തെങ്ങമം : വായനപക്ഷാചരണത്തോട് അനുബന്ധിച്ച് അന്തരിച്ച ഗാനരചയിതാവ് അനിൽ പനച്ചൂരാന്റെ സ്മരണാർത്ഥം കൈതയ്ക്കൽ ബ്രദേഴ്‌സ് ഗ്രന്ഥശാല ആൻഡ് സാംസ്കാരിക കേന്ദ്രം സംഘടിപ്പിച്ച കിളിക്കൊഞ്ചൽ സീസൺ രണ്ട് കവിതാലാപന മത്സരവിജയികൾക്കുള്ള സമ്മാനദാനം നടന്നു. സിവിൽ സർവീസ് റാങ്ക് ജേതാവ് രോഹിൻ രാജ് ഉദ്ഘാടനം ചെയ്തു. ബ്രദേഴ്‌സ് പ്രസിഡന്റ് വിമൽ കൈതയ്ക്കൽ അധ്യക്ഷനായി. കേന്ദ്ര സാമൂഹികനീതി വകുപ്പിന്റെ പുരസ്‌ക്കാരം നേടിയ കണ്മണിയെ ചടങ്ങിൽ ആദരിച്ചു.
ബ്രദേഴ്‌സ് സെക്രട്ടറി പി. ജയകുമാർ, ട്രഷറർ എസ്. വിമൽ കുമാർ, നോവലിസ്റ്റ് തെങ്ങമം ഗോപകുമാർ, അധ്യാപകരായ ശൂരനാട് രാധാകൃഷ്ണൻ, രാമചന്ദ്രൻ നായർ, താലൂക്ക് ലൈബ്രറി കൗൺസിൽ അംഗങ്ങളായ ബി.കെ. ബിജു, ബിനു വെള്ളച്ചിറ, കെ.എൻ. സുനിൽകുമാർ, വി. അനൂപ് എന്നിവർ പ്രസംഗിച്ചു. കിളിക്കൊഞ്ചൽ മത്സരത്തിൽ അടൂർ സ്വദേശി എസ്. ശ്രീലക്ഷ്മിയാണ് ഒന്നാംസ്ഥാനം നേടിയത്. കരുനാഗപ്പള്ളി സ്വദേശി എസ്.പി. അജില രണ്ടാംസ്ഥാനവും നേടി. ചടങ്ങിൽ എസ്.എസ്.എസ്.എൽ.സി., പ്ലസ് ടു, എൽ.എസ്.എസ്. വിജയികൾക്കുള്ള സമ്മാനദാനവും നടന്നു.
.jpg?$p=430c1f1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..