• റാന്നി ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ നടന്ന പ്രതിഷേധ പ്രകടനവും യോഗവും കെ.പി.സി.സി. ജനറൽ സെക്രട്ടറി അഡ്വ.പഴകുളം മധു ഉദ്ഘാടനം ചെയ്യുന്നു
റാന്നി : ഇന്ത്യ സ്വേച്ഛാധിപത്യത്തിലേക്ക് കടക്കുന്നതിന്റെ സൂചനകളാണ് രാഹുൽ ഗാന്ധിയെ അയോഗ്യനാക്കിയ ലോക്‌സഭാ സെക്രട്ടേറിയറ്റിന്റെ തിരക്കിട്ട നടപടി സൂചിപ്പിക്കുന്നതെന്ന് കെ.പി.സി.സി. ജനറൽ സെക്രട്ടറി അഡ്വ.പഴകുളം മധു പറഞ്ഞു.
ജനമനസ്സുകളിൽ ജീവിക്കുന്ന രാഹുൽ ഗാന്ധിയെ പാർലമെന്റ് അംഗത്വം നഷ്ടപ്പെടുത്തി വരുതിയിലാക്കാമെന്നത് ബി.ജെ.പി.യുടെ വ്യാമോഹം മാത്രമാണ്. റാന്നിയിൽ ബ്ലോക്ക് കോൺഗ്രസ് കമ്മിറ്റിയുടെ നേതൃത്വത്തിൽ നടന്ന പ്രതിഷേധ പ്രകടനവും യോഗവും ഉദ്ഘാടനം ചെയ്യുകയായിരുന്നു അദ്ദേഹം. ബ്ലോക്ക് പ്രസിഡന്റ് രാജു മരുതിക്കൽ അധ്യക്ഷത വഹിച്ചു. റിങ്കു ചെറിയാൻ, ലിജു ജോർജ്, എബ്രഹാം മാത്യു പനച്ചമൂട്ടിൽ, അഹമ്മദ് ഷാ എന്നിവർ പ്രസംഗിച്ചു. പ്രകടനത്തിന് തോമസ് അലക്‌സ്, അനി വലിയകാലയിൽ, രാജൻ നീറാംപ്ലാക്കാൽ, ഷിബു ചുങ്കത്തിൽ, സിബി താഴത്തില്ലത്ത്, ആരോൺ ബിജിലി പനവേലി, ആൻസൻ തോമസ്, റിജോ തോപ്പിൽ തുടങ്ങിയവർ നേതൃത്വംനൽകി.
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..