മീറ്റ്‌ന ജാതവേദൻ

ന്യൂഡൽഹി: പാലക്കാട് ഒറ്റപ്പാലം സ്വദേശി മീറ്റ്‌ന ജാതവേദൻ (86) ഡൽഹി ഐ.പി. എക്സ്റ്റൻഷനിലെ വസതിയിൽ അന്തരിച്ചു. ഡൽഹിയിൽ ഗായത്രി സംഘടനയുടെ പ്രസിഡന്റ് ആയിരുന്നു. ഭാര്യ : പരേതയായ ആര്യാദേവി അന്തർജനം. മക്കൾ: ഉഷാ ഗുരുമൂർത്തി (യു.എസ്.), സന്ധ്യാ ആനന്ദൻ (ഡൽഹി).

16 hr ago


ജംഷീർ

ബെംഗളൂരു: കണ്ണൂർ മമ്പറം പൊയനാട് ഫസലാലയത്തിൽ ജംഷീർ (32) ബെംഗളൂരുവിൽ അന്തരിച്ചു. സർജാപുര റോഡിലെ മൊബൈൽക്കടയിൽ ജോലിചെയ്തുവരികയായിരുന്നു. അസീസിന്റെയും നസീറയുടെയും മകനാണ്. സഹോദരങ്ങൾ: ജസീർ, തംജീദ്, നജീർ, നജ്മ.

16 hr ago


ദേബപ്രസാദ് സർക്കാർ അന്തരിച്ചു

കൊൽക്കത്ത: മുതിർന്ന ഇടതുപക്ഷനേതാവും എസ്.യു.സി.ഐ.(സി) കേന്ദ്രകമ്മിറ്റി പൊളിറ്റ് ബ്യൂറോ അംഗവുമായ ദേബപ്രസാദ് സർക്കാർ (87) അന്തരിച്ചു. പശ്ചിമബംഗാളിലെ ജയ്നഗർ മണ്ഡലത്തിൽനിന്ന്‌ 1977 മുതൽ ഏഴുതവണ നിയമസഭയിലേക്ക് തിരഞ്ഞെടുക്കപ്പെട്ടിട്ടുണ്ട്.എസ്.യു.സി.ഐ. ദക്ഷിണ 24 പർഗനാസ് ജില്ലാസെക്രട്ടറിയായിരുന്നു. ലാളിത്യത്തിനും സമർപ്പണത്തിനും പേരുകേട്ട ദേബപ്രസാദ് സർക്കാർ പ്രൈമറി വിദ്യാലയങ്ങളിൽ ഇംഗ്ളീഷ് പഠനം ഒഴിവാക്കാനുള്ള ഇടതുസർക്കാരിന്റെ തീരുമാനത്തിനെതിരേ ശബ്ദമുയർത്തി. ഇത് സർക്കാർ വിദ്യാലയങ്ങളിലെ പഠനനിലവാരത്തെ ബാധിക്കുമെന്നായിരുന്നു അദ്ദേഹത്തിന്റെ നിലപാട്.മൃതദേഹം പാർട്ടി കേന്ദ്രകമ്മിറ്റി ഓഫീസിൽ പൊതുദർശനത്തിനുവെച്ച ശേഷം സംസ്കരിച്ചു.

Jul 01, 2022


ജയകൃഷ്ണൻ

ചെന്നൈ: നിലമ്പൂർ മൂക്കശാട്ട് വീട്ടിൽ വി. ജയകൃഷ്ണൻ (ബാബു-64) ചെന്നൈ മണപ്പാക്കത്ത് അന്തരിച്ചു. കഥകളി സംഗീതജ്ഞനും ഗുരു ചേമഞ്ചേരി കുഞ്ഞിരാമൻ നായരുമായി ചേർന്ന് കഥകളി ജനകീയമാക്കാൻ പരിശ്രമിച്ച വ്യക്തിയുമായിരുന്നു. കേരളത്തിലെ സ്കൂൾ കുട്ടികൾക്ക് കഥകളി പരിചയപ്പെടുത്താൻ പൂതനാമോക്ഷം പോലുള്ള കഥകൾ അവതരിപ്പിച്ചു. തൂത്തുക്കുടിയിൽ സ്വകാര്യ സ്ഥാപനത്തിൽ മാനേജരായി പ്രവർത്തിച്ചു. പരേതനായ അഡ്വ. വിജയ ഗോപാലക്കുറുപ്പിന്റെയും സ്വാതന്ത്ര്യസമര സേനാനിയും മാതൃഭൂമി സ്ഥാപകനേതാക്കളിൽ ഒരാളുമായ ടി.വി. ചാത്തുക്കുട്ടി നായരുടെ മകൾ നളിനിയുടെയും മകനാണ്. ഭാര്യ: മീനാക്ഷി. മകൻ: അരവിന്ദ്. സഹോദരിമാർ: വസന്താ വിശ്വനാഥ്, സുചിത്രാ രാജഗോപാൽ. സംസ്കാരം വ്യാഴാഴ്ച 1.30-ന് മണപ്പാക്കം ശ്മശാനത്തിൽ.

Jun 30, 2022


vp+3logObit 30bl601 സെലീന

ബെംഗളൂരു: തൃശ്ശൂർ എരുമപ്പെട്ടി കുണ്ടന്നൂർ മേക്കാട്ട്കുളം വീട്ടിൽ സെലീന പോൾ (69) ബെംഗളൂരുവിൽ അന്തരിച്ചു. ജാലഹള്ളി രാമചന്ദ്രപുരയിലായിരുന്നു താമസം. ഭർത്താവ്: പരേതനായ പോൾ. മകൾ: ജൂലി ഷാജു. മരുമകൻ: ഇ.ടി. ഷാജു. സംസ്കാരം വ്യാഴാഴ്ച ഉച്ചയ്ക്ക് രണ്ടിന് മത്തിക്കരെ സെയ്ന്റ് സെബാസ്റ്റ്യൻ ഫൊറോനാ ദേവാലയത്തിലെ ശുശ്രൂഷയ്ക്കുശേഷം അഭിഗരെ സെമിത്തേരിയിൽ.

Jun 30, 2022


കേണൽ മദൻ ഗോപാൽ മേനോൻ

ബെംഗളൂരു: തൃശ്ശൂർ ഇട്ടിയാനത്ത് റിട്ട. കേണൽ മദൻ ഗോപാൽ മേനോൻ(78) ബെംഗളൂരു കമ്മനഹള്ളി സേനാ വിഹാർ വീട്ടിൽ അന്തരിച്ചു. ഭാര്യ: കീഴേപ്പാട്ട് ദേവി മേനോൻ. മക്കൾ: കവിത(യു.എസ്.എ.), സച്ചിൻ(ബെംഗളൂരു). മരുമക്കൾ: ബ്രയൻ, ദക്ഷിണ.

Jun 29, 2022


അഗസ്റ്റിൻ മാത്യു

ബെംഗളൂരു: ഇടുക്കി മുട്ടം തുടങ്ങനാട് കുന്നത്തൂർ വീട്ടിൽ അഗസ്റ്റിൻ മാത്യു (89) ബെംഗളൂരുവിൽ അന്തരിച്ചു. വിദ്യാരണ്യപുരയിലായിരുന്നു താമസം. ഭാര്യ: ലീലാമ്മ മാത്യു. മക്കൾ: ഡോ. സിൽജു മാത്യു, സിൽവി പീറ്റർ. മരുമക്കൾ: പ്രേം പീറ്റർ, ഡോ. സിൽവിയ മാത്യു.

Jun 29, 2022


റിയാസ്

ബെംഗളൂരു: കണ്ണൂർ കൊയ്യോട് ഹസൻമുക്ക് വലിയന്ത വളപ്പിൽ റിയാസ് (45) ബെംഗളൂരു കുമാരസ്വാമി ലേഔട്ടിൽ അന്തരിച്ചു. കുമാരസ്വാമി ലേഔട്ടിലെ എ.ബി.സി. കിഡ്‌സ് ആൻഡ് ടോയ്‌സ് എന്ന സ്ഥാപനത്തിൽ മാനേജരായി ജോലിചെയ്യുകയായിരുന്നു. ഭാര്യ: സുനീറ. മക്കൾ: മുഹമ്മദ് റാസിൻ, ഫാത്തിമ റിയ, ഫാത്തിമത്തുൽ മസീന.

Jun 29, 2022


നടി മീനയുടെ ഭർത്താവ് വിദ്യാസാഗർ

ചെന്നൈ: തെന്നിന്ത്യൻ നടി മീനയുടെ ഭർത്താവ് വിദ്യാസാഗർ അന്തരിച്ചു. ശ്വാസകോശ സംബന്ധമായ അസുഖത്തെത്തുടർന്ന് ചെന്നൈയിലെ സ്വകാര്യാശുപത്രിയിൽ ചികിത്സയിലായിരുന്നു. അണുബാധയെത്തുടർന്ന് ആരോഗ്യസ്ഥിതി മോശമായി. ജനുവരിയിൽ വിദ്യാസാഗറിനും മീനയ്ക്കും അടക്കം കുടുംബത്തിൽ എല്ലാവർക്കും കോവിഡ് ബാധിച്ചിരുന്നു. ഇതിനുശേഷമാണ് രോഗം വഷളായത്.കുറച്ചുവർഷങ്ങളായി രോഗബാധിതനായ വിദ്യാസാഗറിന്റെ ശ്വാസകോശം മാറ്റിവെക്കുന്നതിനായി ശ്രമങ്ങൾ തുടങ്ങിയിരുന്നു. ബെംഗളൂരുവിലെ ഐ.ടി. കമ്പനിയിൽ ഉദ്യോഗസ്ഥനായിരുന്ന വിദ്യാസാഗറും മീനയും 2009-ലാണ് വിവാഹിതരായത്. നൈനിക എന്ന മകളുണ്ട്.

Jun 29, 2022


മൈസൂരുവിൽ വാഹനാപകടത്തിൽ മലയാളി മരിച്ചു

മൈസൂരു: മൈസൂരു ജില്ലയിലെ എച്ച്.ഡി. കോട്ടയിലെ മാദപുരയിൽ കാറുകൾ കൂട്ടിയിടിച്ചുണ്ടായ അപകടത്തിൽ മലയാളി യുവാവ് മരിച്ചു. ഒപ്പമുണ്ടായിരുന്ന നാലുപേർക്ക് പരിക്കേറ്റു. തിങ്കളാഴ്ച വൈകീട്ട് 4.30-ഓടെയാണ് അപകടം.വയനാട് മാനന്തവാടി രണ്ടേനാല് താനിയാട് വള്ളി കുഞ്ഞമ്മദിന്റെ മകൻ ഇസ്മായിൽ (27) ആണ് മരിച്ചത്. കർണാടകത്തിൽ ബേക്കറി നടത്തിപ്പിനുള്ള കട അന്വേഷിക്കുന്നതിനായി പോയി മടങ്ങുന്നതിനിടെയാണ് അപകടം. ഇസ്മായിലും സുഹൃത്തുക്കളും സഞ്ചരിച്ച കാർ മറ്റൊരു കാറുമായി കൂട്ടിയിടിക്കുകയായിരുന്നു. പരിക്കേറ്റവരെ മൈസൂരുവിലെ സ്വകാര്യാശുപത്രിയിൽ പ്രവേശിപ്പിച്ചു. വയനാട്ടിൽ കർട്ടൻ വിൽപ്പന സ്ഥാപനം നടത്തിവരികയായിരുന്നു ഇസ്മായിൽ. മൃതദേഹം പോസ്റ്റുമോർട്ടത്തിനുശേഷം നാട്ടിലേക്ക് കൊണ്ടുപോകും.

