പുല്ലാട് പ്രപഞ്ചമൂർത്തി മഹാദേവക്ഷേത്ര സംരക്ഷണസമിതി കോയിപ്രം പോലീസ് സ്റ്റേഷനിലേക്ക് നടത്തിയ മാർച്ച് ബാരിക്കേഡ്‌വെച്ച് തടഞ്ഞപ്പോൾ
പുല്ലാട് : പ്രപഞ്ചമൂർത്തി മഹാദേവക്ഷേത്രത്തിലെ ഉത്സവത്തോടനുബന്ധിച്ച് നടന്ന ഘോഷയാത്ര തടസ്സപ്പെടുത്തിയ കോയിപ്രം എസ്.ഐ. ക്കെതിരേ നടപടി ആവശ്യപ്പെട്ട് ക്ഷേത്ര സംരക്ഷണസമിതിയുടെ നേതൃത്വത്തിൽ പോലീസ് സ്റ്റേഷൻ മാർച്ച് നടത്തി. കോയിപ്രം എസ്.എച്ച്.ഒ. സജീഷ് കുമാറിന്റെ നേതൃത്വത്തിൽ പോലീസ് ബാരിക്കേഡ്‌വെച്ച് മാർച്ച് തടഞ്ഞു.
തുടർന്ന് പുല്ലാട് ജങ്‌ഷനിൽ പ്രതിഷേധയോഗം നടന്നു. ക്ഷേത്രസംരക്ഷണസമിതി ഓർഗനൈസേഷൻ സംസ്ഥാന സെക്രട്ടറി വി.കെ.ചന്ദ്രശേഖരൻ ഉദ്ഘാടനം ചെയ്തു. അജയകുമാർ വല്യുഴത്തിൽ അധ്യക്ഷത വഹിച്ചു. സി.പി.എം. ജില്ലാ കമ്മിറ്റി അംഗം പീലിപ്പോസ് തോമസ്, ഡി.സി.സി. ജനറൽ സെക്രട്ടറി സുനിൽകുമാർ, ബി.ജെ.പി. ജില്ലാ വൈസ് പ്രസിഡന്റ് അജിത് പുല്ലാട്, സി.പി.എം. ഇരവിപേരൂർ ഏരിയാ സെക്രട്ടറി സുരേഷ് കുമാർ, സി.പി.എം. ഏരിയാ കമ്മിറ്റിയംഗം എ.കെ.സന്തോഷ് കുമാർ, കർഷകമോർച്ച ജില്ലാ സെക്രട്ടറി ഗോപകുമാർ, അംബേദ്കർ ഫൗണ്ടേഷൻ സംസ്ഥാന ജനറൽ സെക്രട്ടറി സി.സി.കുട്ടപ്പൻ എന്നിവർ പ്രസംഗിച്ചു.
.jpg?$p=c33b29b&q=0.8&f=16x11&w=104)
.jpg?$p=0addcd3&q=0.8&f=16x11&w=104)
.jpg?$p=08e4011&q=0.8&f=16x11&w=104)
.jpg?$p=9396e2d&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..