റാന്നി : മുണ്ടപ്പുഴ മാധവപുരം ശ്രീകൃഷ്ണസ്വാമി ക്ഷേത്രത്തിലെ പുനഃപ്രതിഷ്ഠാ കർമവും നവീകരണ കലശവും ഫെബ്രുവരി രണ്ട് മുതൽ അഞ്ചുവരെ നടക്കും. അഞ്ചിന് രാവിലെ 8.45-നും 9.50-നും ഇടയ്ക്ക് തന്ത്രി അടിമുറ്റത്തുമഠം സുരേഷ് ഭട്ടതിരിയുടെ മുഖ്യകാർമികത്വത്തിൽ പുനഃപ്രതിഷ്ഠാകർമം നടക്കും.
രണ്ടിന് രാവിലെ 6.30-ന് അഖണ്ഡ നാമജപയജ്ഞത്തോടെ ചടങ്ങുകൾ ആരംഭിക്കും. മൂന്നിനും നാലിനും രാവിലെ എട്ടിനും നാരായണീയ പാരായണം ഉണ്ടായിരിക്കും. മൂന്നിന് വൈകീട്ട് 6.30-ന് പ്രതിഷ്ഠയുമായി ബന്ധപ്പെട്ട പൂജകൾ തുടങ്ങും. പ്രാസാദശുദ്ധിക്രിയകൾ, രക്ഷോഘ്‌ന ഹോമം, വാസ്തുഹോമം, വാസ്തു കലശം തുടങ്ങിയവ നടക്കും. നാലിന് പ്രതിഷ്ഠ ചടങ്ങുകൾ തുടരും. അഞ്ചിന് രാവിലെ 8.30 മുതൽ പഞ്ചാരിമേളം, 8.45-ന് ആരംഭിക്കുന്ന പുനഃപ്രതിഷ്ഠാ ചടങ്ങിന് ശേഷം കലശാഭിഷേകം, കളഭാഭിഷേകം, 11.30-ന് സോപാനസംഗീതം 12.30-ന് തിരുവാതിര, ഒന്നിന് പ്രസാദമൂട്ട്, 2.30-ന് നാരായണീയ തത്ത്വവിചാരം, വൈകീട്ട് ആറിന് സോപാനസംഗീതം, 6.30-ന് ഭക്തിഗാനസുധ, രാത്രി 7.30-ന് കുട്ടികളുടെ കലാപരിപാടികൾ, ഒമ്പതിന് പ്രസാദവിതരണം എന്നിവ ഉണ്ടായിരിക്കും.
.jpg?$p=430c1f1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..