കാമ്പയിന്റെ ഉദ്ഘാടനച്ചടങ്ങിൽനിന്ന്
ദുബായ് : പങ്കുവെക്കലാണ് പരസ്പരമുള്ള കരുതൽ എന്ന ആശയവുമായി പതിനൊന്നാമത് 'ഷെയറിങ് ഈസ് കെയറിങ്' കാമ്പയിന് ലുലുവിൽ തുടക്കമായി. ഇന്റഗ്രൽ ഷോപ്പറുമായി സഹകരിച്ചാണ് കാമ്പയിൻ ആരംഭിച്ചത്. ദുബായ് കെയേഴ്‌സിന്റെ സന്നദ്ധ പ്രവർത്തനങ്ങളെ പിന്തുണയ്ക്കാൻ ഉപഭോക്താക്കൾക്ക് അവസരം നൽകുകയാണ് കാമ്പയിനിലൂടെ ലക്ഷ്യമിടുന്നത്. എമിറേറ്റ്‌സ് മക്കറോണി, ഡ്യുറസെൽ, സ്വിസ് അറേബ്യൻ തുടങ്ങിയ ചില ലോകോത്തര ബ്രാൻഡുകളുടെ ഉത്പന്നങ്ങൾ വാങ്ങുന്നവർക്ക് ഇൻസ്റ്റന്റ് കാഷ് ഡിസ്‌കൗണ്ട് കൂപ്പണുകൾ ലഭിക്കും.
യു.എ.ഇ. യിലെ എല്ലാ ലുലു സ്റ്റോറുകളിലും ഈ കൂപ്പൺ ഉപയോഗിച്ച് ഷോപ്പിങ് നടത്താം. ഉപഭോക്താക്കൾ ഉപയോഗിക്കുന്ന ഓരോ ഡിസ്‌കൗണ്ട് കൂപ്പണിനും ഒരു ദിർഹം ദുബായ് കെയേഴ്‌സിന് സംഭാവനയായി നൽകും. പുണ്യമാസത്തിൽ ദാനധർമം നടത്താൻ ഉപഭോക്താക്കളെ പ്രോത്സാഹിപ്പിക്കുകയാണ് കാമ്പയിനിലൂടെ ലക്ഷ്യമിടുന്നതെന്ന് ലുലു ഗ്രൂപ്പ് ഇന്റർനാഷണൽ ഡയറക്ടർ എം.എ. സലിം പറഞ്ഞു. വികസ്വര രാജ്യങ്ങളിലെ കുട്ടികൾക്കും യുവജനങ്ങൾക്കും ഗുണനിലവാരമുള്ള വിദ്യാഭ്യാസം നൽകുവാനുള്ള ശ്രമങ്ങൾക്ക് ലുലുവിന്റെ കാമ്പയിനിലൂടെ ഗണ്യമായ സംഭാവനകൾ ലഭിച്ചിട്ടുണ്ടെന്ന് ദുബായ് കെയേഴ്‌സ് സി.ഇ.ഒ. അബ്ദുള്ള അഹമ്മദ് അൽഷെഹി പറഞ്ഞു.
.jpg?$p=0d09e20&q=0.8&f=16x11&w=104)
.jpg?$p=69709a7&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..