവിഡന്റ് ഫണ്ട് ഓഫീസർ) അന്തരിച്ചു. ഭർത്താവ്: പരേതനായ പി.നാരായണൻ നായർ (മുൻ സീനിയർ ഡിവിഷണൽ മാനേജർ, നാഷണൽ ഇൻഷുറൻസ്). മക്കൾ: എൻ.സതീഷ് (കോപ്പിറൈറ്റർ, കൊച്ചി), പ്രിയാനായർ. മരുമക്കൾ: പ്രീതി ബാലകൃഷ്ണൻ, ഡോ. കെ.രാജഗോപാൽ (ഡെന്റൽ സർജൻ). സംസ്കാരം വെള്ളിയാഴ്ച രാവിലെ പത്തിന്‌ തൈക്കാട് ശാന്തികവാടത്തിൽ. സഞ്ചയനം ചൊവ്വാഴ്ച എട്ടിന്‌.

കൊട്ടാരക്കര: ചെങ്ങമനാട് ചരിപ്പുറത്ത് പടിഞ്ഞാറ്റതിൽ വീട്ടിൽ കുഞ്ഞുകുഞ്ഞ് (94) അന്തരിച്ചു. ഭാര്യ: അന്നമ്മ (ഞാറവിളയിൽ കുടുംബാംഗം). മക്കൾ: പരേതനായ കെ.ജോൺ (റിട്ട. മേലില സർവീസ് സഹകരണ ബാങ്ക്), കുഞ്ഞമ്മ, ലീലാമ്മ, ഓമന, സജിമോൻ (അബുദാബി). മരുമക്കൾ: അന്നമ്മ, വർഗീസ്, പരേതനായ ബേബി, സാബു, ഷൈനി. സംസ്കാരം പിന്നീട്.

കടയ്ക്കൽ: ആനപ്പാറ റെജിഭവനിൽ സരസ്വതി (72) അന്തരിച്ചു. ഭർത്താവ്: പരേതനായ വാസുദേവൻ. മക്കൾ: സുജിതൻ (തമ്പി-ഐ.ടി.ഐ., പാലക്കാട്), മനോജ്‌ലാൽ, റെജി. മരുമക്കൾ: യമുന (സെക്രട്ടേറിയറ്റ്), അർച്ചന (കടയ്ക്കൽ ഗ്രാമപ്പഞ്ചായത്ത്).

ആശ്രാമം: സരയു നഗർ-72, ലക്ഷ്മി നിവാസിൽ പരേതനായ ലക്ഷ്മണൻ പിള്ളയുടെയും രത്നമ്മയുടെയും മകൾ ആശാലക്ഷ്മി (35-കോൺഫിഡൻഷ്യൽ അസിസ്റ്റന്റ്, സിവിൽ സപ്ലൈസ്) അന്തരിച്ചു. സഹോദരി: ആർ.ജയലക്ഷ്മി. സംസ്കാരം വെള്ളിയാഴ്ച ഒന്നിന് പോളയത്തോട് ശ്മശാനത്തിൽ.

മൈലം: പ്ലാവിള പുത്തൻവീട്ടിൽ ആർ.ദേവപ്രസാദ് (51) അന്തരിച്ചു. ഭാര്യ: എം.രഞ്ജിനി. മക്കൾ: വിഷ്ണുപ്രസാദ്, കൃഷ്ണപ്രസാദ്. മരുമകൾ: എസ്.ശ്രീലക്ഷ്മി. സംസ്കാരം വെള്ളിയാഴ്ച 11-ന് വീട്ടുവളപ്പിൽ.

കൊല്ലം: ഓലയിൽ നഗർ-1, പനംപുന്നയിൽ ഏരൻ ലെയിസ കോശി (28) അന്തരിച്ചു. എറണാകുളം പള്ളിത്തോട്ടം മേടയിൽ കോശി പി.ടൈറ്റസിന്റെയും അനിത കോശിയുടെയും മകളാണ്. ഭർത്താവ്: അലക്സ് പി.ജേക്കബ്. സംസ്കാരം വെള്ളിയാഴ്ച മൂന്നിന് തേവള്ളി സെന്റ് തോമസ് മാർത്തോമ പള്ളി സെമിത്തേരിയിൽ.

മുതലക്കോടം: കുറ്റിപ്പാലക്കൽ മാധവി(90) അന്തരിച്ചു. ഭർത്താവ്: പരേതനായ ചീരാൻ. മക്കൾ: ചന്ദ്രൻ, ലീല, സരോജം, കെ.സി.സുരേന്ദ്രൻ (കാരിക്കോട് എസ്.സി.ബി, മുതലക്കോടം ജയ്ഹിന്ദ് ലൈബ്രറി പ്രസിഡന്റ്), പരേതനായ ഗോപി. മരുമക്കൾ: ഭാവാനി, ശശി, ബിന്ദു, പരേതരായ കുഞ്ഞപ്പൻ, സിന്ധു. സംസ്കാരം വെള്ളിയാഴ്ച രാവിലെ 11-ന് വീട്ടുവളപ്പിൽ.

സന്യാസിയോട: പുതുപ്പറമ്പിൽ ലക്ഷ്മിക്കുട്ടി അമ്മ (82) അന്തരിച്ചു. ഭർത്താവ്: ശിവരാമൻനായർ. മക്കൾ: അശോക് കുമാർ, കനകമ്മ, അജിത, മിനി. മരുമക്കൾ: സജി, ജയദേവ്, മധു, പ്രീത. സംസ്‌കാരം വെള്ളിയാഴ്ച 10-ന് വീട്ടുവളപ്പിൽ.

കളത്തിപ്പടി: വെട്ടിമുകൾ സെയ്‌ന്റ് പോൾസ് ഹൈസ്കൂൾ അധ്യാപിക വലിയവീട്ടിൽ പറമ്പിൽ സോഫിയമ്മ പീറ്റർ (48) അന്തരിച്ചു. കട്ടപ്പന സ്വരാജ് ഉദിരോൻകാവിൽ കുടുംബാംഗമാണ്. ഭർത്താവ്: മനോജ് വി.പോൾ (കെ.പി.എസ്.ടി.എ. കോട്ടയം ജില്ലാസെക്രട്ടറി). മക്കൾ: ഏബൽ വി.മനോജ്, എഡ്വിൻ പിയോ മനോജ്, ജുവാൻ എൽസ മനോജ്. സഹോദരൻ: സോണിമോൻ പീറ്റർ (കെ.എസ്.ആർ.ടി.സി., കട്ടപ്പന).മൃതദേഹം വെള്ളിയാഴ്ച വൈകീട്ട് നാലിന് വീട്ടിലെത്തിക്കും. സംസ്കാരം ശനിയാഴ്ച രണ്ടിന് വടവാതൂർ ഞാറയ്ക്കൽ സെയ്‌ന്റ് മേരിസ് റോമൻ കത്തോലിക്ക ദേവാലയ സെമിത്തേരിയിൽ.

