വള്ളിക്കോട് പഞ്ചായത്ത് ഓഫീസിന് മുൻവശം റോഡിൽ സീബ്രാ ലൈൻ ഇല്ലാത്ത നിലയിൽ
വള്ളിക്കോട് : ഉന്നതനിലവാരത്തിൽ നിർമിച്ച ചന്ദനപ്പള്ളി-കോന്നി റോഡിലെ വള്ളിക്കോട് പഞ്ചായത്ത് ഓഫീസിന് മുൻപിൽ സീബ്രാലൈൻ വേണമെന്ന ആവശ്യത്തിന് പരിഗണന കിട്ടിയില്ല.
തിരക്കേറിയ റോഡിൽനിന്ന്‌ പഞ്ചായത്ത് ഓഫീസിലേക്ക് റോഡ് മുറിച്ചുകടക്കാൻ നിലവിൽ പറ്റാത്ത അവസ്ഥയാണ്.
അമിതവേഗതയിൽ വരുന്ന വാഹനങ്ങൾക്ക് മുന്നറിയിപ്പിനായിട്ടാണ് സീബ്രാ ലൈൻ വേണമെന്ന് ആവശ്യം.
വള്ളിക്കോട് പഞ്ചായത്ത് പൊതുമരാമത്ത് വകുപ്പിന് ഇത് സംബന്ധിച്ച് കത്ത് നൽകിയിരുന്നു. നടപടി മാത്രം ഉണ്ടായിട്ടില്ല. പ്രായമുള്ളവരും അല്ലാത്തവരും റോഡ് മുറിച്ച് കടക്കാൻ ബുദ്ധിമുട്ടുന്നു.പഞ്ചായത്ത് ഓഫീസിന് പുറമെ കൃഷി ഓഫീസിലും എത്തണമെങ്കിൽ റോഡ് മുറിച്ചുകടക്കണം.
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..