പുല്ലാട് ബി.ആർ.സി.യിൽനടന്ന കെ.എസ്.ടി.എ. ഉപജില്ലാ യാത്രയയപ്പ് സമ്മേളനം മുൻ നിയമസഭാംഗം എ.പദ്‌മകുമാർ ഉദ്ഘാടനം ചെയ്യുന്നു
പുല്ലാട് : കെ.എസ്.ടി.എ. ഉപജില്ലാ യാത്രയയപ്പ് സമ്മേളനം പുല്ലാട് ബി.ആർ.സി.യിൽ നടന്നു. സമ്മേളനം മുൻ നിയമസഭാംഗം എ.പദ്‌മകുമാർ ഉദ്ഘാടനം ചെയ്തു. ഉപജില്ലാ പ്രസിഡന്റ്‌ ആർ.റീന അധ്യക്ഷത വഹിച്ചു. ഉപജില്ലയിൽനിന്ന്‌ ഈ വർഷം വിരമിക്കുന്ന 10 അധ്യാപകർക്കും നാല്‌ ജില്ലാ കമ്മിറ്റി അംഗങ്ങൾക്കും യാത്രയയപ്പും ഉപഹാരങ്ങളും നൽകി. കെ.എസ്.ടി.എ. ജില്ലാ ജോയിന്റ് സെക്രട്ടറി എ.കെ.പ്രകാശ് മുഖ്യ പ്രഭാഷണം നടത്തി. കെ.എസ്.ടി.എ. പത്തനംതിട്ട ജില്ലാ പ്രസിഡന്റ്‌ പി.ജി.ആനന്ദൻ, ജില്ലാ എക്സിക്യുട്ടീവ് അംഗങ്ങളായ പി.ജി.അനീഷ്‌, മനോജ്‌ സി.തോമസ്, ജില്ലാ കമ്മിറ്റി അംഗങ്ങളായ വി.ഐ.ജോസഫ്, പുല്ലാട് ഉപജില്ലാ സെക്രട്ടറി ടി.എം.വർഗീസ്, ജോയിന്റ് സെക്രട്ടറി പി.കെ.റോഷ്‌ന എന്നിവർ പ്രസംഗിച്ചു.
ഊരുകൂട്ട സെമിനാർറാന്നി : റാന്നി ട്രൈബൽ ഡെവലപ്‌മെന്റ് ഓഫീസിന്റെ നേതൃത്വത്തിൽ റാന്നിയിൽ നടത്തിയ ഊരുകൂട്ട സെമിനാറും വരുമാനദായക ഉപകരണങ്ങളുടെ വിതരണവും പ്രമോദ് നാരായൺ എം.എൽ.എ. ഉദ്ഘാടനം ചെയ്തു. പട്ടികവർഗ്ഗ വികസന വകുപ്പിന്റെ നേതൃത്വത്തിൽ 60 വയസിനു മുകളിലുള്ള ഊരുമൂപ്പന്മാരെ ചടങ്ങൽ ആദരിച്ചു.
ഊരുമൂപ്പന്മാർക്കും പട്ടികവർഗ്ഗ പ്രമോട്ടർമാർക്കും ഊരുകൂട്ട സെമിനാറും വിവിധ വിഷയങ്ങളിൽ വിദഗ്ധരുടെ ക്ലാസുകളും നടത്തി. സ്വയംതൊഴിൽ ഉറപ്പാക്കുന്നതിന്റെ ഭാഗമായി കോർപ്പസ് ഫണ്ടിൽ നിന്നും മരം വെട്ട് യന്ത്രം,പുല്ലുവെട്ടി യന്ത്രം,ആശാരി പണിക്കുള്ള ഉപകരണങ്ങൾ,അലൂമിനിയം ഫാബ്രിക്കേഷൻ ഉപകരണങ്ങൾ,ടാപ്പിംഗ് തൊഴിലാളികൾക്കുള്ള ഉപകരണങ്ങളും ഷൂസും, തയ്യൽ മെഷീൻ,റബ്ബർ റോളർ തുടങ്ങിയവയും വിതരണം ചെയ്തു.
ബ്ലോക്ക് പഞ്ചായത്ത് പ്രസിഡന്റ്് കെ.എസ്.ഗോപി അധ്യക്ഷത വഹിച്ചു. ബ്ലോക്ക് പഞ്ചായത്ത് അംഗം നയന സാബു,ട്രൈബൽ ഡവലപ്‌മെന്റ് ഓഫീസർ എസ്.എസ്.സുധീർ,എ.നിസാർ,ജി.രാജപ്പൻ, രാഘവൻ എന്നിവർ പ്രസംഗിച്ചു.
.jpg?$p=496695c&q=0.8&f=16x11&w=104)
.jpg?$p=48405e6&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..