Jun 28, 2022


നടൻ പൂ രാമു അന്തരിച്ചു

ചെന്നൈ: ചുരുങ്ങിയ കാലത്തിനുള്ളിൽ അച്ഛൻ വേഷങ്ങളിലൂടെ തമിഴ് സിനിമകളിൽ ശ്രദ്ധിക്കപ്പെട്ട നടൻ പൂ രാമു(60) അന്തരിച്ചു. ഹൃദയാഘാതത്തെ തുടർന്ന് വെള്ളിയാഴ്ചയാണ് ചെന്നൈ സെൻട്രലിലുള്ള രാജീവ് ഗാന്ധി സർക്കാർ ആശുപത്രിയിൽ പ്രവേശിപ്പിച്ചത്. തിങ്കളാഴ്ച വൈകീട്ട് ഏഴുമണിയോടെയാണ് മരിച്ചത്. തെരുവു നാടക കലാകാരനായിരുന്ന രാമു 2008-ൽ പുറത്തിറങ്ങിയ പൂ എന്ന ചിത്രത്തിലെ അഭിനയത്തിലൂടെയാണ് തമിഴ് സിനിമയിൽ ശ്രദ്ധിക്കപ്പെട്ടു തുടങ്ങിയത്. പിന്നീട് നീർപറവൈ, പരിയേറും പെരുമാൾ, കർണൻ തുടങ്ങിയ സിനിമകളിൽ അഭിനയിച്ചു. സൂര്യ നായകനായ സൂെരെ പോട്ര് എന്ന സിനിമയിലെ അച്ഛൻ വേഷത്തിലൂടെ തമിഴിന് പുറത്തും പ്രശസ്തനായി. സംസ്കാരം ചൊവ്വാഴ്ച നടക്കും.

Jun 28, 2022


കോലാറിൽ ബൈക്ക് ട്രാക്ടറുമായി കൂട്ടിയിടിച്ച് മലയാളി യുവാവ് മരിച്ചു

ബെംഗളൂരു: ബെംഗളൂരുവിന് സമീപം കോലാറിൽ ബൈക്ക് ട്രാക്ടറുമായി കൂട്ടിയിടിച്ച് മലയാളി യുവാവ് മരിച്ചു. കണ്ണൂർ പിലാത്തറ പുറച്ചേരി കാനക്കീൽ വീട്ടിൽ റിട്ട. അധ്യാപകരായ ദാമോദരന്റെയും രമണിയുടെയും മകൻ ദിലീപ് കുമാർ (38) ആണ് മരിച്ചത്. കോലാറിലെ വിസ്‌ട്രോൺ കമ്പനി ജീവനക്കാരനായിരുന്നു. വെള്ളിയാഴ്ച രാത്രി 11 മണിയോടെ ഹോസ്കോട്ട - ചിന്താമണി റോഡിൽ നാഗനഹള്ളിക്ക് സമീപമായിരുന്നു അപകടം. ജോലികഴിഞ്ഞ് താമസസ്ഥലത്തേക്ക് ബൈക്കിൽ വരുന്നതിനിടെ ട്രാക്ടറുമായി കൂട്ടിയിടിക്കുകയായിരുന്നു. സമീപത്തുണ്ടായിരുന്നവർ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. നന്ദഗുഡി പോലീസിന്റെ നേതൃത്വത്തിൽ ഇൻക്വസ്റ്റ് നടപടികൾ പൂർത്തിയാക്കി. എ.ഐ.കെ.എം.സി.സി. പ്രവർത്തകരുടെ സഹായത്തോടെ മൃതദേഹം നാട്ടിലെത്തിച്ചു. സഹോദരങ്ങൾ: സജു, സുജ.

Jun 26, 2022


ദുബായിൽ മാനന്തവാടി സ്വദേശിനി കാറിടിച്ച് മരിച്ചു

ദുബായ്: സത്വ അൽ ബിലയിൽ റോഡ് മുറിച്ചുകടക്കുന്നതിനിടെ മലയാളിയുവതി കാറിടിച്ചു മരിച്ചു. മാനന്തവാടി ചെറ്റപ്പാലം സ്വദേശി റംഷീനയാണ്‌ (32) മരിച്ചത്. സിഗ്നൽ മറികടന്നുവന്ന കാറിടിച്ചാണ് അപകടമെന്ന് ബന്ധുക്കൾ പറഞ്ഞു. അബൂബക്കറിന്റെയും റംലയുടെയും മകളാണ്. ഭർത്താവ്: അരങ്ങിൽതാഴെ ഹഫ്‌സൽ. മകൻ: മുഹമ്മദ് യിസാൻ. മൃതദേഹം നാട്ടിലെത്തിച്ച് കബറടക്കും.

Jun 26, 2022


വി.പി. ജയരാജ്

ബെംഗളൂരു: കണ്ണൂർ പാനൂർ താഴെപൂക്കോത്ത് വട്ടപ്പറമ്പത്ത് വീട്ടിൽ വി.പി. ജയരാജ് (57) അന്തരിച്ചു. ബെംഗളൂരുവിൽ ജീവൻഭീമാ നഗറിലായിരുന്നു താമസം. അച്ഛൻ: പരേതനായ ബാലൻ. അമ്മ: ലീല. ഭാര്യ: സഹിജ. മക്കൾ: അശ്വിൻ, ആദിത്ത്. സംസ്കാരം ഞായറാഴ്ച രാവിലെ ഒമ്പതിന് താഴെപൂക്കോത്തെ വീട്ടുവളപ്പിൽ.

Jun 26, 2022


പ്രേംകുമാർ

ബെംഗളൂരു: പാലക്കാട് ചിറ്റൂർ പുത്തൻവീട്ടിൽ പ്രേംകുമാർ (74) ബെംഗളൂരുവിൽ അന്തരിച്ചു. റിട്ട. എച്ച്.എ.എൽ. ജീവനക്കാരനാണ്. ബ്രൂക്ക്ഫീൽഡ് എ.ഇ.സി.എസ്. ലേഒൗട്ടിലായിരുന്നു താമസം. ഭാര്യ: ഗിരിജ. മകൾ: റോഷ്‌നി. മരുമകൻ: സച്ചിൻ. സംസ്കാരം ഞായറാഴ്ച രാവിലെ പത്തിന് പനത്തൂർ ശ്മശാനത്തിൽ.

Jun 26, 2022


ഏലിയാമ്മ സാമുവേൽ

ബെംഗളൂരു: കല്യാൺ നഗർ എച്ച്.ആർ. ബി.ആർ. ലേഔട്ട് ചേരിപ്പറമ്പിൽ ഏലിയാമ്മ സാമുവേൽ (കുഞ്ഞുമോൾ-80) അന്തരിച്ചു. തിരുവല്ല ആലംതുരുത്തി പാക്കള്ളിയിൽ കുടുംബാംഗമാണ്. ഭർത്താവ്: പരേതനായ സി.വി. സാമുവേൽ മക്കൾ: ബിജു സാമുവേൽ, ജിജു സാമുവേൽ, ജൂബി സാമുവേൽമരുമകൾ: ഉമാ ബിജു.സംസ്കാരം ഞായറാഴ്ച ഉച്ചയ്ക്ക് രണ്ടിന് വീട്ടിലും മൂന്നിന് പ്രിംറോസ് റോഡ് മാർത്തോമ പള്ളിയിലും നടക്കുന്ന ശുശ്രൂഷകൾക്കുശേഷം നാലിന് ഹൊസൂർ റോഡ് സെമിത്തേരിയിൽ.

Jun 26, 2022


വി. ജയചന്ദ്രൻ

മുംബൈ: പട്ടാമ്പി ചെർപ്പുളശ്ശേരി സ്വദേശി വി. ജയചന്ദ്രൻ (69) ഓസ്‌ട്രേലിയയിലെ സിഡ്‌നിയിൽ അന്തരിച്ചു. നവി മുംബൈ വാഷി നിവാസിയായിരുന്ന അദ്ദേഹം കുറച്ചു കാലമായി മകനോടൊപ്പം സിഡ്‌നിയിൽ ആയിരുന്നു താമസം. ഭാര്യ: രജനി ജയചന്ദ്രൻ. മകൻ: രാജ് നിതിൻ ജയചന്ദ്രൻ. മരുമകൾ: ദിവ്യാരാജ് നിതിൻ.

Jun 25, 2022


ഹജ്ജിനെത്തിയ മലപ്പുറം സ്വദേശിനി മരിച്ചു

മക്ക: ഹജ്ജ് കർമത്തിനെത്തിയ മലപ്പുറം എടരിക്കോട് സ്വദേശിനി മമ്മാലിപ്പടി പൂഴിത്തറ റുഖിയ (58) മക്കയിൽ മരിച്ചു. ബുധനാഴ്ച ഉച്ചയ്ക്ക് ഉംറയുടെ ഭാഗമായ സഅയ് കർമം ചെയ്യുന്നതിനിടെ മർവയിൽ കുഴഞ്ഞുവീണാണ് മരണം. അൽഹിന്ദ് ഹജ്ജ് ഗ്രൂപ്പിൽ ഈ മാസം പത്താം തീയതി മക്കയിലെത്തിയതാണ്. സഹോദരൻ മൊയ്ദീൻ കൂടെയുണ്ടായിരുന്നു. പരേതനായ മുക്രിയൻ കല്ലുങ്ങൽ സൈദലവിയാണ് ഭർത്താവ്. മക്ക കിങ് ഫൈസൽ ആശുപത്രി മോർച്ചറിയിൽ സൂക്ഷിച്ചിരിക്കുന്ന മൃതദേഹം നടപടിക്രമങ്ങൾക്കുശേഷം മക്കയിൽ ഖബറടക്കും.

Jun 23, 2022


കെ. രാമചന്ദ്രൻ

ബെംഗളൂരു: പാലക്കാട് കല്ലുവഴി കാവെല്ല വീട്ടിൽ രാമചന്ദ്രൻ (82) ബെംഗളൂരുവിൽ അന്തരിച്ചു. ഒ.എം.ബി.ആർ. ലേഔട്ടിലായിരുന്നു താമസം. ഐ.ടി.ഐ. റിട്ട. ഉദ്യോഗസ്ഥനാണ്. ഭാര്യ: കിഴക്കേക്കര ദേവയാനി. മക്കൾ: രേഖ, രോഹിത്. സംസ്കാരം ബുധനാഴ്ച രാവിലെ 11-ന് കല്പള്ളി ശ്മശാനത്തിൽ.

Jun 22, 2022


ശ്രീലത

ചെന്നൈ: പാലക്കാട് തേനൂർ പൂവത്തിങ്കൽ ശ്രീലത(54) ചെന്നൈയിൽ അന്തരിച്ചു. ഭർത്താവ്: അച്യുതൻകുട്ടി. മക്കൾ: അഭിലാഷ്, ആശ.

Jun 21, 2022


ജോസഫ് റാഫേൽ

ചെന്നൈ: തൃശ്ശൂർ ഒല്ലൂർ ചക്കാലക്കൽ ജോസഫ് റാഫേൽ(89) ചെന്നൈ മിന്റിൽ അന്തരിച്ചു. ഭാര്യ: കാരോക്കാരൻ കുടുംബാംഗം പരേതയായ അന്ന. മക്കൾ: കെന്നഡി, റിച്ചു, റൂബി, മുന്ന. മരുമക്കൾ: ഷീല, ബിന്ദു, സെബാസ്റ്റ്യൻ, ബിജു.

Jun 21, 2022


വേദിക എസ്. കർത്ത

അജ്മാൻ: എറണാകുളം രാമമംഗലം സ്വദേശിനി വേദിക എസ്. കർത്ത (5) അജ്മാനിൽ അന്തരിച്ചു. അജ്മാനിലെ ഇന്റർനാഷണൽ ഇന്ത്യൻ സ്കൂളിലെ കെ.ജി. 2 വിദ്യാർഥിനിയാണ്. അച്ഛൻ: സുഭാഷ് കർത്ത. അമ്മ: അനില. സഹോദരൻ: ശ്രീ ദേവ്.

