ചെറുകോൽ : മലങ്കര ഓർത്തഡോക്സ് സുറിയാനി സഭയുടെ പൗരസ്ത്യ കാതോലിക്കായും മലങ്കര മെത്രാപ്പൊലീത്തായുമായ ബസ്സേലിയോസ് മാർത്തോമ്മാ മാത്യൂസ് തൃതീയൻ കാതോലിക്കാ ബാവായ്ക്ക് കാട്ടൂരിൽ പൗരസ്വീകരണം നൽകും. ശനിയാഴ്ച വൈകീട്ട് അഞ്ചിന് വാഴക്കുന്നം ജങ്ഷനിൽ വാദ്യമേളങ്ങളുടെ അകമ്പടിയോടുകൂടി സ്വീകരിക്കും. പൗരാവലിക്കുവേണ്ടി രാഷ്ട്രീയ, സാമൂഹിക നേതാക്കന്മാർ പരിശുദ്ധ ബാവായെ സ്വീകരിക്കും. നിലയ്ക്കൽ ഭദ്രാസന സെക്രട്ടറി ഫാ. ഷൈജു കുര്യൻ, വിവിധ ദേവാലയങ്ങൾക്കുവേണ്ടി വികാരിമാർ എന്നിവർ ഹാരം അണിയിക്കും. തുടർന്ന് കാട്ടൂർ സെന്റ് മേരീസ് ഓർത്തഡോക്സ് വലിയ പള്ളിയിലേക്ക് പരിശുദ്ധ കാതോലിക്ക ബാവയെ ആനയിക്കും. വൈകീട്ട് 6.30-ന് കാതോലിക്കാ ബാവായുടെ പ്രധാന കാർമികത്വത്തിൽ സന്ധ്യാപ്രാർത്ഥനയും നടക്കും. രാവിലെ എട്ടിന് കാതോലിക്കാ ബാവ കാട്ടൂർ വലിയപള്ളിയിൽ കുർബാന അർപ്പിക്കും.
.jpg?$p=430c1f1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..