ചേത്തയ്ക്കൽ: കിഴക്കേതിൽ രാജമ്മാൾ (87) അന്തരിച്ചു. കലഞ്ഞൂർ കല്ലുംപുറത്ത് ചാങ്ങാട്ട് കുടുംബാംഗം. ഭർത്താവ്: പരേതനായ രാമകൃഷ്ണപിള്ള. മക്കൾ: ശോഭനകുമാരി, സഞ്ജയൻപിള്ള, രാജീവൻപിള്ള, ഗീതാകുമാരി. മരുമക്കൾ: ബിന്ദു സഞ്ജയൻ, ഉഷ രാജീവ്, മുരളീധരൻപിള്ള. സംസ്‌കാരം ശനിയാഴ്ച 11.30-ന് വീട്ടുവളപ്പിൽ.

ഇരവിനല്ലൂർ: പാലത്തറവീട്ടിൽ കുട്ടിയമ്മ തോമസ് (69) അന്തരിച്ചു. ഭർത്താവ്: തോമസ്. മക്കൾ: സിന്ധു, ബിന്ദു, ഇന്ദു. മരുമക്കൾ: മോൻസി കുറിച്ചി, സണ്ണി ഇരവിനല്ലൂർ, സിബു മണർകാട്. സംസ്കാരം വെള്ളിയാഴ്ച 11-ന് വീട്ടിലെ ശുശ്രൂഷയ്ക്കുശേഷം മാങ്ങാനം ചിലമ്പ്രക്കുന്ന് ബെഥേൽ ഗോസ്പൽ സഭയുടെ സെമിത്തേരിയിൽ.

വെളിയനാട്: പുതുവീട്ടിൽ ഒ.വി. ജോസഫ് (83) അന്തരിച്ചു. ചതുർഥ്യാകരി ഗവ. യു.പി സ്കൂൾ റിട്ട. അധ്യാപകനാണ്. ഭാര്യ: വെളിയനാട് മെതിക്കളം കുടുംബാംഗം എൻ.ജെ. ത്രേസ്യാമ്മ (റിട്ട. എൽ.എച്ച്.എസ്.). മക്കൾ: സിബിച്ചൻ (വിഷ്വൽ സ്റ്റുഡിയോ, രാമങ്കരി), മിനിക്കുട്ടി (യു.എസ്.എ.). മരുമക്കൾ: സിൻസി മുട്ടാർ മുളവന (അധ്യാപിക, അസംപ്ഷൻ കോളേജ് ചങ്ങനാശ്ശേരി), റോയി ആലപ്പുഴ തൈപ്പറമ്പ് (യു.എസ്.എ.). സംസ്കാരം ശനിയാഴ്ച ഒൻപതിനു വെളിയനാട് സെയ്ന്റ് സേവ്യേഴ്സ് പള്ളിസെമിത്തേരിയിൽ.

ഹരിപ്പാട്: കാർത്തികപ്പള്ളി വെട്ടുവേനി പാണല്ലൂർ ഗംഗാധരൻ (93) അന്തരിച്ചു. സഞ്ചയനം തിങ്കളാഴ്ച ഏഴിന്.

പൂച്ചാക്കൽ: പാണാവള്ളി പഞ്ചായത്ത് രണ്ടാം വാർഡിൽ സജീന മൻസിലിൽ സുഹ്‌റ (49) അന്തരിച്ചു. ഭർത്താവ്: സത്താർ. മക്കൾ: സജീന, അബ്ദുൾ റഹ്‌മാൻ. മരുമകൻ: ഫാസിൽ.

കുറത്തികാട്: പള്ളിയാവട്ടം കുളത്തിന്റെ തെക്കേതിൽ സാറാമ്മാ തോമസ് (90) അന്തരിച്ചു. ഭർത്താവ്: പരേതനായ തോമസ്. സംസ്കാരം വെള്ളിയാഴ്ച രണ്ടിന് കുറത്തികാട് സെയ്ന്റ് ജോൺസ് മലങ്കര സുറിയാനി കത്തോലിക്കാപള്ളി സെമിത്തേരിയിൽ.

പൂച്ചാക്കൽ: പാണാവള്ളി പഞ്ചായത്ത് 16-ാം വാർഡ് തയ്യിൽവീട്ടിൽ ഗോപാലൻ ആചാരി (88) അന്തരിച്ചു. ഭാര്യ: തങ്കമ്മ ഗോപാലൻ. മക്കൾ: ഉണ്ണിക്കൃഷ്ണൻ (ടൈറ്റാൻ കമ്പനി), സുമാദേവി, രാധാകൃഷ്ണൻ (കെ.എസ്.ആർ.ടി.സി.). മരുമക്കൾ: ദയ ഉണ്ണിക്കൃഷ്ണൻ (അക്കൗണ്ടന്റ്), സാബു, ബിജി രാധാകൃഷ്ണൻ (സ്കൂൾ കൗൺസിലർ).

മോനിപ്പള്ളി: ഇലവുംകുഴിപ്പിൽ പരേതനായ മത്തായിയുടെ മകൻ സ്റ്റീഫൻ (കുഞ്ഞ്-70) അന്തരിച്ചു. ഭാര്യ: എൽസമ്മ മേമ്മുറി ചെരുവൻകാലായിൽ കുടുംബാംഗം. മക്കൾ: സ്റ്റിജ, സ്റ്റിജോ, സ്റ്റിജു. മരുമക്കൾ: ജെയ്സൺ മുതലുപിടിയിൽ ഇരവിമംഗലം, മിനു ആനിക്കാട്ടേൽ തൊടുപുഴ. സംസ്കാരം വെള്ളിയാഴ്ച മൂന്നിന് മോനിപ്പള്ളി തിരുഹൃദയപള്ളി സെമിത്തേരിയിൽ.

ഉപ്പുതറ: ലോൺട്രി രാധാപുരം പാസ്റ്റർ ആർ.ജെ. ദേവരാജ് (78) അന്തരിച്ചു. ഭാര്യ: മരിയമ്മ. മക്കൾ: ഫാ. സ്റ്റാലിൻ ദേവരാജ് (ബിലീവിയേഴ്സ് ചർച്ച്-തമിഴ്നാട്), വിമല. മരുമക്കൾ: എസ്തേർ, നോബിൾ. സംസ്കാരം വെള്ളിയാഴ്ച രണ്ടിന് പത്തേക്കർ പൊതുശ്മശാനത്തിൽ.