Jun 21, 2022


നടൻ വജ്ര സതീഷ് കുത്തേറ്റ് മരിച്ചു

ബെംഗളൂരു: കന്നഡ നടനും യുട്യൂബറുമായ വജ്ര സതീഷിനെ (36) ബെംഗളൂരുവിലെ വീട്ടിൽ കുത്തേറ്റ് മരിച്ചനിലയിൽ കണ്ടെത്തി. സംഭവത്തിൽ ഭാര്യാസഹോദരൻ സുദർശൻ ഉൾപ്പെടെ രണ്ടു പേരെ പോലീസ് അറസ്റ്റുചെയ്തു. ആർ.ആർ. നഗർ പട്ടണഗെരെയിലെ വീട്ടിലാണ് സതീഷിനെ കൊല്ലപ്പെട്ടനിലയിൽ കണ്ടെത്തിയത്. വയറ്റിലും കഴുത്തിലും ആഴത്തിലുള്ള മുറിവുണ്ടായിരുന്നു. മാണ്ഡ്യ മദ്ദൂർ സ്വദേശിയായ സതീഷ് നാലുവർഷം മുമ്പാണ് വിവാഹം കഴിച്ചത്. ഒരു കുട്ടിയുണ്ട്. ഭാര്യ ഏഴുമാസം മുമ്പ് മരിച്ചു. കൃത്യസമയത്ത് ചികിത്സ നൽകാത്തതിനാലാണ് മരിച്ചതെന്ന് ഭാര്യവീട്ടുകാർ ആരോപിച്ചിരുന്നതായി പോലീസ് പറഞ്ഞു. ഇക്കാരണത്താൽ സുദർശൻ സതീഷിനെ കൊലപ്പെടുത്താൻ തീരുമാനിച്ചു. കഴിഞ്ഞദിവസം സുഹൃത്തായ നാഗേന്ദ്രയെയും സഹായത്തിന് കൂട്ടി സതീഷിനെ കുത്തിക്കൊലപ്പെടുത്തുകയായിരുന്നുവെന്ന് പോലീസ് പറഞ്ഞു. ‘ലഗോരി’ ഉൾപ്പെടെ ഏതാനും സിനിമകളിൽ അഭിനയിച്ചിട്ടുള്ള സതീഷ് സലൂൺ നടത്തിയിരുന്നു.

Jun 20, 2022


പി.എ. മാത്യു

ന്യൂഡൽഹി : കോട്ടയം അരുവിക്കുഴി സ്വദേശി പി.എ. മാത്യു (67) ഡൽഹിയിൽ അന്തരിച്ചു. ഭാര്യ: എൽസി. മക്കൾ : മോബിൻ, ബിപിൻ. സംസ്കാരം തിങ്കളാഴ്ച ഉച്ചകഴിഞ്ഞ് മൂന്നിന് അരുവിക്കുഴി ലൂർദ് മാതാ പള്ളിയിൽ.

Jun 20, 2022


വോൾഗ വാസ്

ന്യൂഡൽഹി : ആലപ്പുഴ തത്തംപള്ളി വാസ് വില്ലയിൽ വോൾഗ വാസ് (59) ഡൽഹി മുനീർകയിൽ അന്തരിച്ചു. സഹോദരങ്ങൾ : കോൺസ്റ്റന്റ്, പരേതരായ ജസ്റ്റസ്, പെട്രീഷ്യ. സംസ്കാരം തിങ്കളാഴ്ച രാവിലെ 11-ന് ആലപ്പുഴ മൗണ്ട് കാർമൽ കത്തീഡ്രൽ സെമിത്തേരിയിൽ.

Jun 20, 2022


കർണാടക മുൻ മന്ത്രി എം. രഘുപതി അന്തരിച്ചു

ബെംഗളൂരു: കർണാടക മുൻമന്ത്രിയും ജനതാ പരിവാർ നേതാവുമായിരുന്ന എം. രഘുപതി (81) അന്തരിച്ചു. ശനിയാഴ്ച രാവിലെ ബെംഗളൂരു മല്ലേശ്വരത്തെ വസതിയിലായിരുന്നു അന്ത്യം. വിദ്യാർഥി പ്രസ്ഥാനത്തിലൂടെയാണ് രാഷ്ട്രീയത്തിലിറങ്ങിയത്. രാമകൃഷ്ണ ഹെഗ്‌ഡെയുടെ നേതൃത്വത്തിലുള്ള മന്ത്രിസഭയിൽ വിദ്യാഭ്യാസ മന്ത്രിയായിരുന്നു. 1985-ൽ സർക്കാർ സ്കൂളുകളിൽ വിദ്യാർഥികൾക്ക് സൗജന്യ യൂണിഫോമും പിന്നീട് സൗജന്യ പാഠപുസ്തകവും ഇദ്ദേഹത്തിന്റെ കാലത്ത് ഏർപ്പെടുത്തി. സൗജന്യ യൂണിഫോമിനും പാഠപുസ്തകത്തിനുമായി അക്കാലത്ത് സർക്കാരിന് 40 കോടി രൂപയാണ് അധികം ചെലവായിരുന്നത്. ശിവാജിനഗർ, മല്ലേശ്വരം മണ്ഡലങ്ങളെ പ്രതിനിധാനംചെയ്താണ് നിയമസഭയിലെത്തിയത്. ഒരു തവണ നിയമനിർമാണ കൗൺസിൽ അംഗമായി. ആന്ധ്രപ്രദേശ് മുൻ മുഖ്യമന്ത്രി എൻ.ടി. രാമറാവുവുമായി അടുത്ത ബന്ധം പുലർത്തിയിരുന്നു.കഴിഞ്ഞ കുറച്ചുകാലമായി സജീവ രാഷ്ട്രീയത്തിൽനിന്ന് വിട്ടുനിൽക്കുകയായിരുന്നു. മുഖ്യമന്ത്രി ബസവരാജ് ബൊമ്മെ, സ്പീക്കർ വിശ്വേശ്വർ ഹെഗ്‌ഡെ കാഗേരി, പ്രതിപക്ഷ നേതാവ് സിദ്ധരാമയ്യ തുടങ്ങിയ നേതാക്കൾ അനുശോചിച്ചു. സംസ്കാരം ഞായറാഴ്ച രാവിലെ നടക്കും.

Jun 19, 2022


എൻ. രാഘവൻ നായർ

ചെന്നൈ: നാഗർകോവിൽ രാമവർമപുരം സഹോദരർ സ്ട്രീറ്റിൽ മുൻ അസിസ്റ്റന്റ് ഡി.ഇ.ഒ. എൻ. രാഘവൻ നായർ (88) ചൂളൈമേടുള്ള വസതിയിൽ അന്തരിച്ചു. ഭാര്യ: സാനുമതി അമ്മ. മക്കൾ : അശോക് കുമാർ, രഘുകുമാർ, ഗോപകുമാർ, ഗീത. മരുമക്കൾ: മിനി രവീന്ദ്രൻ, മഞ്ജു, ദീപ, ഡോ. മനോജ്‌.

Jun 18, 2022


കെ. തങ്കച്ചൻ

ന്യൂഡൽഹി : കൊല്ലം പുനലൂർ ഇളമ്പൽ സിബി വിലാസത്തിൽ കെ. തങ്കച്ചൻ (77) ഡൽഹിയിലെ വസതിയിൽ അന്തരിച്ചു. ഭാര്യ: പരേതയായ റോസമ്മ. മക്കൾ: സുമ, മിനി, സിനി, സിബി, സുജ. മരുമക്കൾ : ജോസഫ് (ഡൽഹി പോലീസ്), മഹേന്ദർ ബാഗ്, തങ്കച്ചൻ, പ്രസന്ന, ബിനു ജോൺ. സംസ്കാരം ശനിയാഴ്ച തുഗ്ലക്കാബാദ് സെയ്ന്റ് തോമസ് ക്രിസ്ത്യൻ സെമിത്തേരിയിൽ.

Jun 18, 2022


രഘുനന്ദനൻ

ബെംഗളൂരു: കൊച്ചിൻ ഡെവലപ്പ്‌മെന്റ് അതോറിറ്റി റിട്ട. ചീഫ് എൻജിനിയർ തൃപ്പൂണിത്തുറ പവ്വത്തിൽ രഘുനന്ദനൻ (82) ബെംഗളൂരു കോടിചിക്കനഹള്ളിയിലെ മകന്റെ വസതിയിൽ അന്തരിച്ചു. പരേതരായ കോരത്താട്ട് രാമൻ മേനോന്റെയും പവ്വത്തിൽ അമ്മിണിയമ്മയുടെയും മകനാണ്. ഭാര്യ: പ്രസന്ന (റിട്ട. എച്ച്.എം.ടി.). മക്കൾ: അഞ്ജന (എച്ച്.പി., ബെംഗളൂരു), ബാലകൃഷ്ണൻ (വെൽ സ്കൈ). മരുമക്കൾ: സതീശ് (ഐ.ബി.എം.), രഞ്ജു. സഹോദരി: മീനു ചന്ദ്രൻ.

Jun 18, 2022


സി. രാമകൃഷ്ണൻ

ബെംഗളൂരു: രാജാജിനഗർ ശിവനഗർ ജയ് നിലയത്തിൽ സി. രാമകൃഷ്ണൻ (76) അന്തരിച്ചു. പാലക്കാട് കാടാങ്കോട് സ്വദേശിയാണ്. ഭാര്യ: പരേതയായ തങ്കമ്മ. മക്കൾ: ജയകുമാർ, ബിന്ദു, സിന്ധു. മരുമക്കൾ: ജ്യോതി, സജിത്, രാജ്. സംസ്കാരം വെള്ളിയാഴ്ച രാവിലെ 10-ന് ബെംഗളൂരുവിൽ.

Jun 17, 2022


സി. ശ്രീധരൻ

ബെംഗളൂരു: കണ്ണൂർ അഞ്ചരക്കണ്ടി ചിറമ്മൽ വീട്ടിൽ സി. ശ്രീധരൻ (82) ബെംഗളൂരുവിൽ അന്തരിച്ചു. കെങ്കേരിയിലായിരുന്നു താമസം. ദക്ഷിണ-പശ്ചിമ റെയിൽവേ ബെംഗളൂരു ഡിവിഷനിലെ മുൻ സീനിയർ സെക്‌ഷൻ എൻജിനിയറാണ്. ബെംഗളൂരു റെയിൽവേ മലയാളി അസോസിയേഷൻ (ബി.ആർ.എം.എ.) മുൻ സെക്രട്ടറിയാണ്. ഭാര്യ: പരേതയായ രത്നമ്മ. മക്കൾ: ശ്രീജിത്ത്, ശ്രീജ. മരുമകൾ: സുനിത. സഹോദരങ്ങൾ: കല്യാണി, രാഘവൻ, കരുണൻ. സംസ്കാരം വെള്ളിയാഴ്ച രാവിലെ 12-ന് കെങ്കേരി സാറ്റ്‌ലൈറ്റ് ടൗൺ ശ്മശാനത്തിൽ.

Jun 17, 2022


വർക്കി ചെറിയാൻ

ന്യൂഡൽഹി: തൊടുപുഴ വണ്ടമറ്റം മെഴുകനാൽ വർക്കി ചെറിയാൻ (81) ഡൽഹി ഹോസ് ഖാസിൽ അന്തരിച്ചു. ഭാര്യ: പരേതയായ ഏലിക്കുട്ടി ചെറിയാൻ. മക്കൾ: ഡൊമിനിക്, മാനുവൽ (മാനുവൽ മലബാർ ജൂവലേഴ്സ്), മേഴ്‌സി, ജിജി. മരുമക്കൾ: ഷൈനി, ഡെലോണി, അലി, സജി. സംസ്കാരം വെള്ളിയാഴ്ച വൈകീട്ട് അഞ്ചിന് ഡൽഹി ബത്ര ആശുപത്രിക്കു സമീപം സെയ്ന്റ് തോമസ് ക്രിസ്ത്യൻ സെമിത്തേരിയിൽ.

Jun 17, 2022


അശോകൻ മാധവൻ

റാസൽഖൈമ: പാലക്കാട് ആലത്തൂർ പട്ടിമട സ്വദേശി അശോകൻ മാധവൻ (49) റാസൽഖൈമയിൽ അന്തരിച്ചു. ഭാര്യ: ദിവ്യ. മക്കൾ: അബിൻ, അനന്യ. അച്ഛൻ: മാധവൻ. അമ്മ: ലക്ഷ്മി. സഹോദരങ്ങൾ : ശശിധരൻ, ഗംഗാധരൻ, വനജ, പരേതനായ രാധാകൃഷ്ണൻ. സംസ്കാരം നാട്ടിൽ.

Jun 15, 2022


അബ്രാഹം

ബെംഗളൂരു: രാജരാജേശ്വരി നഗർ കടുതോടിയിൽ അബ്രാഹം (73) അന്തരിച്ചു. കണ്ണൂർ പയ്യാവൂർ മടമ്പം സ്വദേശിയാണ്. ഭാര്യ: ജയാ അബ്രാഹം (അരീക്കര വടുകുന്നപ്പുഴ കുടുംബാംഗം, റിട്ട. മാനേജർ മംഗളം പബ്ലിക്കേഷൻ -കന്നട). മക്കൾ: ടോണി അബ്രാഹം, ഡോ. സോണി ആൻ അബ്രാഹം. മരുമക്കൾ: ഫ്ളേവി ടോണി (മറ്റക്കര), ഡോ. ടെസ്‌മോൻ മുളവനാൽ (രാജപുരം). സംസ്കാരശുശ്രൂഷ ബുധനാഴ്ച രാജരാജേശ്വരീ നഗർ സ്വർഗറാണി ക്നാനായ പള്ളിയിൽ.

