തെങ്ങമം കൈതയ്ക്കൽ ബ്രദേഴ്‌സ് ഗ്രന്ഥശാല ആൻഡ് സാംസ്‌കാരികകേന്ദ്രം നൂറനാട് ഐ.ടി.ബി.പി.യുമായി സഹകരിച്ച് നടത്തിയ യുദ്ധോപകരണ പ്രദർശനം
തെങ്ങമം : തോക്കും വെടിയുണ്ടയും ബൈനോക്കുലറും ഇതെല്ലാം രാജ്യസുരക്ഷയ്ക്കുള്ളത്. ഇങ്ങനെ ഒരോന്നും കാണിച്ചും പറഞ്ഞും നൂറനാട് ഐ.ടി.ബി.പി.യിലെ ഉദ്യോഗസ്ഥർ ആയുധശേഖരങ്ങൾ പരിചയപ്പെടുത്തിയപ്പോൾ വിദ്യാർഥികൾക്കുണ്ടായത് കൗതുകവും അദ്‌ഭുതവും. തെങ്ങമം കൈതയ്ക്കൽ ബ്രദേഴ്‌സ് ഗ്രന്ഥശാല ആൻഡ് സാംസ്‌കരികകേന്ദ്രം നൂറനാട് ഐ.ടി.ബി.പി.യുമായി സഹകരിച്ച് പള്ളിക്കൽ പി.യു.എസ്.പി.എം. വൊക്കേഷണൽ ഹയർ സെക്കൻഡറി സ്കൂളിലെ വിദ്യാർഥികൾക്കായി സംഘടിപ്പിച്ച അഭിമാനം ഭാരതീയം പരിപാടിയാണ് വേറിട്ട കാഴ്ചയായത്. വിദ്യാർഥികളിൽ രാജ്യസ്നേഹം വളർത്തുന്നതിനും സൈന്യത്തിലുള്ള തൊഴിൽസാധ്യതകൾ മനസ്സിലാക്കുന്നതിനുമായാണ് പരിപാടി നടന്നത്.
പരിപാടിയുടെ ഭാഗമായി യുദ്ധോപകരണ പ്രദർശനവും തൊഴിൽ സാധ്യത ക്ലാസും സംഘടിപ്പിച്ചു. പള്ളിക്കൽ ഗ്രാമപ്പഞ്ചായത്ത് പ്രസിഡൻറ് സുശീലക്കുഞ്ഞമ്മ കുറുപ്പ് ഉദ്ഘാടനം ചെയ്തു. ബ്രദേഴ്‌സ് പ്രസിഡൻറ് വിമൽ കൈതയ്ക്കൽ അധ്യക്ഷനായി. ഐ.ടി.ബി.പി. ഇൻസ്‌പെക്ടർ ചാക്കോ പദ്ധതി വിശദീകരണം നടത്തി. സ്‌കൂൾ പ്രിൻസിപ്പൽ സി.എസ്.സനിൽകുമാർ, സ്‌കൂൾ പ്രഥമാധ്യാപിക രമാ മണിയമ്മ, വി.എച്ച്.എസ്.എസ്. പി.ടി.എ. പ്രസിഡൻറ് ഒ.ആർ.ശിവപ്രസാദ്, സ്‌കൂൾ പി.ടി.എ. പ്രസിഡൻറ് ധന്യാ അനീഷ്, പി.ജയകുമാർ, ഷാനു ആർ.അമ്പാരി തുടങ്ങിയവർ പ്രസംഗിച്ചു.
.jpg?$p=430c1f1&q=0.8&f=16x11&w=104)
%20(1).jpg?$p=dbe14a0&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..