വെള്ളത്തൂവൽ: വെള്ളത്തൂവൽ പീടികപറമ്പിൽ ശോശക്കുട്ടി(77) അന്തരിച്ചു. പരേത കോലഞ്ചേരി കടയിരിപ്പ് മേക്കോത്ത്മാരിയിൽ കുടുംബാംഗം. ഭർത്താവ്: പരേതനായ എം.പി. കുര്യാക്കോ. മകൻ: ഡിനു കുര്യാക്കോസ് (കോതമംഗലം മർത്തമറിയം പള്ളിയിലെ ശുശ്രൂഷകൻ). മരുമകൾ: ജെസ്സി ഡിനു കുര്യാക്കോസ്. സംസ്കാരം വെള്ളിയാഴ്ച 12-ന് വെള്ളത്തൂവൽ സെയ്ൻറ് ജോർജ് യാക്കോബായ സുറിയാനി പള്ളിസെമിത്തേരിയിൽ.

മാന്തുരുത്തി: നെല്ലിമൂട്ടിൽ തങ്കമ്മ (86) അന്തരിച്ചു. പരേത പാലയ്ക്കത്തകിടി വെള്ളക്കൽ കുടുംബാംഗം. ഭർത്താവ്: പരേതനായ ദിവാകരൻ. മകൾ: പുഷ്പവല്ലി. മരുമകൻ: എൻ.എൻ.തങ്കപ്പൻ. സംസ്കാരം നടത്തി.

ആറന്മുള: മല്ലപ്പുഴശ്ശേരി വിൽക്കൊല്ലൻ പറമ്പിൽ ഭാരതിയമ്മ (92) അന്തരിച്ചു. ഭർത്താവ്: കെ.കെ. ഗോവിന്ദൻ. മക്കൾ: ജാനമ്മ, സൗദ, സുമ, സുധ, വിജയൻ, പരേതനായ ശിവൻകുട്ടി. മരുമക്കൾ: പ്രീത, പരേതരായ ദേവദാസ്, തമ്പി. സംസ്കാരം വെള്ളിയാഴ്ച രണ്ടിന് വീട്ടുവളപ്പിൽ.

തുമ്പമൺ: തോണ്ടത്തറയിൽ തങ്കമ്മ(80) അന്തരിച്ചു. ഭർത്താവ്: പരേതനായ ആർ. മാധവക്കുറുപ്പ് (റിട്ട. പോസ്റ്റ് മാസ്റ്റർ). മക്കൾ: എം.സുലോചനാദേവി, എം.രമാദേവി, ഉഷാകുമാരി. മരുമക്കൾ: സോമൻപിള്ള, മോഹൻകുമാർ, മോഹനൻപിള്ള. സഞ്ചയനം തിങ്കളാഴ്ച ഒൻപതിന്.

പുളിങ്കുന്ന്: പുളിങ്കുന്ന് റിട്ട. പോസ്റ്റ്മാൻ എരുവേലിത്തറ അനിയൻകുഞ്ഞ് (66) അന്തരിച്ചു. ഭാര്യ: പ്രസന്നകുമാരി. മക്കൾ: അനീഷ്, അഞ്ചു, അഖിൽ. മരുമക്കൾ: ബിനു, അനുപമ. സംസ്‌കാരം വെള്ളിയാഴ്ച 11.30-ന് വീട്ടുവളപ്പിൽ.

മൂലമറ്റം: കരിപ്പലങ്ങാട് തുമ്പച്ചിയിൽ വീട്ടിൽ ഉറങ്ങിക്കിടന്ന യുവാവിനെ മരിച്ച നിലയിൽ കണ്ടെത്തി. ഹൃദയാഘാതമെന്നാണ് ഡോക്ടർമാരുടെ പ്രാഥമിക നിഗമനം. വാളിപ്ലാക്കൽ വി.ജി.അനീഷാണ്(35) മരിച്ചത്. വ്യാഴാഴ്ച പുലർച്ചെ മൂന്നുമണിയോടെ ആറ് മാസം പ്രായമുള്ള ഇവരുടെ കുഞ്ഞിനെ നോക്കുന്നതിനായി ഭാര്യ ഉണർന്നപ്പോഴാണ് അനീഷിനെ ചലനമറ്റനിലയിൽ കണ്ടെത്തിയത്. ഉടൻതന്നെ ആശുപത്രിയിൽ എത്തിച്ചെങ്കിലും മരണപ്പെട്ടിരുന്നു.ഭാര്യ രമ്യ ഉപ്പുകുന്ന് സ്വദേശിനിയാണ്. ഗോപാലനാണ് അനീഷിന്റെ അച്ഛൻ. അമ്മ ശാന്ത. പോസ്റ്റ്‌മോർട്ടത്തിനുശേഷം മൃതദേഹം വീട്ടുവളപ്പിൽ സംസ്കരിച്ചു. കുളമാവ് പോലീസ് അസ്വാഭാവിക മരണത്തിന് കേസെടുത്തു.

പെരുമ്പെട്ടി: കൊച്ചുപറമ്പിൽ അക്കാമ്മ വർഗീസ് (78) അന്തരിച്ചു. ഭർത്താവ്: പരേതനായ കെ.എം.വർഗീസ്. മക്കൾ: ജോയി, ഓമന, അച്ചൻകുഞ്ഞ്, മോനിച്ചൻ. മരുമക്കൾ: ഷീബാ, രാജു, ലിലാമ്മ, മിനി. സംസ്കാരം ശനിയാഴ്ച 10.30-ന് വീട്ടിലെ ശുശ്രൂഷക്കുശേഷം 11.30-ന് പെരുമ്പെട്ടി സെയ്‌ന്റ് മേരീസ് ഓർത്തഡോക്സ്‌ പള്ളിസെമിത്തേരിയിൽ.

ഇത്തിത്താനം: ചിങ്ങവനം എൻ.എസ്.എസ്. ഹൈസ്കൂൾ റിട്ട. അധ്യാപിക പൊൻപുഴ തുരുത്തിപള്ളിൽ പി.സുമതിക്കുട്ടിയമ്മ (91) അന്തരിച്ചു. ഭർത്താവ്: പരേതനായ ദാമോദരൻ നായർ. മക്കൾ: ഡി.ശ്രീകുമാർ (റിട്ട. റബ്ബർ ബോർഡ്), ഡി.ജയകുമാർ (ഫാക്ട് ആലുവ), ലത ഡി.നായർ (പോസ്റ്റൽ ഡിപ്പാർട്ടുമെൻറ്). സംസ്കാരം വെള്ളിയാഴ്ച 10-ന് വീട്ടുവളപ്പിൽ.