Jun 14, 2022


ഗോപാലകൃഷ്ണൻ നായർ

പുണെ : ഹഡപ്‌സർ സുഖ്‌വാനി എമറാൾഡ് സൊസൈറ്റിയിൽ ഇ 203 ൽ കണ്ണൂർ അഴീക്കോട് തെക്കന്മാരുടെ വീട്ടിൽ ഗോപാലകൃഷ്ണൻ നായർ (80) പുണെയിൽ അന്തരിച്ചു. മിലിട്ടറി എൻജിനിയറിങ് സർവീസിലെ മുൻ ഗാരിസൺ എൻജിനിയറായിരുന്ന അദ്ദേഹം ദീർഘകാലം പുണെ വഡ്ഗാവ്‌ശ്ശേരി ഗോകുൽ ബംഗ്ലാവിലായിരുന്നു താമസം. ഭാര്യ: പ്രേമലത.മക്കൾ: കവിത, കിഷോർ. മരുമക്കൾ : ഷാജി, വൃന്ദ.

Jun 13, 2022


-ശങ്കര രവി

മുംബൈ: മുംബൈയിൽ ബിസിനസുകാരനായ തിരുവനന്തപുരം കിളിമാനൂർ പുന്നശ്ശേരിവീട്ടിൽ ശങ്കര രവി (ഉണ്ണി-71) ചെമ്പൂരിൽ അന്തരിച്ചു. മുംബൈയിൽ ചെമ്പൂർ തിലക്‌നഗർ സഹജീവൻ സൊസൈറ്റിയിലായിരുന്നു താമസം. സൗരവി ഇൻസ്ട്രമെന്റേഷൻ പ്രൈവറ്റ് ലിമിറ്റഡ് ഉടമയായിരുന്നു. ഭാര്യ: പരേതയായ ശോഭാ രവി. മക്കൾ: വിനയ്, വിദ്യ. മരുമക്കൾ: അഞ്ജന, ജിതേഷ്.

Jun 12, 2022


സുബൈദ

ഫുജൈറ: പാലക്കാട് കൊട്ടിലിൽ സ്വദേശി സുബൈദ (58) അൽ ഐനിൽ അന്തരിച്ചു. രോഗബാധിതയായി അൽ ഐൻ ത്വവാം ആശുപത്രിയിൽ ചികിത്സയിലായിരുന്നു. ഭർത്താവ്: അബ്ദുൽ റഹ്മാൻ. മക്കൾ: ഫർഹാന, ഫർസാന, മുഹമ്മദ് ഇർഫാൻ, മുഹമ്മദ് ഇർഷാദ്. സഹോദരങ്ങൾ: മുഹമ്മദ്കുട്ടി, അബൂബക്കർ, ഉമർ, ഫാത്തിമ.

Jun 12, 2022


മുഹമ്മദ് കോയ

ജിദ്ദ: കോഴിക്കോട് ഫറോക്ക് സ്വദേശി മണ്ണൂർ വളവിൽ വടക്കുമ്പാട് വയലിലാകത്ത് മുഹമ്മദ് കോയ (കോയതങ്ങൾ-55) ജിദ്ദയിൽ അന്തരിച്ചു. ജിദ്ദ ഐ.സി.എഫ്. പ്രവർത്തകനാണ്. 30 വർഷമായി ജിദ്ദയിലായിരുന്നു ജോലി. പിതാവ്: പരേതനായ ബീരാൻ കോയ. മാതാവ്: സൈനബ ബീവി. ഭാര്യ: സൗദ, മക്കൾ: മുഹമ്മദ് ദിൽഷാദ്, നദാ മുഹമ്മദ്.

Jun 12, 2022


റഷീദ്

ഷാർജ: മലപ്പുറം എരമംഗലം സ്വദേശി റഷീദ് കാലംപറമ്പിൽ (51) ഷാർജയിൽ അന്തരിച്ചു. 22 വർഷമായി പ്രവാസിയാണ്. ഭാര്യ: ജാസ്മിൻ. മൂന്ന് മക്കളുണ്ട്.

Jun 11, 2022


രാഹുലേയൻ

ചെന്നൈ: കൊല്ലം അഷ്ടമുടി മാപ്പിളശ്ശേരി വീട്ടിൽ പി. രാഹുലേയൻ (82) ചെന്നൈയിൽ അന്തരിച്ചു. ഭാര്യ: കമലാവതി. മക്കൾ: അജയഘോഷ്,സജീവ ഘോഷ്, ബിന്ദു. മരുമകൻ: രാജു. സംസ്കാരം വെള്ളിയാഴ്ച 12.30-ന് വടപളനി ശ്മശാനത്തിൽ.

Jun 10, 2022


മേരി മാത്യു

ന്യൂഡൽഹി: തൃശ്ശൂർ കുന്നംകുളം കിടഗൻ കുടുംബാഗം മേരി മാത്യു (80) മയൂർ വിഹാർ ഫെയ്‌സ് ഒന്നിലെ വസതിയിൽ അന്തരിച്ചു. ഭർത്താവ് : പരേതനായ തൃപ്പൂണിത്തുറ മൂക്കഞ്ചേരിൽ എം.പി. മാത്യു. മക്കൾ : എം.എം. പോൾ (ഡൽഹി), ഷീല തോമസ് (സെയ്ന്റ് പോൾസ് സ്കൂൾ, ഡൽഹി). മരുമക്കൾ: ലിൻസ് പോൾ, ഡോ. ജോർജ് തോമസ് (സാം ഹിഗ്ഗിൻബോതം കാർഷിക സർവകലാശാല, അഹമ്മദാബാദ്). സംസ്കാരം വെള്ളിയാഴ്ച വസതിയിലെയും ഹോസ് ഖാസ് സെയ്ന്റ് മേരീസ് ദേവാലയത്തിലെയും ശുശ്രൂഷകൾക്ക് ശേഷം ഉച്ചയ്ക്ക് ഒന്നിന് പൃഥ്വിരാജ് റോഡ് സെമിത്തേരിയിൽ.

Jun 10, 2022


തൈവളപ്പിൽ ഹസൈനാർ

റാസൽഖൈമ: മലപ്പുറം പട്ടർനടക്കാവ് -മുട്ടിക്കാട് സ്വദേശി തൈവളപ്പിൽ ഹസൈനാർ (58) റാസൽഖൈമയിൽ അന്തരിച്ചു. 36 വർഷമായി പ്രവാസിയാണ്. റാസൽഖൈമ മുനിസിപ്പാലിറ്റി ജീവനക്കാരനാണ്. ഐ.സി.എഫ്. ഫിഷ്‌മാർക്കറ്റ് യൂണിറ്റ് പ്രവർത്തകനായിരുന്നു.ഭാര്യ: സുബൈദ. മക്കൾ : ഫൈസൽ, സക്കീന, ഹസീന, മുഹ്‌സിന. മരുമക്കൾ : സൈനബ, അഷ്റഫ്, ഹംസകുട്ടി, ഉമർ.

Jun 09, 2022


സോമൻ നായർ

അഹമ്മദാബാദ്: തിരുവനന്തപുരം സെന്റർ ഫോർ ഡെവലപ്പ്മെന്റ് സ്റ്റഡീസ് മുൻ രജിസ്ട്രാർ നെട്ടയം ശ്രീറാം നഗർ ആശീർവാദിൽ സോമൻ നായർ (70) അന്തരിച്ചു. ഗുജറാത്ത് ഗാന്ധിനഗറിൽ ധീരുഭായ് അംബാനി ഇൻസ്റ്റിറ്റ്യൂട്ട് ഓഫ് ഇൻഫർമേഷൻ ആൻഡ് കമ്യൂണിക്കേഷൻ ടെക്നോളജി എക്സിക്യുട്ടീവ് രജിസ്ട്രാറാണ്. കോവിഡിനെ തുടർന്ന് അഹമ്മദാബാദിലെ സ്വകാര്യ ആശുപത്രിയിൽ ചികിത്സയിലായിരുന്നു. വർഗീസ് കുര്യന്റെ നേതൃത്വത്തിൽ ആനന്ദിലെ ഇർമയിൽ ചീഫ് അഡ്മിനിസ്ട്രേറ്റീവ് ഓഫീസർ, എൻ.ഡി.ഡി.ബി. ഓഫീസർ ഇൻ ചാർജ് തുടങ്ങിയ സ്ഥാനങ്ങളും വഹിച്ചിട്ടുണ്ട്. ഭാര്യ: ശ്രീകുമാരി. മക്കൾ: മായ, ആദിത്യ. മരുമകൻ: ഡൊണാൾഡ് തമ്പി.

Jun 08, 2022


ശ്രെയ് ജനാർദനൻ

ബെംഗളൂരു: കോഴിക്കോട് മാടക്കുനി കുടുംബാംഗം ശ്രെയ് ജനാർദനൻ (17) ബെംഗളൂരുവിൽ അന്തരിച്ചു. മുരുകേശപാളയ എയർഫോഴ്‌സ് സ്കൂളിലെ പ്ലസ് ടു വിദ്യാർഥിയാണ്. പിതാവ്: മാടക്കുനി ബിജോയ് (വിങ് കമാൻഡർ, ഇന്ത്യൻ വ്യോമസേന, ബെംഗളൂരു). മാതാവ്: മന്ദീപ് കൗർ (റിട്ട. ഇന്ത്യൻ വ്യോമസേന). സഹോദരി: രാഗ (വിദ്യാർഥിനി). സംസ്കാരം ബുധനാഴ്ച ബെംഗളൂരുവിലെ പനത്തൂർ ശ്മശാനത്തിൽ.

Jun 08, 2022


കെ. ഗോപാലൻ നായർ

മുംബൈ: മുംബൈയിലെ മുതിർന്ന രാഷ്ട്രീയ, സാമൂഹിക പ്രവർത്തകൻ കെ. ഗോപാലൻ നായർ (86) അന്തരിച്ചു. കൊല്ലം ജില്ലയിൽ കരുനാഗപ്പള്ളി താലൂക്കിലെ തഴവ പഞ്ചായത്തിൽ ഇളയമഠത്തിൽ തറവാട്ടിൽ കുടുംബാംഗമാണ്. മുളുണ്ട് കോളനിയിലെ രചന ഗാർഡൻ, പ്രിംറോസ് സൊസൈറ്റിയിൽ 1302 നമ്പർ ഫ്ളാറ്റിലാണ് താമസം. ഭാര്യ: വത്സല നായർ. മക്കൾ: ഹരീഷ്, ഹീന. മരുമക്കൾ: രജന, പ്രദീപ്. സഹോദരങ്ങൾ: കുട്ടൻ നായർ, കൃഷ്ണൻ നായർ, രഘുനാഥൻ നായർ, ദേവകിയമ്മ, കമലമ്മ, ലളിതമ്മ. താനെ ജില്ലയിലെ സി.പി.എം. നേതാവായിരുന്ന അദ്ദേഹം നേതൃത്വവുമായുള്ള അഭിപ്രായ വ്യത്യാസത്തെത്തുടർന്ന് പിന്നീട് ‘ഗോദാവരി പരുലേക്കർ മഞ്ച്’ സ്ഥാപിച്ചു. മൂന്നുവർഷം മുമ്പ് ആർ.എം.പി.യിൽ ചേർന്നു. ദീർഘകാലം മുളുണ്ട് കേരളസമാജത്തിന്റെ പ്രസിഡന്റായിരുന്നു. താനെ മലയാളിസമാജം, കേരളീയ കേന്ദ്രസംഘടന എന്നിവയുടെയും അമരക്കാരനായി പ്രവർത്തിച്ചിട്ടുണ്ട്. മുളുണ്ട് കേരളസമാജത്തിന്റെ 2019-ലെ കെ.എം. മാത്യു സ്മാരക അവാർഡ് ലഭിച്ചു.

