റാന്നി : പൊതുരംഗത്തേക്ക്‌ കൂടുതൽ കടന്നെത്താനും മാറുന്ന കാലത്തിനനുസരിച്ച് പ്രവർത്തിക്കാനും സ്ത്രീകൾക്കാവണമെന്ന് കേരള മഹിളാസംഘം ദേശീയ വൈസ് പ്രസിഡന്റും മീറ്റ് പ്രോഡക്ട് ഓഫ് ഇന്ത്യ ചെയർപേഴ്‌സണുമായ കമലാ സദാനന്ദൻ പറഞ്ഞു.
കേരള മഹിളാസംഘം റാന്നി മണ്ഡലം സമ്മേളനം ഉദ്ഘാടനം ചെയ്യുകയായിരുന്നു അവർ. സംവരണത്തിന്റെ ആനുകൂല്യമില്ലാതെതന്നെ മത്സരരംഗത്തേക്ക്‌ സ്ത്രീകൾക്കെത്താൻ കഴിയുന്ന സാഹചര്യമൊരുക്കണമെന്നും കമലാ സദാനന്ദൻ പറഞ്ഞു. മണ്ഡലം പ്രസിഡന്റ് ജെയ്‌നമ്മ തോമസ് അധ്യക്ഷത വഹിച്ചു. ജില്ലാ സെക്രട്ടറി പി.പദ്‌മിനിയമ്മ സംഘടനാ റിപ്പോർട്ടും മണ്ഡലം സെക്രട്ടറി ഡി. ശ്രീകല പ്രവർത്തന റിപ്പോർട്ടും അവതരിപ്പിച്ചു. ദേശീയ കൗൺസിലംഗം എം.പി. മണിയമ്മ, ജില്ലാ പ്രസിഡന്റ് വിജയമ്മ ഭാസ്‌കരൻ, ടി.ജെ.ബാബുരാജ്, സന്തോഷ് കെ.ചാണ്ടി, എം.വി. പ്രസന്നകുമാർ, ലിസി ദിവാൻ തുടങ്ങിയവർ പ്രസംഗിച്ചു.
ഭാരവാഹികളായി അന്നമ്മ ശാമുവേൽ(പ്രസി.), അന്നമ്മ തോമസ്, ശ്യാമള വാസുദേവൻ, ടി.ആർ.രാജം(വൈസ് പ്രസി.), കെ.കെ. വിലാസിനി (സെക്ര.), ഷീബാ സജി, ഉഷാ വിജയൻ(ജോ.സെക്രട്ടറിമാർ), റെൻസി ബൈജു (ട്രഷ.) എന്നിവരെ തിരഞ്ഞെടുത്തു.
.jpg?$p=430c1f1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..