കാവന: അടയ്ക്കനാട്ട് പരേതനായ മത്തായിയുടെ ഭാര്യ അന്നമ്മ മാത്യു (94) അന്തരിച്ചു. കപ്പാട്ട് കല്ലോലിക്കൽ കുടുംബാംഗമാണ്‌. മക്കൾ: ഔസേപ്പച്ചൻ കാൽവരി മൗണ്ട്, ബാബു കാവന, കുഞ്ഞിമോൾ പെരുവന്താനം, റ്റോമി നീലിവയൽ, മേരി കൈലാസം, ഇമ്മാനുവേൽ, പരേതനായ ബിനോയി. മരുമക്കൾ: ലില്ലിക്കുട്ടി വെള്ളരിങ്ങാട്ട്, എൽസിക്കുട്ടി ഒട്ടലാങ്കൽ, പാപ്പച്ചൻ മലമാക്കൽ, ബിൻസി പുക്കോള്ളത്ത്, റെജി മുതുകാട്ടിൽ. സംസ്കാരം വെള്ളിയാഴ്ച 10.30-ന് അരിക്കുഴ സെയ്‌ൻറ് സെബാസ്റ്റ്യൻസ്‌ പള്ളി സെമിത്തേരിയിൽ.

ചെങ്ങമനാട്: റിട്ട. കരസേന ക്യാപ്ടൻ ചെങ്ങമനാട് വെളിയത്തുവീട്ടിൽ വി.കെ വിക്രമൻപിള്ള (89) അന്തരിച്ചു. ഭാര്യ: രുക്മിണി അമ്മ. മക്കൾ: രാജേഷ്, ബിന്ദു, സീമ, സിന്ധു. മരുമക്കൾ: രാധിക, രവി, രാജൻ, അരുൺ.

കോതാട്: തുണ്ടിപ്പറമ്പിൽ പരേതനായ അന്തപ്പന്റെ മകൾ മേരി അമ്മിണി (69) അന്തരിച്ചു. മാതാവ്‌: പരേതയായ മേരി അന്തപ്പൻ. സഹോദരങ്ങൾ: ജോസി (കടമക്കുടി ഗ്രാമപ്പഞ്ചായത്ത് മുൻ മെംബർ), റോസിലി, മെറ്റി, പരേതയായ ഗ്രേസി. സംസ്കാരം വെള്ളിയാഴ്ച 9.30-ന് കോതാട് തിരുഹൃദയ ദേവാലയ സെമിത്തേരിയിൽ.

കോലഞ്ചേരി: വടയമ്പാടി പറമ്പാത്ത് പി.എൻ. രവീന്ദ്രൻ(68-വൈസ്‌മെൻ മുൻ ഡിസ്ട്രിക്ട് ഗവർണർ) അന്തരിച്ചു. ഭാര്യ: രഹ്‌ന രവീന്ദ്രൻ, മൂവാറ്റുപുഴ ശാസ്തമംഗലത്ത് കുടുംബാംഗം (ടൈം കിഡ്‌സ്, മലേക്കുരിശ്). മക്കൾ: പ്രവീൺ (ദുബായ്), വരുൺ (ഇൻഫോപാർക്ക്, കൊച്ചി). മരുമകൾ: സിന്ധ്യ (ദുബായ്). പരേതൻ വടക്ക്-കിഴക്കൻ സംസ്ഥാനങ്ങളിലെ വൻകിട ഹൈഡ്രോ ഇലക്ട്രിക് പ്രോജക്ടുകൾക്ക് നേതൃത്വം നൽകി. വടയമ്പാടി ഗവ. എൽ.പി. സ്കൂൾ പൂർവ വിദ്യാർഥി സംഘടനാ ഭാരവാഹിയായിരുന്നു. സംസ്കാരം വെള്ളിയാഴ്ച 11-ന് വീട്ടുവളപ്പിൽ.

പെരുമ്പാവൂർ: മൗലൂദുപുര മർഹൂം കോട്ടേക്കാട്ടിൽ (തച്ചിരുകുടി) പാത്തുക്കുട്ടി (91) മദീനയിൽ അന്തരിച്ചു. ഭർത്താവ്: കുഞ്ഞിപ്പരീത്. മക്കൾ: അബ്ദുൽ നാസർ (മാറമ്പിള്ളി സഹകരണ ബാങ്ക്), സൈദുമുഹമ്മദ്, മുഹമ്മദ്, സുഹ്‌റ ബീവി, മറിയം ബീവി, ആമിന, റഹ്മത്ത്, പരേതനായ ഹൈദർ അലി. മരുമക്കൾ: ആമിന, ചിത്തുക്കുട്ടി, സുഹ്‌റ, ശാജിത, അബ്ദുൽ റഹ്മാൻ, ഖാസിം, അലൈസ്, സിദ്ദിഖ്. ഖബറടക്കം മദീനയിൽ നടക്കും.

കുന്നംകുളം: വെസ്റ്റ് മങ്ങാട് മഠത്തിലാത്ത് ഗോപാലകൃഷ്ണൻ നായർ (ഉണ്ണി -85) അന്തരിച്ചു. ഭാര്യ: കുഞ്ഞിക്കാവമ്മ (കമലം). മകൾ: മൃദുല. മരുമകൻ: സതീശൻ.

കുന്നംകുളം: ആർത്താറ്റ് കൊള്ളന്നൂർ വീട്ടിൽ ജോർജ് (75) അന്തരിച്ചു. റിട്ട. പോലീസ് സബ് ഇൻസ്‌പെക്ടറാണ്. ഭാര്യ: സിസിലി (റിട്ട. പ്രധാനാധ്യാപിക, എം.യു.എം. എൽ.പി. സ്‌കൂൾ, പെരുമ്പിലാവ്). മക്കൾ: സിൻജ (അധ്യാപിക, ആശ്രമം ഹയർ സെക്കൻഡറി സ്‌കൂൾ, പെരുമ്പാവൂർ), ഗ്രിബിൻ (അസിസ്റ്റന്റ് പ്രിസൺ ഓഫീസർ, വിയ്യൂർ സെൻട്രൽ ജയിൽ). മരുമക്കൾ: പ്രമോദ് (സീനിയർ ക്ലാർക്ക്, സി.എച്ച്.സി., മാള), സിജി (അധ്യാപിക, എസ്.എസ്.എം. യു.പി.എസ്., വടക്കുമുറി). സംസ്‌കാരം വെള്ളിയാഴ്ച രാവിലെ 11-ന് ചാലിശ്ശേരി മാർതോമ പള്ളി സെമിത്തേരിയിൽ.

പാഞ്ഞാൾ: പൈങ്കുളം അപ്പേക്കാട്ടിൽ ശിവദാസൻ നായർ (80) അന്തരിച്ചു. ഭാര്യ: പരേതയായ ഭാമ. മക്കൾ: ജയ, ജയൻ, സജി, സതിദേവി. മരുമക്കൾ: ശശിധരൻ, മീന, രമേഷ്.