Jun 07, 2022


ജാനകി എസ്. നായർ

ചെന്നൈ: കണ്ണൂർ ചെറുകുന്ന് കമ്പിയം വീട്ടിൽ ജാനകി എസ്. നായർ(91) ചെന്നൈയിൽ അന്തരിച്ചു. ഭർത്താവ്: വാസപുരത്ത് ഇൻകം ടാക്സിൽനിന്ന്‌ റിട്ടയർ ചെയ്ത പരേതനായ ശ്രീധരൻ നായർ. മക്കൾ: വസന്ത പിള്ള (ചെന്നൈ), കെ.വി. ഉണ്ണികൃഷ്ണൻ(മുംബൈ), കെ.വി. സതീഷ്(ബെംഗളൂരു). സംസ്കാരം ചൊവ്വാഴ്ച രാവിലെ 11-ന് അരുമ്പാക്കം ശ്മശാനത്തിൽ.

Jun 07, 2022


എം.ജെ. ആന്റണി

ബെംഗളൂരു: കൊച്ചി തോപ്പുംപടി മുരിക്കുംതറ വീട്ടിൽ എം.ജെ. ആന്റണി (73) ബെംഗളൂരുവിൽ അന്തരിച്ചു. രാമമൂർത്തിനഗറിലായിരുന്നു താമസം. സ്റ്റീൽ അതോറിറ്റി ഓഫ് ഇന്ത്യ ലിമിറ്റഡ് മുൻ ഉദ്യോഗസ്ഥനാണ്. ഭാര്യ: അൽഫോൻസ ആന്റണി. മക്കൾ: അനീഷ്, അനിത, അനിൽ. മരുമക്കൾ: ജിനി, ലക്സ്, ഡോണ. സംസ്കാരം ബുധനാഴ്ച ഉച്ചയ്ക്ക് 11.45-ന് രാമമൂർത്തിനഗർ ഹോളിഫാമിലി പള്ളിയിലെ ശുശ്രൂഷകൾക്കുശേഷം ടി.സി. പാളയ സെയ്ന്റ് ആന്റണീസ് പള്ളി സെമിത്തേരിയിൽ.

Jun 07, 2022


കിരൺ മജുംദാർ ഷായുടെ അമ്മ യാമിനി മജുംദാർ അന്തരിച്ചു

ബെംഗളൂരു: ബയോകോൺ ചെയർപേഴ്‌സൺ കിരൺ മജുംദാർ ഷായുടെ അമ്മ യാമിനി മജുംദാർ (91) ബെംഗളൂരുവിൽ അന്തരിച്ചു. ‘എന്റെ ജീവിതത്തിൽനിന്ന് വലിയൊരു പ്രകാശം പോയെന്ന്’ട്വീറ്റ് ചെയ്ത് കിരൺ മജുംദാർ ഷായാണ് മരണവിവരം പറത്തുവിട്ടത്. യാമിനി മജുംദാർ അറുപത്തിയെട്ടാമത്തെ വയസ്സിലാണ് ഡ്രൈ ക്ലീനിങ്, ലോൺട്രി ബിസിനസുകൾ ആരംഭിച്ചത്. അക്കാലത്ത് അത്ര സാധാരണമല്ലായിരുന്നു ഇത്തരം ബിസിനസുകൾ.യാമിനിയും സ്ഥാപനത്തിലെ അഞ്ചുപേരും ദിവസേന 12 മണിക്കൂറിലേറെ ജോലിചെയ്താണ് സ്ഥാപനത്തെ ലാഭത്തിലാക്കിയത്. വലിയൊരു ക്രിക്കറ്റ് ആരാധിക കൂടിയായിരുന്നു യാമിനി.

Jun 05, 2022


പാർവതി അന്തർജനം

മുംബൈ: മലാഡിൽ താമസിച്ചുവരുന്ന റിട്ടയേഡ് അധ്യാപികയായ പാർവതി അന്തർജനം അന്തരിച്ചു. പശ്ചിമ റെയിൽവേ ഉദ്യോഗസ്ഥനായിരുന്ന പരേതനായ അക്കരച്ചിറ്റൂർ ശാസ്ത്രശർമൻ നമ്പൂതിരിയുടെ ഭാര്യയാണ്. ശനിയാഴ്ച രാവിലെയായിരുന്നു അന്ത്യം. മക്കൾ: നാരായണൻ (അമേരിക്ക), വാസന്തി മണിത്തറ, നളിനി ആറ്റൂർ മുണ്ടയൂർ. മരുമക്കൾ: ശോഭ, മോഹനൻ, മുരളീധരൻ.

Jun 05, 2022


ലൂസി ജയപ്രകാശ് റെഡ്ഡി

ബെംഗളൂരു: തിരുവല്ല മെയ്മഠം വീട്ടിൽ ലൂസി ജയപ്രകാശ് റെഡ്ഡി (75) ലണ്ടനിൽ അന്തരിച്ചു. ബെംഗളൂരു ഹെന്നൂരിൽ താമസിച്ചിരുന്ന ലൂസി അടുത്തിടെയാണ് ലണ്ടനിലുള്ള മകളുടെ അടുത്ത് പോയത്.ഭർത്താവ്: പരേതനായ ജയപ്രകാശ് നാരായണ റെഡ്ഡി. മക്കൾ: ലത പോൾ, ബെർണഡിൻ ഓട്ടർ, രഞ്ജിത ബുസാഡ്. മരുമക്കൾ: ഇ.വി. പോൾ (കേരള സമാജം ചാരിറ്റബിൾ സൊസൈറ്റി ജനറൽ സെക്രട്ടറി), ക്രിസ്റ്റഫർ ഓട്ടർ, നിക്കോളസ് ബുസാഡ്.

Jun 05, 2022


സൈനബ കരീം

ബെംഗളൂരു: കൊല്ലം ചവറ പറങ്കിശ്ശേരിൽ വീട്ടിൽ സൈനബ കരീം (67) ബെംഗളൂരു വിശ്വേശരയ്യ ലേഔട്ടിൽ അന്തരിച്ചു. കരുനാഗപ്പള്ളി പുത്തൻകണ്ടത്തിൽ കുടുംബാംഗമാണ്. ഭർത്താവ്: എം.എ. കരീം (പീനിയ ലിയോ കമ്യൂണിക്കേഷൻ ഉടമ).മക്കൾ: ഹരീഷ് കരീം, ഹർഷിത.മരുമക്കൾ: നിഷ, സുധീർ.ഖബറടക്കം ഞായറാഴ്ച ചവറ ജുമാ മസ്ജിദിൽ.

Jun 05, 2022


ബാഗൽകോട്ടിൽ വാഹനാപകടം; നാലു കർഷകർ മരിച്ചു

ബെംഗളൂരു: കർണാടകത്തിലെ ബാഗൽകോട്ട്‌ ബേഡഗണ്ഡിയിലുണ്ടായ വാഹനാപകടത്തിൽ നാല് കർഷകർ മരിച്ചു. ബിലഗി സ്വദേശികളായ ശങ്കരപ്പ മലാലി (42), രാമസ്വാമി മഹാദേവപ്പ കരിഗർ (36), റസാഖ് തമ്പോലി (54), നാസിർ മുല്ല (42) എന്നിവരാണ് മരിച്ചത്. ഇവർക്കൊപ്പമുണ്ടായിരുന്ന ചന്നപ്പ മദാർ എന്നയാളെ ഗുരുതരമായ പരിക്കുകളോടെ സമീപത്തെ ആശുപത്രിയിൽ പ്രവേശിപ്പിച്ചു. ഹുബ്ബള്ളി- സോളാപുർ ദേശീയപാതയിലാണ് അപകടം. ബെംഗളൂരുവിലേക്ക് ഉള്ളിയുമായി വരികയായിരുന്നു ഇവർ. ലോറിയുടെ ടയർ പഞ്ചറായതോടെ അഞ്ചുപേരും ടയർ മാറ്റിയിടാൻ പുറത്തിറങ്ങി. ഇതിനിടെ അതിവേഗത്തിലെത്തിയ മറ്റൊരു വാഹനം ഇവരെ ഇടിച്ചുതെറിപ്പിക്കുകയായിരുന്നു. ഇടിച്ച വാഹനം നിർത്താതെ പോയി. ഈ വഴിവന്ന മറ്റു യാത്രക്കാരാണ് രക്ഷാപ്രവർത്തനത്തിന് നേതൃത്വം നൽകിയത്. എന്നാൽ, നാലുപേർ സംഭവസ്ഥലത്തുതന്നെ മരിച്ചിരുന്നു. നിർധനകുടുംബത്തിലെ അംഗങ്ങളാണ് അപകടത്തിൽപെട്ടവർ. വിളവെടുത്ത ഉള്ളിക്ക് കൂടുതൽ വിലകിട്ടാനാണ് അയൽക്കാരായ അഞ്ചുപേരും ചേർന്ന് ഉള്ളിയുമായി ബെംഗളൂരുവിലേക്ക് പുറപ്പെട്ടത്. കർഷകരുടെ കുടുംബത്തിനാവശ്യമായ സാമ്പത്തികസഹായം നൽകുമെന്ന് മന്ത്രിയും സ്ഥലം എം.എൽ.എ.യുമായ മുരുഗേഷ് നിറാനി അറിയിച്ചു. അതേസമയം, ഇടിച്ച വാഹനം കണ്ടെത്താൻ സമീപത്തെ ടോൾഗേറ്റിൽനിന്നുള്ള സി.സി. ടി.വി. ദൃശ്യങ്ങൾ പോലീസ് പരിശോധിച്ചുവരികയാണ്. ഉന്നത പോലീസുദ്യോഗസ്ഥരും സംഭവസ്ഥലം സന്ദർശിച്ചു. ബിലഗി പോലീസിനാണ് അന്വേഷണച്ചുമതല.

Jun 05, 2022


കുസുമം ആന്റണി

ബെംഗളൂരു: ആലപ്പുഴ എഴുപുന്ന പണിക്കവീട്ടിൽ കുസുമം ആന്റണി (86) ബെംഗളൂരു ഹുളിമാവിൽ അന്തരിച്ചു. ഭർത്താവ്: പരേതനായ ആന്റണി പണിക്കവീട്ടിൽ. മക്കൾ: നെൽസൺ, ഗീത, ടിസി, വില്യംസ്, മിനി. മരുമക്കൾ: മേഴ്‌സി പണിക്കവീട്, രാജു ചാരങ്ങാട്ട്, ജെയിംസ് പുത്തൻപുരയ്ക്കൽ, സിന്ധി പണിക്കവീട്, ബാബു കക്കാടൻ.സംസ്കാരം ശനിയാഴ്ച ഉച്ചയ്ക്ക് 12-ന് ഹുളിമാവ് സാന്തോം പള്ളിയിലെ ശുശ്രൂഷയ്ക്കുശേഷം ഹൊസൂർ- അഡുഗൊഡി റോഡ് സേക്രഡ്‌ ഹാർട്ട് സെമിത്തേരിയിൽ.

Jun 04, 2022


തങ്കമ്മ നായർ

മുംബൈ: വഡാല ഭക്തിപാർക്ക് ബൊളീവിയൻ ആൽപ്‌സ് ഹൗസിങ് സൊസൈറ്റിയിൽ താമസിക്കുന്ന തങ്കമ്മ നായർ (87) അന്തരിച്ചു. തൃശ്ശൂർ പൂങ്കുന്നം അമ്പക്കാട്ട് വീട്ടിൽ കുടുംബാംഗമാണ്. ഭർത്താവ്: പരേതനായ രാമദാസ് നായർ. മക്കൾ: അംബിക, വിമല, ഗിരിജ, ശോഭന, ലത, പുഷ്പരാജൻ.

Jun 04, 2022


രാമസുബ്രമണ്യ ശർമ

അൽഐൻ : കൊല്ലം പൂന്തൽ നഗർ കച്ചേരി വാർഡിൽ രാമസുബ്രമണ്യ ശർമ (87) അന്തരിച്ചു. ഭാര്യ: മീനാക്ഷി അമ്മാൾ. മക്കൾ: ഉമാ വെങ്കിടേഷ് (ബെംഗളൂരു), രാമശർമ (അൽ ഐൻ). സംസ്കാരം അൽഐൻ അൽ ഫോഹ ശ്മശാനത്തിൽ.

Jun 04, 2022


രാമ സുബ്രമണ്യ ശർമ

അൽഐൻ : കൊല്ലം പൂന്തൽ നഗർ കച്ചേരി വാർഡിൽ രാമ സുബ്രമണ്യ ശർമ (87) അന്തരിച്ചു. മക്കൾ: ഉമാ വെങ്കിടേഷ് (ബെംഗളൂരു), രാമശർമ (അൽ ഐൻ). സംസ്കാരം അൽഐൻ അൽ ഫോഹ ശ്മശാനത്തിൽ.

