മല്ലപ്പള്ളി ബ്ലോക്കിൽ നടത്തുന്ന ‘ഹാഥ് സേ ഹാഥ് ജോഡോ അഭിയാൻ’ പദയാത്രയുടെ ഉദ്ഘാടനം കോൺഗ്രസ് രാഷ്ടീയകാര്യ സമിതിയംഗം പ്രൊഫ. പി.ജെ. കുര്യൻ നിർവഹിക്കുന്നു
മല്ലപ്പള്ളി : രാഹുൽ ഗാന്ധിയുടെ പാർലമെന്റ്‌ അംഗത്വം റദ്ദാക്കുന്നതിലുടെ വിദ്വേഷത്തിന്റെയും വെറുപ്പിന്റെയും പകയുടെയും രാഷ്ട്രീയമാണ് തങ്ങളുടേതെന്ന് ബി.ജെ.പി.യും സംഘപരിവാറും ഒന്നുകൂടി തെളിയിച്ചിരിക്കുകയാണെന്ന് കോൺഗ്രസ് രാഷ്ടീയകാര്യ സമിതിയംഗം പ്രൊഫ. പി.ജെ.കുര്യൻ പറഞ്ഞു.
രാജ്യത്ത് നടക്കുന്ന നീതിനിഷേധത്തിനെതിരേ രാഹുൽ ഗാന്ധി നടത്തുന്ന പോരാട്ടം ഭരണകക്ഷി ഭയപ്പെടുന്നുവെന്നതിന്‌ തെളിവാണിത്.
മല്ലപ്പള്ളി ബ്ലോക്കിൽ നടത്തുന്ന ‘ഹാഥ് സേ ഹാഥ് ജോഡോ അഭിയാൻ’ പദയാത്ര ഉദ്ഘാടനം ചെയ്യുകയായിരുന്നു അദ്ദേഹം.
യു.ഡി.എഫ്. നിയോജകമണ്ഡലം ചെയർമാൻ ലാലു തോമസ്, കോൺഗ്രസ് ബ്ലോക്ക് മുൻപ്രസിഡന്റ്‌ പി.റ്റി. ഏബ്രഹാം എന്നിവർ ക്യാപ്റ്റന്മാരായ പദയാത്ര കുന്നന്താനം മണ്ഡലത്തിലെ പാമല- പറപ്പാടുനിന്ന്‌ ആരംഭിച്ചു. ബ്ലോക്കിലെ എല്ലാ ബൂത്തുകളിലൂടെയും കടന്നുപോകുന്ന യാത്ര 23 ദിവസംകൊണ്ട് 138 കിലോമീറ്റർ താണ്ടും. യാത്ര കടന്നുപോകുന്ന സ്ഥലങ്ങളിലെ മുൻകാല പ്രവർത്തകരെയും നേതാക്കളെയും അവരുടെ വീടുകളിലെത്തി അദരിക്കും. ബ്ലോക്ക് കോൺഗ്രസ് പ്രസിഡന്റ്‌ എബി മേക്കരിങ്ങാട്ട് അധ്യക്ഷത വഹിച്ചു. റെജി തോമസ്, കോശി പി.സക്കറിയ, മാന്താനം ലാലൻ, എം.കെ. സുഭാഷ് കുമാർ, സി.പി. ഓമനകുമാരി, സുരേഷ് ബാബു, മണിരാജ് പുന്നിലം, എം.ജെ. ചെറിയാൻ തുടങ്ങിയവർ പങ്കെടുത്തു.
.jpg?$p=246738b&q=0.8&f=16x11&w=104)
.jpg?$p=70eca95&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..