കൊടുങ്ങല്ലൂർ: പുല്ലൂറ്റ് കോഴിക്കട മുട്ടത്താൻ വേലായുധൻ (86) അന്തരിച്ചു. ഭാര്യ: സുമതി. മക്കൾ: ലളിത, ഉണ്ണികൃഷ്ണൻ, പീതാംബരൻ, ജലജ, ജയ. മരുമക്കൾ: പ്രസന്ന, മീന, അയ്യപ്പൻ, ബാബു, പരേതനായ സോമൻ. സംസ്‌കാരം വെള്ളിയാഴ്ച രാവിലെ 10-ന് പൊതുശ്മശാനത്തിൽ.

ഒല്ലൂർ: തേനംകുടത്ത് മാപ്രാണി ജോയി (64) അന്തരിച്ചു. ഭാര്യ: ത്രേസ്യാമ്മ. മക്കൾ: അഭിലാഷ്, അമ്പിളി, ആൻസി. മരുമക്കൾ: അഹ്‌ന, രാജു, സാജൻ. സംസ്കാരം വെള്ളിയാഴ്ച പതിനൊന്നിന് ഒല്ലൂർ സെയ്ന്റ്‌ ആന്റണീസ് ഫൊറോന പള്ളി സെമിത്തേരിയിൽ.

ചേരാമംഗലം: ചെട്ടിയാർകാട്ടിൽ പരേതനായ വേലായുധന്റെ മകൻ സുരേന്ദ്രൻ (47) അന്തരിച്ചു. അമ്മ: ലീല. ഭാര്യ: രജിത. മക്കൾ: അഭിരാം, ദർശന. സഹോദരങ്ങൾ: സുജാത, സുനിത.

ചെർപ്പുളശ്ശേരി: മാങ്ങോട് വീരമംഗലം കരിമ്പൻചോല വീട്ടിൽ കുമാരൻ (66) അന്തരിച്ചു. ഭാര്യ: കല്യാണി. മക്കൾ: ശശികുമാർ, ഗീത, ലത. മരുമക്കൾ: സുരേഷ്ബാബു, ജയകൃഷ്ണൻ.

തെയ്യോട്ടുചിറ: പൊന്നേത്ത് ഉസ്മാൻ (78) അന്തരിച്ചു. ഭാര്യ: കദീജ. മകൾ: ആയിഷ. മരുമകൻ: നാസർ.

തൃത്താല: കക്കാട്ടിരി മാരിയിൽ കുഞ്ചുക്കുട്ടിയമ്മ (78) അന്തരിച്ചു. ഭർത്താവ്: പരേതനായ ബാലൻനായർ. മക്കൾ: രാമചന്ദ്രൻ, ലീലാവതി, സരോജിനി, ലത, രാജേഷ്, മണികണ്ഠൻ. മരുമക്കൾ: ഗോപാലകൃഷ്ണൻ, രവീന്ദ്രൻ (വെളിച്ചപ്പാട്, ആലൂർ ചാമുണ്ഡിക്കാവ് ക്ഷേത്രം), വിനിത, പ്രേമൻ, ദീപ, വാസന്തി.

കൊല്ലങ്കോട്: പല്ലാവൂർ തെക്കേത്തറ എം.വി. നിവാസിൽ കാർത്ത്യായനി അമ്മ (95) അന്തരിച്ചു. ഭർത്താവ്: പരേതനായ ഭാസ്കരൻ നായർ. മക്കൾ: പി. രാധാകൃഷ്ണൻ, പി. ശാന്തകുമാരി, പി. ഓമന, പി. രവീന്ദ്രൻ, പി. ബിജു. മരുമക്കൾ: ലത, പരേതനായ തങ്കപ്പൻ നായർ, ദിവാകരൻ നായർ, മോഹനൻ.

മക്കരപ്പറമ്പ്‌: ചെട്ട്യാരങ്ങാടിയിലെ തൊട്ടിതൊടി മൊയ്‌ദീൻ (ഭായി-69) അന്തരിച്ചു. ഭാര്യ: മൈമൂന (പനങ്ങാങ്ങര). മക്കൾ: റഹിയാനത്ത്, ഹനീഫ, ഷുഹൈബ്. മരുമക്കൾ: സക്കീർ (അങ്ങാടിപ്പുറം), വാഹിദ (ചെരക്കാപ്പറമ്പ്), ഷാഹിന (മങ്കട).

എടക്കര: മൂത്തേടം താളിപ്പാടം കമരിയൻ സഫിയ (66) അന്തരിച്ചു. ഭർത്താവ്: പരേതനായ അലവിക്കുട്ടി. മക്കൾ: മുജീബ്‌റഹ്‌മാൻ, ഷാനവാസ്, റിയാസ്, സുനിൽബാബു, നഹാസ്. മരുമക്കൾ: മൈമൂന, സബ്ന, നിംഷിയ, ഷെമീമ.

എടക്കര: കാവുങ്കൽ കെ.ടി. ജോസഫ് (66) അന്തരിച്ചു. ഭാര്യ: ഗ്രേസി. മക്കൾ: തോമസ്, ബിജു, പ്രിൻസി. മരുമക്കൾ: ബിന്ദു, സാനി, പാസ്റ്റർ ജിനേഷ്. സംസ്‌കാരം വെള്ളിയാഴ്‌ച 12.30-ന് മുപ്പിനി എ.ജി. സെമിത്തേരിയിൽ.

മഞ്ചേരി: ആമയൂർ കക്കാടമ്മൽ മണപ്പാട്ട് ഗോവിന്ദൻ (ചുണ്ടുമാൻ-42) അന്തരിച്ചു. മഞ്ചേരി നെല്ലിപറമ്പ് കവചം ഓട്ടോറിക്ഷ അപ്ഹോൾസ്റ്ററി വർക്സ്‌ തൊഴിലാളിയായിരുന്നു. അച്ഛൻ: പരേതനായ കറുപ്പൻ. അമ്മ: ചിരുത. ഭാര്യ: ഷൈനി വണ്ടൂർ. മക്കൾ: നവനീത്, നിന്ദ, നിമ, നന്ദന. സഹോദരങ്ങൾ: സുരേഷ്, സുന്ദരി. സംസ്‌കാരം വെള്ളിയാഴ്‌ച രാവിലെ വീട്ടുവളപ്പിൽ.