Jun 04, 2022


പി.പി. ഉമ്മർ

ബെംഗളൂരു: മലപ്പുറം നെടിയിരുപ്പ് ചിറയിൽ മട്ടിൽ പി.പി. ഉമ്മർ (53) ബെംഗളൂരുവിൽ അന്തരിച്ചു. മജെസ്റ്റിക്കിലായിരുന്നു താമസം. റിയൽഎസ്റ്റേറ്റ് വ്യവസായിയായ ഉമ്മർ കഴിഞ്ഞ തിങ്കളാഴ്ചയാണ് ബെംഗളൂരുവിലെത്തിയത്. പിതാവ്: കുഞ്ഞിക്കോയ. ഭാര്യ: ഖദീജ. മക്കൾ: ഷാജഹാൻ, ഉനൈസ്, അക്ബർ, ഇർഫാന, ജംഷീന. മരുമക്കൾ: നൗഷാദ്, മൂസ്സക്കുട്ടി, റജുല. ഓൾ ഇന്ത്യ കെ.എം.സി.സി. മജെസ്റ്റിക്ക് ഏരിയാകമ്മിറ്റിയുടെ നേതൃത്വത്തിൽ മൃതദേഹം നാട്ടിലേക്ക് കൊണ്ടുപോയി.

Jun 03, 2022


കെ.സി. ഈപ്പൻ

മൈസൂരു: ഡി.ആർ.ഡി.ഒ. റിട്ട. ഡെപ്യൂട്ടി ചീഫ് സയന്റിസ്റ്റ് ഓഫീസർ മൈസൂരു ജയലക്ഷ്മിപുരം കുറ്റിക്കണ്ടത്തിൽ കെ.സി. ഈപ്പൻ (88) അന്തരിച്ചു. ഭാര്യ: റെയ്ച്ചൽ ഈപ്പൻ. മകൻ: ജേക്കബ് ഈപ്പൻ(പ്രശാന്ത്). മരുമകൾ: അഞ്ജു. സംസ്കാരം വെള്ളിയാഴ്ച രാവിലെ 10.30-ന് മൈസൂരു സെയ്ന്റ് ഗ്രിഗോറിയസ് ഓർത്തഡോക്സ് സിറിയൻ പള്ളി സെമിത്തേരിയിൽ.

Jun 03, 2022


നാരായണൻ നമ്പ്യാർ

ചെന്നൈ: കണ്ണൂർ മീനങ്ങാട് എം. നാരായണൻ നമ്പ്യാർ(95) ചെന്നൈയിൽ അന്തരിച്ചു. ഭാര്യ: ഐ.വി.പി. മീനാക്ഷി. മക്കൾ: എൻ. രാമകൃഷ്ണൻ, എൻ. രാജലക്ഷ്മി, എൻ. ഗീതാ നമ്പ്യാർ. മരുമക്കൾ: ജി.കെ. ഉഷ, പ്രകാശ്, കെ. രമേഷ്‌കുമാർ.

Jun 02, 2022


സൗദിയിൽ വാഹനാപകടത്തിൽ കൊയിലാണ്ടി സ്വദേശി മരിച്ചു

അൽഹസ: സൗദി അറേബ്യ അൽഹസയിലുണ്ടായ വാഹനാപകടത്തിൽ കോഴിക്കോട് കൊയിലാണ്ടി സ്വദേശി ആനവാതിൽക്കൽ നജീബ് (32) മരിച്ചു. വാഹനത്തിലുണ്ടായിരുന്ന ഈജിപ്ഷ്യൻ സ്വദേശികളും മരിച്ചതായാണ് വിവരം. ഡ്രൈവറായി ജോലി ചെയ്തുവരുകയായിരുന്നു. ബുധനാഴ്ച രാവിലെ 10 മണിയോടെ നജീബ് വിമാനത്താവളത്തിൽനിന്ന്‌ ഈജിപ്തുകാരുമായി അൽഹസയിലേക്ക് പോകവേയാണ് അപകടം. പിതാവ്: മുഹമ്മദ്. മാതാവ്: പാത്തുമ്മ. ഭാര്യ: ഹസ്‌ന. മകൻ: മുഹമ്മദ് ഹാദി. സഹോദരങ്ങൾ: നൗഫൽ, നജില, നഫ്‌ല.

Jun 02, 2022


രഞ്ജിത് നായർ

പുണെ: വിശ്രാന്തവാടി ദനോരി റോഡ് ഗോകുൽ നഗറിൽ ഗുഡ്‌വിൽ സമൃദ്ധി എ 12 ലെരഞ്ജിത്‌ നായർ (34) അന്തരിച്ചു. അച്ഛൻ: പരേതനായ രാധാകൃഷ്ണൻ നായർ. അമ്മ: ലില്ലി നായർ.

Jun 01, 2022


ഇന്ദിര

മുംബൈ: ഡോംബിവ്‌ലി ഈസ്റ്റ് സുനിൽ നഗർ സർവോദയ സൃഷ്ടി ഹൗസിങ് സൊസൈറ്റി നിവാസി ഗോപിനാഥൻ നായരുടെ ഭാര്യ ഇന്ദിര (69) അന്തരിച്ചു. ആലപ്പുഴ പരവൂർ വെളുത്തേരിൽ പുത്തൻവീട്ടിൽ കുടുംബാംഗമാണ്. മക്കൾ: ശ്രീജനി, ശ്രീഹരി. മരുമക്കൾ: രവി നായർ, ഐശ്വര്യ.

May 31, 2022


പാസ്റ്റർ യശ്വന്ത് കുമാർ

ബെംഗളൂരു: സുവിശേഷകനും കൺവെൻഷൻ പ്രാസംഗികനും ഷെക്കേയ്‌ന ഹൗസ് ഓഫ് പ്രയർ ആൻഡ് പ്രെയ്‌സ് സീനിയർ പാസ്റ്ററുമായ യശ്വന്ത് കുമാർ (70) ബെംഗളൂരുവിൽ അന്തരിച്ചു. ഭാര്യ: ശലോമി.മക്കൾ: ഏലിശ ഗ്ലാഡ്സൺ, സാമുവേൽ ഓൾസൺ.മരുമക്കൾ: ഷാരോൺ, ജാക്വിലിൻ.

May 29, 2022


കൊച്ചമ്മിണിയമ്മ

മുംബൈ: അംബർനാഥ് ഈസ്റ്റിലെ വടവലി സെക്ഷനിലെ ജയ്‌ലക്ഷ്മി കാന്ത് കോ-ഓപ്പറേറ്റിവ് ഹൗസിങ് സൊസൈറ്റിയിലെ കൊച്ചമ്മിണിയമ്മ(92) അന്തരിച്ചു. തൃശ്ശൂർ അയ്യന്തോൾ മരുതൂർ ചാത്തിയത്ത് കുടുംബാംഗമാണ്. ഭർത്താവ്: പരേതനായ ഇരിങ്ങാലക്കുട ഇടക്കാട്ടിൽ കേശവമേനോൻ. മകൾ: ജയന്തി. മരുമകൻ: ഹരിദാസ്‌.

May 28, 2022


ലീലാമ്മ റാഫേൽ

മുംബൈ: പുനലൂർ കുതിരചിറയിൽ അനിൽഭവൻവീട്ടിൽ ലീലാമ്മ റാഫേൽ (80) മുംബൈയിൽ മീരാറോഡിൽ അന്തരിച്ചു. ഭർത്താവ്: പരേതനായ കെ.ആർ. റാഫേൽ. മക്കൾ: റോസ്‌ലിൻ മാത്യു, ജോസഫ്‌ റാഫേൽ, ജാക്‌സൺ റാഫേൽ, ജോൺസൺ റാഫേൽ. മരുമക്കൾ: മാത്തുക്കുട്ടി, മിനി ജോൺസൺ, ലാലി ജോസഫ്, ജോളി ജാക്‌സൺ. സംസ്കാരം വ്യാഴാഴ്ച രാവിലെ 11-ന് പുനലൂർ സെയ്ന്റ് മേരീസ് കത്തീഡ്രലിൽ.

May 26, 2022


ലാലി ചാണ്ടി

ന്യൂഡൽഹി : ചെങ്ങന്നൂർ കൊഴുവല്ലൂർ കൈപ്പട്ടൂർ ലാലി ചാണ്ടി (64) മയൂർ വിഹാർ ഫേസ് മൂന്നിലെ വസതിയിൽ അന്തരിച്ചു. ഭർത്താവ്: കീരിക്കാട്ടു കിഴക്കേതിൽ കെ.എം. ചാണ്ടി (മോൻസി). മക്കൾ: നിതിൻ ചാണ്ടി, ബിപിൻ ചാണ്ടി. മരുമക്കൾ: ലിൻസി നിതിൻ, സുസന്ന ബിപിൻ. സംസ്കാരം വ്യാഴാഴ്ച രാവിലെ എട്ടിന് വീട്ടിലെയും പത്തിന് മയൂർ വിഹാർ എക്സ്റ്റൻഷനിലെ സി.എൻ.ഐ. ഇമ്മാനുവേൽ ദേവാലയത്തിലെയും ശുശ്രൂഷകൾക്കുശേഷം ഉച്ചകഴിഞ്ഞ് 2.30-ന് ബുറാഡി ക്രിസ്ത്യൻ സെമിത്തേരിയിൽ.

May 25, 2022


പി. ജയചന്ദ്രൻ

ന്യൂഡൽഹി : കൊല്ലം പുനലൂർ ശിവവിലാസം വീട്ടിൽ പി. ജയചന്ദ്രൻ (45) നംഗൽ റായയിലെ വസതിയിൽ അന്തരിച്ചു. പരേതരായ പൊന്നുസ്വാമിയുടെയും ശാന്തമ്മയുടെയും മകനാണ്. ഭാര്യ: രജിത (വികാസ്‌പുരി കേരള സ്കൂൾ, അധ്യാപിക). മക്കൾ: ആദിത്യ, അദ്വൈത്.

May 25, 2022


പി.ടി. തോമസ്

ബെംഗളൂരു: പത്തനംതിട്ട പെരുമ്പെട്ടിൽ പുതുശ്ശേരിമണ്ണിൽ മേപ്രത്ത് പി.ടി. തോമസ് (തങ്കച്ചൻ- 83) ബെംഗളൂരുവിൽ അന്തരിച്ചു. ടി. ദാസറഹള്ളിയിലായിരുന്നു താമസം. ബി.എഫ്.ഡബ്ല്യു. മുൻ ജീവനക്കാരനാണ്. ഭാര്യ: പരേതയായ റേച്ചൽ തോമസ് (ചിന്നമ്മ). മക്കൾ: ഷേർളി തോമസ്, ഷൈല ഷാജി, എലിസബത്ത് വിൽഫ്രഡ്, ആനി സലിൻ. മരുമക്കൾ: എം.എ. തോമസ്, ഷാജി, വിൽഫ്രഡ്, സലിൻ. സംസ്കാരം ബുധനാഴ്ച രാവിലെ പത്തിന് ഭവനത്തിലെ ശുശ്രൂഷകൾക്കുശേഷം ജാലഹള്ളി എബനേസർ മാർത്തോമാ പള്ളിയിൽ.

May 25, 2022


വൈ.എ. സമദ്

ഷാർജ: കൊല്ലം മൈനാഗപ്പള്ളി പഞ്ചായത്ത് മുൻ പ്രസിഡന്റും ബ്ലോക്ക് കോൺഗ്രസ് മുൻ പ്രസിഡന്റുമായ വൈ.എ. സമദ് (66) അന്തരിച്ചു. ഭാര്യ: ആരിഫാ ബീവി. മക്കൾ: ഷംനാദ്, നിസ. പരേതനായ യൂനിസ് കുഞ്ഞിന്റെയും അസ്മ ബീവിയുടെയും മകനാണ്. സഹോദരങ്ങൾ : അഡ്വ. വൈ.എ. റഹീം (ഷാർജ ഇന്ത്യൻ അസോസിയേഷൻ പ്രസിഡന്റ്), മുഹമ്മദ് കുഞ്ഞി, ഇസ്മായിൽ, ഷാജഹാൻ. സമദിന്റെ നിര്യാണത്തിൽ ഇൻകാസ് യു.എ.ഇ. കമ്മിറ്റി അനുശോചിച്ചു.

