ദുബായ് : വിനോദസഞ്ചാര മേഖലയിൽ സുതാര്യത ഉറപ്പാക്കാനായി എമിറേറ്റിലെ ഹോളിഡേ ഹോമുകൾക്കായി ക്യൂആർ കോഡ് സംരംഭം ആരംഭിച്ചതായി ദുബായ് സാമ്പത്തിക, വിനോദസഞ്ചാര വകുപ്പ് (ഡി.ഇ.ടി.) അധികൃതർ അറിയിച്ചു. ഹോളിഡേ ഹോമുകളുടെ പ്രവേശന കവാടത്തിൽ ക്യൂആർ കോഡ് പ്രദർശിപ്പിക്കണമെന്നാണ് പുതിയ നിർദേശം.
അതിഥികൾക്ക് അവധിക്കാല താമസ സൗകര്യത്തെക്കുറിച്ചുള്ള മുഴുവൻ വിവരങ്ങളും ഡി.ഇ.ടി. അധികൃതരുമായി ബന്ധപ്പെടാനുള്ള വിശദാംശങ്ങളും കോഡിലൂടെ ലഭിക്കും. വിനോദസഞ്ചാര മേഖലയിൽ ദുബായിയുടെ പ്രതിച്ഛായ വർധിപ്പിക്കുന്നതിന് അത്യാധുനിക സാങ്കേതികവിദ്യകൾ പ്രയോജനപ്പെടുത്തേണ്ടതിന്റെ പ്രാധാന്യം മനസിലാക്കിയാണ് പുതിയ സംരംഭം ആരംഭിച്ചതെന്ന് ഡി.ഇ.ടി.യിലെ ഹോസ്പിറ്റാലിറ്റി അഫയേഴ്‌സ് ഡിപ്പാർട്ടമെന്റ് ഡയറക്ടർ ശൈഖാ അൽ മുത്വവ പറഞ്ഞു. ഡി.ഇ.ടി. പുറത്തുവിട്ട സ്ഥിതിവിവരക്കണക്കുകൾ പ്രകാരം കഴിഞ്ഞ വർഷവുമായി താരതമ്യപ്പെടുത്തുമ്പോൾ ഈ വർഷത്തിന്റെ ആദ്യപാദത്തിൽ ഹോളിഡേ ഹോംസ് വിഭാഗം മികച്ച വളർച്ച കൈവരിച്ചിട്ടുണ്ട്. ആദ്യ പാദത്തിൽ മാത്രമായി 137,144 അതിഥികളാണ് ഹോളിഡേ ഹോം സൗകര്യങ്ങൾ തിരഞ്ഞെടുത്തത്.
അപ്ഡേറ്റായിരിക്കാം, വാട്സാപ്പ്
ചാനൽ ഫോളോ ചെയ്യൂ
അപ്ഡേറ്റുകൾ വേഗത്തിലറിയാൻ ഫോളോ ചെയ്തശേഷം നോട്ടിഫിക്കേഷൻ ഓൺ ചെയ്യൂ
RELATED STORIES
.jpg?$p=8c943a9&q=0.8&f=16x11&w=104)
.jpg?$p=430c1f1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..