പാണ്ടിക്കാട്: പുഴയിൽ കുളിക്കാനിറങ്ങിയ യുവാവ് മുങ്ങിമരിച്ചു. പാണ്ടിക്കാട് പയ്യപ്പറമ്പിലെ മാഞ്ചേരി കുരിക്കൾ ആസാദിന്റെ മകൻ മുഹമ്മദ് അർഷഖ് (23) ആണ് മരിച്ചത്.വ്യാഴാഴ്‌ച ഉച്ചയോടെ കടലുണ്ടിപ്പുഴയിലെ ചേപ്പൂർ കടവിനു സമീപമാണ് അപകടം. മാതാവിന്റെ പിതാവ് ചുണ്ടിയൻമൂച്ചി കുഞ്ഞിമുഹമ്മദിന്റെ മരണാനന്തരച്ചടങ്ങുകൾക്ക് എത്തിയതായിരുന്നു. കബറടക്കത്തിനുശേഷം കുളിക്കാനിറങ്ങിയപ്പോഴാണ് കാണാതായത്. അഗ്നിരക്ഷാസേന, ട്രോമാകെയർ, സിവിൽ ഡിഫൻസ്, നാട്ടുകാർ എന്നിവർചേർന്ന് നടത്തിയ ഒന്നരമണിക്കൂർ നീണ്ട തിരച്ചിലിനൊടുവിൽ സമീപത്തെ ചുഴിയിൽനിന്ന് മരിച്ചനിലയിൽ കണ്ടെത്തി. മൃതദേഹം പോസ്റ്റ്മോർട്ടത്തിനായി മഞ്ചേരി മെഡിക്കൽകോളേജ് ആശുപത്രിയിലേക്കു മാറ്റി. മാതാവ്: റജീന. സഹോദരങ്ങൾ: മുഹമ്മദ് അർഷൽ, അർഷ.

വടകര: സീയം ആശുപത്രിക്കുസമീപം അക്കം വീട്ടിൽ ദീപിക (40) അന്തരിച്ചു. ഭർത്താവ്: സന്തോഷ്. മകൾ: ദേവനന്ദ. അച്ഛൻ: പരേതനായ സത്യനാഥൻ. അമ്മ: രാധ. സഹോദരങ്ങൾ: ദീപക്ക്‌, ദിവ്യ.

ലോകനാർകാവ്: പുനത്തിച്ചങ്കണ്ടിയിൽ കമലാക്ഷി അമ്മ (84) അന്തരിച്ചു. ഭർത്താവ്: രാഘവൻ (റിട്ട. അധ്യാപകൻ, വില്യാപ്പള്ളി വെസ്റ്റ് എം.ജെ. എൽ.പി. സ്കൂൾ). മക്കൾ: വത്സല, സുശീല, ഉഷ, പ്രഭ, സുജാത. മരുമക്കൾ: രവി (റിട്ട. തപാൽവകുപ്പ്), ശശിധരൻ (റിട്ട. എസ്.ഐ., പോലീസ്), ശശി (ജില്ലാ ആശുപത്രി, വടകര), പരേതനായ ബാബു (കൊല്ലം).

പുതുപ്പണം: ജനതാറോഡ് മലോൽ മാതുഅമ്മ (93) അന്തരിച്ചു. ഭർത്താവ്: പരേതനായ പക്രന്റവിട കണാരൻ. മക്കൾ: ചന്ദ്രൻ, കമല, രവീന്ദ്രൻ, ദാസൻ (കച്ചവടം), മരുമക്കൾ : ഗീത, ശോഭ, ശ്രീജ, ചന്ദ്രൻ.

ചീക്കിലോട്: വേങ്ങേരി പടിഞ്ഞാറെ കൊടക്കാട്ട് ജമീല (74), സഹോദരൻ ചീക്കിലോട് പി.കെ അബ്ബാസിന്റെ വസതിയിൽ അന്തരിച്ചു. പരേതരായ പി.കെ. അബൂബക്കറിന്റെയും ആയിശയുടെയും മകളാണ്. മറ്റുസഹോദരങ്ങൾ: പി.കെ. അസീസ് പാലത്ത്, റസിയ കാരക്കുന്നത്ത്, സലീം (കർണാടക), നസീർ (കുവൈത്ത്), അബ്ദുൽ ഗഫൂർ കാക്കൂർ.

കോഴിക്കോട്: കുറ്റിച്ചിറ പുനത്തിൽ ഫാത്തിമ (89) അന്തരിച്ചു. ഭർത്താവ്: പരേതനായ ആലഞ്ചേരി മുഹമ്മദ്. മക്കൾ: സുബൈദ, ഉമൈബ, ലൈല, ഷാഹിദ, നസീമ, അൽഗേഷ് (ഷാജി). മരുമക്കൾ: പരേതനായ അബ്ദുറഹിമാൻ, പരേതനായ ആലിക്കുട്ടി ഷൊർണൂർ, പെരിഞ്ചെരി വിള അസീസ്, ജമാൽ, അബ്ദുൽ അസീസ്, മുബീന (ബീന). സഹോദരൻ: പരേതനായ അബൂബക്കർ (മുൻ രജിസ്ട്രാർ).

പള്ളിക്കുന്ന്: മേലെ മൈലാടി കുന്നത്ത് ബഷീർ (54) അന്തരിച്ചു. പരേതനായ മൂസയുടെയും ഖദീജയുടെയും മകനാണ്. ഭാര്യ: റംല.മക്കൾ: റഷീദ ഷെറിൻ, അലി അക്ബർ, സാബിത്ത്. മരുമകൻ: നൗഫൽ സിദ്ദിഖ്. സഹോദരി: ആയിശ.

ബാവലി: വയനാട്ടിൽനിന്ന് കർണാടകയിൽ ജോലിക്കുപോയ യുവാവ് തൊഴിലിടത്തിനുസമീപത്തെ തോട്ടിൽ മരിച്ചനിലയിൽ. ബാവലി ഷാണമംഗലം കോളനിയിലെ എം.എസ്. ബിനീഷ് (33) ആണ് മരിച്ചത്. നാലുദിവസം മുമ്പാണ് ബിനീഷ് കുടകിലെ ബിരുണാണിയിൽ ജോലിക്കുപോയത്. ജോലി ചെയ്യുന്നതിനു സമീപം മരിച്ചനിലയിൽ കണ്ടെത്തിയതായി ബുധനാഴ്ച വൈകീട്ടാണ് ബന്ധുക്കൾക്ക് വിവരം ലഭിച്ചത്. കർണാടക പോലീസ് കേസെടുത്ത് അന്വേഷണം തുടങ്ങി. മൃതദേഹം പോസ്റ്റുമോർട്ടത്തിന് ശേഷം ബന്ധുക്കൾക്ക് വിട്ടുകൊടുത്തു. ഷാണമംഗലം കോളനിയിലെ മാധവന്റെയും സുധയുടേയും മകനാണ് ബിനീഷ്. സഹോദരങ്ങൾ: മനോജ്, ചന്ദ്രൻ, നീതു, നിഷ.

സുൽത്താൻബത്തേരി: കല്ലൂർ തടിക്കുളങ്ങര കുര്യാക്കോസ് (89) അന്തരിച്ചു. ഭാര്യ: പരേതയായ അന്നമ്മ. മക്കൾ: സൈമൺ, ജോസഫ്, പൗലോസ്, കുര്യാക്കോസ്, അബ്രഹാം. മരുമക്കൾ: മേരി, മേഴ്‌സി, ഷീബ, മേരി, ഷാന്റി. സംസ്കാരം വെള്ളിയാഴ്ച 10-ന് കല്ലുമുക്ക് സെയ്ന്റ് ജോർജ് യാക്കോബായ സുറിയാനി പള്ളിസെമിത്തേരിയിൽ.