May 25, 2022


സി.പി. സീതാലക്ഷ്മി

ബെംഗളൂരു: പട്ടാമ്പി ചൊട്ടത്തു പുത്തൻവീട്ടിൽ സീതാലക്ഷ്മി (80) ബെംഗളൂരുവിൽ അന്തരിച്ചു. ഭർത്താവ് പരേതനായ തേങ്കുറുശ്ശി വടക്കേപ്പാട്ട് നാരായണമേനോൻ. മക്കൾ: ഡോ. മാധവൻ (പ്രൊഫസർ മെഡിക്കൽ കോളേജ് തിരുവനന്തപുരം), പരേതനായ മുരളീധരൻ, മാലതി, മഹേഷ്. മരുമക്കൾ: ഡോ. കലാവതി, വിജയശ്രീ, മധുസൂദനൻ, രജനി.

May 24, 2022


ഗോകുൽ കൃഷ്ണൻ

ന്യൂഡൽഹി: പാലക്കാട് ഒലവക്കോട് പുതുപ്പരിയാരം ഉണ്ണി സദനത്തിൽ പരേതനായ പി. ഉണ്ണിക്കൃഷ്ണന്റെയും രുക്‌മിണിയുടെയും മകൻ ഗോകുൽ കൃഷ്ണൻ (ബിജു-49) മയൂർ വിഹാർ ഫെയ്‌സ് രണ്ടിലെ വസതിയിൽ അന്തരിച്ചു. ഭാര്യ: ശ്രീപ്രിയ. മക്കൾ: അഭിനന്ദ്, അദ്വൈത്. സംസ്കാരം തിങ്കളാഴ്ച തിരുവില്വാമല ഐവർമഠത്തിൽ.

May 23, 2022


മഹാരാഷ്ട്രയിൽ ഡീസൽടാങ്കറും ട്രക്കും കൂട്ടിയിടിച്ച് തീപിടിച്ച് ഒമ്പതുപേർ വെന്തുമരിച്ചു

മുംബൈ: മഹാരാഷ്ട്രയിലെ ചന്ദ്രപുരിൽ ഡീസൽടാങ്കറും ട്രക്കും കൂട്ടിയിടിച്ചതിനെത്തുടർന്നുണ്ടായ തീപ്പിടിത്തത്തിൽ ഒമ്പതുപേർ വെന്തുമരിച്ചു. ചന്ദ്രപുർ-മുൽ റോഡിൽ വ്യാഴാഴ്ച രാത്രി 10.30-ഓടെയായിരുന്നു അപകടം. ട്രക്കിൽ സഞ്ചരിച്ചിരുന്ന ബല്ലാർപുർ സ്വദേശി അജയ് ദോൻഗ്രേ (30), ന്യൂഡൽഹി സ്വദേശികളായ പ്രശാന്ത് നഗ്രാലെ (33), മംഗേഷ് ടിപ്പ്‌ലെ (30), ഭയ്യലാൽ പർചകെ (24), ബാലകൃഷ്ണ തെലംഗ് (57), സന്തോഷ് കൊഡപ് (40), കോത്താരി സ്വദേശി സന്ദീപ് അത്രം (22), ടാങ്കർഡ്രൈവർ അമരാവതി സ്വദേശി ഹഫീസ് ഖാൻ, ക്ലീനർ വാർധസ്വദേശി സഞ്ജയ് പാട്ടീൽ എന്നിവരാണ് മരിച്ചതെന്ന് പോലീസ് അറിയിച്ചു. വിറകുമായി പോകുകയായിരുന്ന ട്രക്കും ഡീസലുമായി വന്ന ടാങ്കറും തമ്മിലാണ് കൂട്ടിയിടിച്ചതെന്ന് പോലീസ് പറഞ്ഞു. അഗ്നിരക്ഷാസേനയെത്തി തീയണച്ചു. വനത്തിനുള്ളിലേക്ക് തീപടരുംമുമ്പ് അണയ്ക്കാനായതിനാൽ വൻദുരന്തം ഒഴിവായി. മണിക്കൂറുകളോളം ഗതാഗതതടസ്സം നേരിട്ടു. ഒമ്പതുപേരും സംഭവസ്ഥലത്ത് മരിച്ചതായി പോലീസ് അറിയിച്ചു.

May 21, 2022


ചന്ദ്രിക

ബെംഗളൂരു: വടകര താഴത്തെമഠം വാരിയം ടി.എം. ചന്ദ്രിക (80) ബെംഗളൂരുവിൽ അന്തരിച്ചു. ബെംഗളൂരു മാരത്തഹള്ളിയിലെ വാസ ലേഔട്ടിലെ വീട്ടിലായിരുന്നു താമസം. ഭർത്താവ് പരേതനായ വി. രാജൻ (ബെംഗളൂരു വാരിയർ സമാജം മുൻ പ്രസിഡന്റ്). മക്കൾ: ടി.എം. ജയചന്ദ്രൻ (എക്സിക്യുട്ടീവ് അംഗം, വാരിയർ സമാജം ബെംഗളൂരു), ടി.എം. ജലജ. മരുമക്കൾ: പി.എസ്. ശ്രീജ, പരേതനായ കൃഷ്ണകുമാർ. സംസ്കാരം ശനിയാഴ്ച രാവിലെ 10-ന് പാണത്തൂർ ശ്മശാനത്തിൽ.

May 21, 2022


കന്നഡ സാഹിത്യവിമർശകൻ ഡി.എസ്. നാഗഭൂഷൺ അന്തരിച്ചു

ബെംഗളൂരു: കന്നഡ സാഹിത്യവിമർശകനും കേന്ദ്രസാഹിത്യ അക്കാദമി പുരസ്കാരജേതാവുമായ ഡി.എസ്. നാഗഭൂഷൺ (70) അന്തരിച്ചു. ശിവമോഗ കല്ലഹള്ളിയിലെ വസതിയിൽ വ്യാഴാഴ്ച പുലർച്ചെയായിരുന്നു അന്ത്യം. മഹാത്മാഗാന്ധിയുടെ ജീവചരിത്രമായ ‘ഗാന്ധി കഥന’ എന്ന പുസ്തകത്തിന് 2021-ലാണ് കേന്ദ്രസാഹിത്യ അക്കാദമി പുരസ്കാരം ലഭിച്ചത്. ‘ഇന്ദിഗെ ബെകാഡ ഗാന്ധി’ ‘കുവെംപു പുനരന്വേഷണെ’, ‘ലൊഹിയ ജൊതെയല്ലി’ തുടങ്ങിയവയാണ് ഇദ്ദേഹത്തിന്റെ പ്രധാന കൃതികൾ.നാഗഭൂഷണിന്റെ വിയോഗത്തിൽ പ്രതിപക്ഷ നേതാവ് സിദ്ധരാമയ്യ, കെ.പി.സി.സി. പ്രസിഡന്റ് ഡി.കെ. ശിവകുമാർ തുടങ്ങിയ നേതാക്കളും കന്നഡ സാഹിത്യരംഗത്തെ ഒട്ടേറെ പേരും അനുശോചിച്ചു. ഭാര്യ: സവിത നാഗഭൂഷൺ. സംസ്കാരം വിദ്യാനഗർ റോട്ടറി ശ്മശാനത്തിൽ നടന്നു.

May 20, 2022


അന്നമ്മ പിള്ള

ബെംഗളൂരു: ചെങ്ങന്നൂർ പെണ്ണുക്കര കല്ലുംപാട്ട് അന്നമ്മ പിള്ള (94) ബെംഗളൂരുവിൽ അന്തരിച്ചു. സെയ്ന്റ് തോമസ് ടൗണിലായിരുന്നു താമസം. ഭർത്താവ്: പരേതനായ പി.എസ്. പിള്ള. മക്കൾ: പാസ്റ്റർ ചെറിയാൻ പിള്ള, ജേക്കബ് പിള്ള (ഇരുവരും യു.എസ്.), അന്നമ്മ തോമസ് (ബെംഗളൂരു). മരുമക്കൾ: റെയ്ച്ചൽ ചെറിയാൻ, ബണ്ണി ജേക്കബ് (ഇരുവരും യു.എസ്.എ.), പ്രസാദ് തോമസ് (ബെംഗളൂരു). സംസ്കാരം വെള്ളിയാഴ്ച രാവിലെ ഒമ്പതിന് ലിംഗരാജപുരം ഹെബ്രോൺ എ.ജി. സഭയുടെ നേതൃത്വത്തിൽ ഭവനത്തിലെ ശുശ്രൂഷകൾക്കുശേഷം ഹൊസൂർ റോഡ് സെമിത്തേരിയിൽ.

May 20, 2022


ശാന്തമ്മ നായർ

മുംബൈ: പത്തനംതിട്ട കൂടൽ കൊല്ലിയാനിക്കോട് അനിതാ ഭവനിൽ ശാന്തമ്മ നായർ (65) വിരാർ വെസ്റ്റ് ഗോകുൽ ടൗൺഷിപ്പ് ഗോകുൽ സമർപ്പൺ C-202-ൽ അന്തരിച്ചു. ഭർത്താവ്: പരേതനായ ദാമോദരൻ നായർ. മകൾ: അനിത നായർ. മരുമകൻ: ശശിധരൻ നായർ.

May 20, 2022


ഇ. ചന്ദ്രശേഖര മേനോൻ

ആലപ്പുഴ: ഭാഗവതാചാര്യൻ ആലപ്പുഴ തിരുവിഴ തുരുത്തുമ്മേൽ വീട്ടിൽ ഇ. ചന്ദ്രശേഖര മേനോൻ (73) അന്തരിച്ചു. ഭാര്യ: വത്സല. മക്കൾ: ഹരിശങ്കർ (സി. ആൻഡ് എഫ്. കൊച്ചി), കൃഷ്ണചന്ദ്രൻ (എസ്.ബി.ഐ. വൈറ്റില). മരുമക്കൾ: അശ്വതി, വീണ.

May 19, 2022


ജെസ്‌ന

ജിദ്ദ: മലയാളി നഴ്സ് ജിദ്ദയിൽ അന്തരിച്ചു. ജിദ്ദ കിങ് അബ്ദുൽ അസീസ് ആശുപത്രിയിലെ സ്റ്റാഫ് നഴ്സായ എറണാകുളം സ്വദേശി ജെസ്നയാണ് മരിച്ചത്. ഭർത്താവ്: മാഹിൻ. മൂന്നുമാസം പ്രായമുള്ള കുട്ടിയടക്കം മൂന്ന് മക്കളുണ്ട്. നേരത്തേ എറണാകുളം അമൃത ആശുപത്രിയിലും നഴ്സായി സേവനമനുഷ്ഠിച്ചിട്ടുണ്ട്. ജെസ്നയുടെ നിര്യാണത്തിൽ യുണൈറ്റഡ് നഴ്‌സസ് അസോസിയേഷൻ (യു.എൻ.എ.) അനുശോചനം രേഖപ്പെടുത്തി.

May 18, 2022


കന്നഡ സിനിമാനിർമാതാവ് ബൈക്കിടിച്ച് മരിച്ചു

ബെംഗളൂരു: കന്നഡ സിനിമാനിർമാതാവ് ആനെക്കൽ ബൽരാജ് (64) ബൈക്കിടിച്ച് മരിച്ചു. ജെ.പി. നഗർ ഏഴാംഫേസിലെ വസതിക്കുസമീപത്തുകൂടി നടക്കുന്നതിനിടെ ബൈക്ക് ഇടിച്ചുതെറിപ്പിക്കുകയായിരുന്നു. നടപ്പാതയിലെ സിമന്റ് സ്ലാബിലേക്കാണ് ബൽരാജ് വീണത്. തലയ്ക്ക് ഗുരുതരമായി പരിക്കേറ്റതിനെത്തുടർന്ന് സമീപത്തെ ആശുപത്രിയിൽ പ്രവേശിപ്പിച്ചെങ്കിലും മരിച്ചു. ‘കരിയ’, ‘ഗണപ’, ‘ബർക്ക്‌ലീ’ തുടങ്ങിയ നിരവധിസിനിമകൾ നിർമിച്ചിട്ടുണ്ട്.

