കുമ്പഴ ജങ്ഷനുസമീപം ഹോട്ടലിനുമുന്നിൽ നിയന്ത്രണംവിട്ട് മറിഞ്ഞ ഓട്ടോറിക്ഷ
കുമ്പഴ : പുനലൂർ-മൂവാറ്റുപുഴ സംസ്ഥാനപാതയിൽ കുമ്പഴ ജങ്ഷനുസമീപം ഹോട്ടലിനുമുന്നിൽ നിയന്ത്രണംവിട്ട ഓട്ടോറിക്ഷ കാറിലിടിച്ച് സ്കൂൾവിദ്യാർഥികളുടെ മുകളിലേക്ക് മറിഞ്ഞു. മൂന്ന്‌ വിദ്യാർഥികൾക്ക് പരിക്കേറ്റു. െെമലപ്ര മൗണ്ട് ബഥനി സ്കൂളിലെ വിദ്യാർഥികൾക്കാണ് പരിക്കേറ്റത്. ജനറൽ ആശുപത്രിയിൽ പ്രവേശിപ്പിച്ച കുട്ടികളുടെ പരിക്ക് സാരമുള്ളതല്ല. നാട്ടുകാർ ഓടിക്കൂടി ഓട്ടോറിക്ഷ ഉയർത്തി കുട്ടികളെ പുറത്തെടുത്തു. ഓട്ടോറിക്ഷ ഡ്രൈവറുടെ നേതൃത്വത്തിലാണ് പരിക്കേറ്റ കുട്ടികളെ ആശുപത്രിയിലെത്തിച്ചത്.
വ്യാഴാഴ്ച വൈകീട്ട് നാലരയോടെ കുട്ടികൾ സ്കൂൾവിട്ട്‌ വരുമ്പോഴാണ് അപകടം.
ജങ്ഷനും സമീപത്തായി റോഡിനിരുവശവും വാഹനങ്ങൾ പാർക്കുചെയ്യുകയാണ്. ഇതുമൂലം അപകടം പെരുകുകയുമാണ്. കഴിഞ്ഞയാഴ്ചയിലും സമാനമായ അപകടം ഇവിടെ നടന്നു. വാഹനങ്ങൾ സ്കൂൾസമയത്തും അമിതവേഗത്തിലാണ് പായുന്നത്. സ്കൂൾസമയത്തുപോലും ഗതാഗതം നിയന്ത്രിക്കാൻ പോലീസില്ലെന്ന പരാതിയും വ്യാപകമാണ്.
.jpg?$p=430c1f1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..