മംഗലാട്: മീത്തലെ പാലോള്ളതിൽ മാണി (76) അന്തരിച്ചു. ഭർത്താവ്: പരേതനായ ചാത്തു. മക്കൾ: അനീഷ്, ദേവി, ജാനു, ശോഭ, ലീല, പ്രീത, ബിന്ദു, പരേതയായ ജയശ്രീ. മരുമക്കൾ: സുകന്യ, വാസു, പ്രകാശൻ, പങ്കജാക്ഷൻ, ബാലൻ, പരേതരായ ശങ്കരൻ, രാജൻ.

കല്പറ്റ: റിട്ട. പഞ്ചായത്ത് സെക്രട്ടറി കൈനാട്ടി വിദ്യാനഗറിൽ ശ്രീശൈലം വീട്ടിൽ വി.കെ. ഗോപിനാഥൻ (65) അന്തരിച്ചു. ഭാര്യ: സുധാമണി. മക്കൾ: അനൽ ഗൗതം, അശ്വിൻ ഗോപിനാഥ്.

ചിറക്കൽ: ഹൈവേ ജങ്‌ഷനിലെ കെ.വി.ബാലകൃഷ്ണൻ (76) അന്തരിച്ചു. റിട്ട. എസ്.ബി.ഐ. ഉദ്യോഗസ്ഥനാണ്. ഭാര്യ: ജീജ. മക്കൾ: ജീബ, ബിജേഷ്. മരുമക്കൾ: രാജീവ്‌, സംഗീത. സഹോദരങ്ങൾ: പരേതരായ ഗോവിന്ദൻ, നാരായണൻ, അനന്തൻ, നാണു. സഹോദരി: ലക്ഷ്മി (തൃച്ചംബരം). സഞ്ജയനം ശനിയാഴ്ച.

പള്ളിക്കുന്ന്: ഇടച്ചേരിയിലെ നാലാന്പ്രത്ത് എൻ.ചിത്ര (65) അന്തരിച്ചു. ഭർത്താവ്: ജയകുമാർ. മക്കൾ: വികാസ് ബാബു, ജഗൻകുമാർ, ഷൈജ, ഷീജ (ഗൾഫ്). മരുമക്കൾ: ജിനീഷ് (വയനാട്), ജോസ് (കോട്ടയം), യശോദ, രേഷ്മ.

മാത്തിൽ: മുക്കാലിയിലെ വി.വി.കരുണാകരൻ മാസ്റ്റർ (67) അന്തരിച്ചു. ദീർഘകാലം കുമ്പളപ്പള്ളി എ.യു.പി. സ്കൂളിലെ അധ്യാപകനായിരുന്നു. ഭാര്യ: വി.പി.ഇന്ദിരാദേവി (എരമം). മക്കൾ: രാകേഷ് (യു.എസ്.എ.), മനീഷ് (യു.എസ്.എ.). മരുമകൾ: പ്രിയങ്ക രാകേഷ് (മാങ്ങാട്). സഹോദരങ്ങൾ: കൃഷ്ണപ്പൊതുവാൾ (വടവന്തൂർ), യശോദ (പെരുന്തട്ട), സരോജിനി (മുക്കാലി), കുഞ്ഞിരാമൻ (ചാർട്ടേർഡ് അക്കൗണ്ടന്റ്‌, മുക്കാലി), നാരായണൻ (റിട്ട. എസ്.ഐ., കോറോം), പദ്‌മനാഭൻ (വിമുക്തഭടൻ, ആലപ്പടമ്പ്), രവീന്ദ്രൻ (ഐ.ഐ.എം., കോഴിക്കോട്), ഇന്ദിര (ചുണ്ട). സംസ്കാരം ശനിയാഴ്ച.

ഇരിക്കൂർ: ബ്ലാത്തൂർ ടൗൺ സ്റ്റേറ്റ് ബാങ്ക് ഓഫ് ട്രാവൻകൂർ ബ്രാഞ്ച് ഓഫീസിനടുത്ത അസിം കോട്ടേജിലെ എ.സി. അശ്രഫ് ഹാജി (65) അന്തരിച്ചു. ദീർഘകാലം വിദേശത്ത് ബിസിനസ് ആയിരുന്നു. ഭാര്യ: പള്ളിപ്പാത്ത് സീനത്ത്. പിതാവ്: പരേതനായ കിണാക്കൂൽ മാമു. മാതാവ് : പരേതയായ എ.സി. ആയിഷ. മക്കൾ: പി. അസീം (ദുബായ്), ആഷിഖ് (എൻജിനിയർ), ഹാഷിദ് (സൗദി), ആഷിദ (വാട്ടർ അതോറിറ്റി കണ്ണൂർ). മരുമക്കൾ : റിസാന (കണ്ണൂർ), അൻഫറ (നടുവിൽ), സഹോദരങ്ങൾ: എ.സി. ഹാജറ (കോളോട്, ഇരിക്കൂർ), സീനത്ത് (ആയിപ്പുഴ), റുഖിയ (പെടയങ്കോട്).

കല്യാശ്ശേരി: മാങ്ങാട് തേറാറമ്പ്ക്ഷേത്രത്തിനു സമീപത്തെ കുഞ്ചോറു മുത്തർ (105) അന്തരിച്ചു. ഭർത്താവ്: പരേതനായ ഓതേനൻ. മക്കൾ: കമല, രാജൻ, ലക്ഷ്മണൻ, രാധ, നന്ദിനി. മരുമക്കൾ: ശിവൻ, ജീവേശ്വരി, ചന്ദ്രൻ, മോഹനൻ, പരേതയായ ചന്ദ്രമതി. സഹോദരങ്ങൾ: മാധവി, പരേതരായ ചിയ്യയി, മാണിക്യം, നാരായണി, കുഞ്ഞാച്ച.

ഉച്ചൂളിക്കുന്ന്‌ മെട്ട: കൂലോത്തുംകണ്ടിയിൽ ചന്ദ്രോത്ത് ശൈലജ (61) അന്തരിച്ചു. ഭർത്താവ്: അടുംകുടി രാഘവൻ (സി.പി.ഐ. അഞ്ചരക്കണ്ടി ലോക്കൽ കമ്മിറ്റിയംഗം, അഞ്ചരക്കണ്ടി ഫാർമേഴ്‌സ് ബാങ്ക് ഡയറക്ടർ). മക്കൾ: രാകേഷ് (ദുബായ്), മനോജ്‌, മനീഷ. മരുമകൻ: രജീഷ് (മൗവ്വഞ്ചേരി). സഹോദരങ്ങൾ: കൃഷ്ണൻ, സത്യൻ, പരേതരായ കാർത്യായനി, രാജു.

