റാന്നി : ഇടമുറി സ്കൂളിനായി റാന്നി നോളജ് വില്ലേജിന്റെ ഭാഗമായി ഹൈബ്രിഡ് ലൈബ്രറി അനുവദിക്കുമെന്ന് പ്രമോദ് നാരായൺ എം.എൽ.എ. പറഞ്ഞു. സമഗ്ര ശിക്ഷാ പത്തനംതിട്ട സ്റ്റാർസ് പദ്ധതി പ്രകാരം ഇടമുറി ഗവ.ഹയർസെക്കൻഡറി സ്കൂളിൽ നിർമാണം പൂർത്തിയാക്കിയ പ്രീ സ്കൂൾ വർണക്കൂടാരം ഉദ്ഘാടനം ചെയ്യുകയായിരുന്നു അദ്ദേഹം.
പൂർണമായും കംപ്യൂട്ടർ സഹായത്തോടുള്ള പുസ്തകങ്ങൾ, മാഗസിനുകൾ, ഇലക്ട്രോണിക് അധിഷ്ഠിത മെറ്റീരിയലുകൾ, ഓഡിയോബുക്കുകൾ, ഇലക്ട്രോണിക് ജേണലുകൾ തുടങ്ങിയവകളുടെ പ്രിന്റ് മെറ്റീരിയലുകളുടെ മിശ്രിതിമായ ഹൈബ്രിഡ് ലൈബ്രറികൾ പരീക്ഷണാടിസ്ഥാനത്തിലാണ് സ്ഥാപിക്കുന്നതെന്നും അദ്ദേഹം പറഞ്ഞു.
ജില്ലാ പഞ്ചായത്തംഗം ജെസി അലക്‌സ് അധ്യക്ഷത വഹിച്ചു. രാജൻ നീറംപ്ലാക്കൽ, ഗ്രേസി തോമസ്, സാംജി ഇടമുറി,ജയലക്ഷ്മി,ഡോ.ലെജു പി.തോമസ്,റോസമ്മ രാജൻ,ഷാജി എ.സലാം,ഡി.വി ജയലക്ഷ്മി,പി.കെ.ആഷാറാണി,എം.വി. പ്രസന്നകുമാർ തുടങ്ങിയവർ പ്രസംഗിച്ചു.
വിവിധ സംഘടനാ പ്രതിനിധികളായ എസ്.ആർ.സന്തോഷ് കുമാർ,ജോർജ് ജോസഫ്,പി.കെ ഗിരീഷ് കുമാർ,എസ്.ദീപ്തി,അജിത രമേശ്,ബിനീഷ് ഫിലിപ്പ്,സാലമ്മ തോമസ്, ജ്യോതിഷാ ടി.രാജ് തുടങ്ങിയവർ പങ്കെടുത്തു.
ശാസ്ത്രീയ പ്രീ സ്കൂൾ നടപ്പാക്കുന്നതിനായി സമഗ്രശിക്ഷ കേരള അനുവദിച്ച 10 ലക്ഷം രൂപ ഉപയോഗിച്ച് 12 പ്രവർത്തന ഇടങ്ങളാണ് സ്കൂളിൽ ക്രമീകരിച്ചിട്ടുള്ളത്.
.jpg?$p=430c1f1&q=0.8&f=16x11&w=104)
.jpg?$p=69709a7&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..