കോഴഞ്ചേരി : കീഴുകര മഹാദേവ ക്ഷേത്രത്തിന്റെ പുനഃപ്രതിഷ്ഠ ഉത്സവം 23 മുതൽ 25 വരെ നടക്കും. ക്ഷേത്രത്തിൽ പുതുതായി പണികഴിപ്പിച്ച ശ്രീകോവിൽ, നമസ്കാരമണ്ഡപം, ഗണപതിക്ഷേത്രം, ബ്രഹ്മരക്ഷസ്‌നട എന്നിവയുടെ സമർപ്പണമാണ് നടക്കുന്നത്. 23-ന് രാവിലെ 10-ന് ക്ഷേത്രത്തിൽനിന്നും ചെങ്ങന്നൂരിലേക്ക് പുറപ്പെടുന്ന ഘോഷയാത്ര 11-നും 12-നുമിടയിൽ വിഗ്രഹം ഏറ്റുവാങ്ങി മൂന്നുമണിയോടെ ക്ഷേത്രത്തിൽ തിരികെ എത്തും. ഉച്ചയ്ക്ക് തിരുവാതിര വഴിപാട് നടക്കും.
വൈകീട്ട് 5.30-ന് ശിൽപ്പി രാധാകൃഷ്ണൻ ആചാരിയിൽനിന്നും കരയോഗം ഭാരവാഹികൾ സ്വീകരിച്ച് തന്ത്രിക്ക് കൈമാറും. തുടർന്ന് ക്ഷേത്രനിർമാണത്തിൽ പങ്കാളികളായവരെ ആദരിക്കും. വൈകീട്ട് ആറിന് ആചാര്യവരണം. 25-ന് രാവിലെ പതിവ് പൂജകൾക്കുശേഷം 8.50-നും 9.35-നുമിടയിൽ തന്ത്രി പുനഃപ്രതിഷ്ഠാകർമം നടത്തും.
വൈകീട്ട് 7.30-ന് ഹൃദയ ജപലഹരിയും നടക്കുമെന്ന് ക്ഷേത്രഭാരവാഹികളായ സത്യൻ നായർ, അനിൽ കുമാർ, ടി.ആർ. രാജേഷ്, ചന്ദ്രശേഖരൻ നായർ എന്നിവർ അറിയിച്ചു.
.jpg?$p=b4048c4&q=0.8&f=16x11&w=104)
.jpg?$p=b4048c4&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..