കാസർകോട്: കറന്തക്കാട് അശ്വിനിനഗർ രാധാനിവാസിലെ നേത്രാവതി ഷേണായ് (50) അന്തരിച്ചു. ഭർത്താവ്: ഹരിദാസ് ഷേണായ്. പരേതരായ സി.രാമദാസ് ഷേണായ്-വിജയ ഷേണായ് ദമ്പതിമാരുടെ മകളാണ്. മക്കൾ: രാമനാഥ് ഷേണായ്, സുബ്രഹ്മണ്യ ഷേണായ്. സഹോദരങ്ങൾ: കൃഷ്ണാനന്ദ ഷേണായ്, മഞ്ജുനാഥ ഷേണായ്, ലക്ഷ്മി ഷേണായ്, രാധിക പൈ, പരേതയായ മീനാക്ഷി ഷേണായ്.

പെരുമ്പട്ട: കാക്കടവ് അരിയൻങ്കല്ലിലെ എം.ടി.പി. മുഹമ്മദ്‌ കുഞ്ഞി അത്തൂട്ടി (52) അന്തരിച്ചു. ഭാര്യ: കെ.നസീറ. മക്കൾ: കെ.നിസാം (ദുബായ്), കെ.അമീൻ, കെ.നാജിയ. സഹോദരങ്ങൾ: എം.ടി.പി.അബ്ദുൽ ലത്തീഫ്, എം.ടി.പി.ഇല്യാസ്, എംടി.പി.നിസാർ, എം.ടി.പി.സാറമ്മ, എം.ടി.പി.സൗദ.

നീലേശ്വരം: കാര്യങ്കോട്ടെ എ.കെ.ജാനകി (85) അന്തരിച്ചു. ഭർത്താവ്: പരേതനായ അമ്പാടി. മക്കൾ: ശാന്ത, കൃഷ്ണൻ, ശോഭ, സുലോചന. മരുമക്കൾ: എം.അമ്പാടി, എം.ശാന്ത (നീലേശ്വരം നഗരസഭ സി.ഡി.എസ്. വൈസ് ചെയർപേഴ്‌സൺ), കുമാരൻ (പാലാത്തടം). സഹോദരങ്ങൾ: പരേതരായ കുഞ്ഞമ്പു വൈദ്യർ, സി.സി.അമ്പാടി, മാധവി, കല്ല്യാണി.

ബേക്കൽ: കപ്പൽജീവനക്കാരനായിരുന്ന കാഞ്ഞങ്ങാട് അലറായ് ’ശ്രീയം’ നിലയത്തിൽ ബി.എ.വേലായുധൻ (79) അന്തരിച്ചു. ഭാര്യ: നാരായണി. മക്കൾ: സുഭാഷ് (മർച്ചന്റ് നേവി), സുനിത, സ്വപ്ന (ദുബായ്). മരുമക്കൾ: വി.പ്രദീപ് (ദുബായ്), സൗമ്യ, പരേതനായ കെ.വി.പ്രദീപ്. സഹോദരങ്ങൾ: ശ്രീമതി (കാഞ്ഞങ്ങാട്), ബി.എ.അരവിന്ദൻ, ലക്ഷ്മി (ഇരുവരും ബേക്കൽ), ബി.എ.രാധാകൃഷ്ണൻ (മുൻ മർച്ചന്റ് നേവി ഉദ്യോഗസ്ഥൻ), പരേതയായ വല്ലി.

ബെംഗളൂരു: കാസർകോട് നാകരാജെ സാലത്വഡുക്ക വീട്ടിൽ ആയിഷത് ശാനിയ ബാനു(17) ബെംഗളൂരുവിൽ അന്തരിച്ചു. രണ്ടുവർഷമായി കമലനഗറിൽ ബന്ധുവീട്ടിൽ താമസിച്ചുവരികയായിരുന്നു. പിതാവ്: അബ്ദുൽ മുത്വലിഫ്. മാതാവ്: ഫൗസിയ. സഹോദരങ്ങൾ: സൽമാൻ ഫാരിസ്, ഖതീജത് ഇഹ്സാന, ഉമൈർ ഹാതിം, അഹ്സാബ് സുൽത്വാൻ. കബറടക്കം വെള്ളിയാഴ്ച രാവിലെ ആറിന് യദുർതോട് ജുമാ മസ്ജിദിൽ.

ചെന്നൈ: പാലക്കാട് വിത്തനശ്ശേരി കേളക്കോട് എസ്. അപ്പുക്കുട്ടൻ (82) പൂനമല്ലിയിലുള്ള വീട്ടിൽ അന്തരിച്ചു. ഭാര്യ: പരേതയായ വനജ. മകൻ: സതീഷ്‌കുമാർ. മരുമകൾ: സുലത.

മസ്കറ്റ്: തൃശ്ശൂർ കൊടകര ഗാന്ധിനഗർ സ്വദേശി മനോജ് (49) സലാലയിൽ അന്തരിച്ചു. ജോലിക്കിടയിലായിരുന്നു മരണം. ഭാര്യ: ശൈലജ. മക്കൾ: അർജുൻ, അനിരുദ്ധ്. വക്കാട്ട് മാധവന്റെയും അമ്മിണിയുടെയും മകനാണ്. മൃതദേഹം സുൽത്താൻ ഖാബൂസ് ആശുപത്രിയിൽ സൂക്ഷിച്ചിരിക്കുന്നു. സംസ്കാരം നാട്ടിൽ.

ന്യൂഡൽഹി: ചേരാനല്ലൂർ വലിയവേലിക്കകത്ത് വി.കെ. പങ്കൻ (69) ഡൽഹിയിൽ അന്തരിച്ചു. ഭാര്യ : സരസു പങ്കൻ. മക്കൾ : വി.പി. ബിനു, വി.പി. മിഥുൻ. മരുമക്കൾ: മിനുജ, സുജ. സഞ്ചയനം ശനിയാഴ്ച രാവിലെ 9.30-ന് സ്വവസതിയിൽ.

ബഹ്റൈൻ: കൊല്ലം ശൂരനാട് പതാരം കൊച്ചുകോപ്പാറയിൽ ബിജു പിള്ള (43) ബഹ്റൈനിൽ അന്തരിച്ചു. സ്വകാര്യസ്ഥാപനത്തിലെ ജീവനക്കാരനാണ്. പരേതനായ പ്രഭാകരൻ പിള്ളയുടെയും ഇന്ദിരാമ്മയുടെയും മകനാണ്. ഭാര്യ: സരിത. മകൾ: കീർത്തന. സംസ്കാരം നാട്ടിൽ.