May 17, 2022


ക്ഷേത്രത്തിലെ രഥത്തിന്നടിയിൽപ്പെട്ട് യുവാവ് മരിച്ചു

മൈസൂരു: ക്ഷേത്രത്തിലെ രഥോത്സവത്തിനിടെ രഥത്തിന്റെ ചക്രത്തിനടിയിൽപ്പെട്ട് യുവാവ് മരിച്ചു. മറ്റു രണ്ടുപേർക്ക് പരിക്കേറ്റു. ചാമരാജനഗർ ജില്ലയിലെ ഗുണ്ടൽപ്പേട്ടിലെ പാർവതി ബെട്ടയിൽ ഞായറാഴ്ചയാണ് അപകടം. കണ്ടഗേലഗ്രാമനിവാസി സർപ്പഭൂഷൺ (27) ആണ് മരിച്ചത്. കാടസോഗഗ്രാമനിവാസികളായ കരിനായക (50), കെ. സ്വാമി (35) എന്നിവർക്കാണ് പരിക്കേറ്റത്. നൂറുകണക്കിനു വിശ്വാസികൾ ചേർന്ന് രഥം വലിക്കുന്നതിനിടെയാണ് അപകടം. രഥത്തിന്റെ അടിയിലേക്കുവീണ സർപ്പഭൂഷണിന്റെ ശരീരത്തിലൂടെ ചക്രം കയറിയിറങ്ങുകയായിരുന്നു. ഗുരുതരമായി പരിക്കേറ്റ ഇയാൾ സംഭവസ്ഥലത്തുതന്നെ മരിച്ചു. പരിക്കേറ്റ മറ്റുള്ളവർക്ക് ഗുണ്ടൽപ്പേട്ടിലെ ആശുപത്രിയിൽ പ്രാഥമികശുശ്രൂഷ നൽകിയശേഷം വിദഗ്ധ ചികിത്സയ്ക്കായി മൈസൂരുവിലേക്ക് മാറ്റി.

May 16, 2022


വരംബൻ കല്ലൻ ഇബ്രാഹിം

ജിദ്ദ: മലപ്പുറം ചുങ്കത്തറ പള്ളിക്കുത്ത് സ്വദേശി വരംബൻ കല്ലൻ ഇബ്രാഹിം (54) ജിദ്ദയിലെ താമസസ്ഥലത്ത് അന്തരിച്ചു. മൃതദേഹം സംസ്കരിക്കുന്നതടക്കമുള്ള നിയമനടപടികൾ നടത്തിവരുന്നതായി ജിദ്ദ കെ.എം.സി.സി. വെൽഫെയർ അറിയിച്ചു.

May 16, 2022


കെ. അച്യുതൻ

ചെന്നൈ: വടകര കൊട്ടൻചേരി പുറമേരി കൂനാടത്തിൽ വീട്ടിൽ അച്യുതൻ (85) ചെന്നൈയിലെ വീട്ടിൽ അന്തരിച്ചു. ഭാര്യ: കല്യാണി. മക്കൾ: എ. രാമചന്ദ്രൻ, എ. ശശിധരൻ. മരുമക്കൾ: ആർ. പ്രസീന, പരേതയായ എസ്. അനിത. ചൂളൈമേട് മലയാളിസമാജത്തിന്റെ സ്ഥാപക നേതാവും മുൻ പ്രസിഡന്റുമാണ്. സംസ്കാരം തിങ്കളാഴ്ച വൈകീട്ട് 4.30-ന് ആദംപാക്കം എൻ.എസ്.കെ. നഗർ ശ്മശാനത്തിൽ.

May 16, 2022


ജി.ടി. ദേവഗൗഡയുടെ ചെറുമകൾ അന്തരിച്ചു

മൈസൂരു: ചാമുണ്ഡേശ്വരി എം.എൽ.എ. ജി.ടി. ദേവഗൗഡയുടെ ചെറുമകളും മൈസൂരു ചാമരാജനഗർ സഹകരണ ബാങ്ക് പ്രസിഡന്റ് ജി.ഡി. ഹരീഷ് ഗൗഡയുടെ മകളുമായ ഗൗരി (മൂന്ന്) അന്തരിച്ചു. അസുഖത്തെത്തുടർന്ന് ബെംഗളൂരു നാരായണ ഹൃദയാലയയിൽ ചികിത്സയിലായിരുന്നു. രോഗം ഭേദമായി വരുന്നതിനിടെ ശനിയാഴ്ച വൈകീട്ട് ആരോഗ്യനില പെട്ടെന്ന് വഷളാകുകയും ഞായറാഴ്ച 12.30-ന് മരിക്കുകയുമായിരുന്നു. മൈസൂരുവിലെത്തിച്ച് ദേവഗൗഡയുടെ വസതിയിൽ പൊതുദർശനത്തിനുവെച്ച മൃതദേഹം പിന്നീട് കുടുംബഫാംഹൗസിൽ സംസ്കരിച്ചു.

May 16, 2022


ഹോക്കി മുൻ അമ്പയർ കെ. സുകുമാരൻ

ബെംഗളൂരു: അന്താരാഷ്ട്ര ഹോക്കി മുൻ അമ്പയർ പാലക്കാട് കൊല്ലങ്കോട് കിഴക്കേവീട്ടിൽ കെ. സുകുമാരൻ (87) ബെംഗളൂരുവിൽ അന്തരിച്ചു. നാഗവാരയിലായിരുന്നു താമസം. 1979-ലാണ് അന്താരാഷ്ട്ര ഹോക്കി അമ്പയറായത്. സി.ക്യു.എ.എൽ. ഉദ്യോഗസ്ഥനായിരുന്നു. ഭാര്യ: പരേതയായ ബേബി സുകുമാരൻ. മക്കൾ: വൽസൻ, പ്രശാന്ത്. മരുമക്കൾ: വിനീത, പ്രവീണ.

May 16, 2022


പവിത്രൻ

ബെംഗളൂരു: തലശ്ശേരി കൂത്തുപറമ്പ് സരോജ് ഭവനത്തിൽ പി. പവിത്രൻ (65) ബെംഗളൂരു ഷെട്ടിഹള്ളി വൃന്ദാവൻ ലേഔട്ടിൽ അന്തരിച്ചു. പീനിയയിൽ ക്വാളിറ്റി റബ്ബർ പ്രൊഡക്ട്‌സ് എന്ന സ്ഥാപനം നടത്തിവരികയായിരുന്നു. ഷെട്ടിഹള്ളി അയ്യപ്പസേവാസംഘത്തിന്റെ രക്ഷാധികാരിയാണ്. ഭാര്യ: കൂത്തുപറമ്പ് ഇല്ലത്ത്‌വീട്ടിൽ ലീന.മകൾ: സ്നേഹ.മരുമകൻ: ശരത്. പിതാവ്: പരേതനായ ഒതേനൻ. മാതാവ്: സരോജിനി.

May 16, 2022


ഓമനക്കുട്ടൻ

ന്യൂഡൽഹി: പത്തനംതിട്ട പുല്ലപ്പുറം തടത്തിൽ ഓമനക്കുട്ടൻ (49) മുനിർക്കയിലെ വസതിയിൽ അന്തരിച്ചു. ഭാര്യ: ബിന്ദു. മകൾ: അനഘ.

May 15, 2022


fuഛായാഗ്രാഹകൻ കുമുദ് ധരംസിങ് വർമ അന്തരിച്ചു

മുംബൈ: ഛായാഗ്രാഹകനായ കുമുദ് ധരംസിങ് വർമ (60) അന്തരിച്ചു. ഹിന്ദി ചിത്രങ്ങളായ ‘കഭി ഖുശി കഭി ഗം’, ‘അക്ഷ്’ എന്നീചിത്രങ്ങളുടെ ഛായാഗ്രാഹകനും ‘ദേവദാസ്’ എന്ന ചിത്രത്തിലെ സഹഛായാഗ്രാഹകനുമായിരുന്നു. മുപ്പതിലധികം ബംഗാളിചിത്രങ്ങൾക്കുവേണ്ടി ഛായാഗ്രഹണം നിർവഹിച്ചിട്ടുണ്ട്. ഹരിയാണ ഹിസാർ സ്വദേശിയാണ്. എഴുത്തുകാരിയും ബാന്ദ്ര മലയാളി സമാജം അധ്യക്ഷയുമായ വടകര സ്വദേശിനി ഇന്ദിരാ കുമുദാണ് ഭാര്യ. മക്കൾ: കിഞ്ചൽ വർമ (ഫാഷൻ ഡിസൈനർ), ഇഷാൻ വർമ (ആനിമേറ്റർ).

May 14, 2022


പി.എം. തോമസ്

മൈസൂരു: നഞ്ചൻകോട് മാക്സ് ഫാർമ മുൻ ഫിനാൻസ് മാനേജർ, കൊല്ലം കൊട്ടാരക്കര വാളകം കളിയിലഴിയത്ത് പി.എം. തോമസ് (69) മൈസൂരു രാമകൃഷ്ണനഗറിലുള്ള വീട്ടിൽ അന്തരിച്ചു. ഭാര്യ: ലിസി. മക്കൾ: ആഷ്‌ലി, ആശിഷ്. മരുമക്കൾ: ബിജു, സിനി. സംസ്കാരം ശനിയാഴ്ച രാവിലെ 10-ന് മൈസൂരു മഹാദേവപുര റോഡിലുള്ള സെയ്ന്റ് മേരീസ് മലങ്കര കത്തോലിക്കാ പള്ളി സെമിത്തേരിയിൽ.

May 14, 2022


എൻ. ബാബു

ബെംഗളൂരു: കൊല്ലം പാരിപ്പള്ളി പാംപുരം മാങ്കൂട്ടത്തിൽ വീട്ടിൽ എൻ. ബാബു (64) ബെംഗളൂരുവിൽ അന്തരിച്ചു. രാംപുരയിലായിരുന്നു താമസം. ഭാര്യ: ബിന്ദു. മകൾ: രേവതി. സംസ്കാരം ശനിയാഴ്ച ഉച്ചയ്ക്ക് 12-ന് കല്പള്ളി ശ്മശാനത്തിൽ.

May 14, 2022


കോപ്പർഖൈർണയിൽ മലയാളി യുവതി ജീവനൊടുക്കിയ നിലയിൽ

മുംബൈ: നവി മുംബൈയിൽ കോപ്പർഖൈർണയിൽ മലയാളിയുവതിയെ തൂങ്ങിമരിച്ച നിലയിൽ കണ്ടെത്തി. ഹോംനഴ്സായി ജോലിചെയ്തിരുന്ന ബേബി ബാബു(33)വാണ് മരിച്ചത്. കൂടെ താമസിച്ചിരുന്ന നഴ്സായ യുവതിയുമായുള്ള കലഹത്തെച്ചൊല്ലിയാണ് മരിച്ചതെന്ന് ആത്മഹത്യക്കുറിപ്പിൽ എഴുതിെവച്ചിട്ടുണ്ടെന്നാണ് പ്രാഥമിക വിവരം. രണ്ടു പേരും തൃശ്ശൂർ ചാലക്കുടി വെട്ടുകടവ് സ്വദേശികളാണ്. നഴ്സായ യുവതിയുമായി രണ്ടുദിവസം മുമ്പ് ബേബി വഴക്കിട്ടിരുന്നു. തുടർന്നുനടന്ന കൈയാങ്കളിയിൽ തലയ്ക്ക് പരിക്കേറ്റതിനെത്തുടർന്ന് നഴ്സായ യുവതി ഫോർട്ടിസ് ആശുപത്രിയിൽ ചികിത്സയിലാണ്. ഇക്കാര്യം ബേബിയെ അലോസരപ്പെടുത്തിയതാകാം മരണകാരണമെന്നാണ് പോലീസ് പറയുന്നത്. കൈതവളപ്പിൽ ബാബുവിന്റെ മകളാണ് ബേബി. കോപ്പർഖൈർണയിലെ ന്യൂ ബോംബെ കൾച്ചറൽ സെന്റർ ഭാരവാഹികളും മുംബൈയിലെ നോർക്ക ഡെവലപ്‌മെന്റ് ഓഫീസർ എസ്. ശ്യാംകുമാറും സംഭവസ്ഥലത്തെത്തി. മൃതദേഹം ബന്ധുക്കൾക്ക് കൈമാറി.

May 12, 2022


സ്‌നേഹലത

നവിമുംബൈ: ഖാർഘർ സെക്ടർ 13 ൽ സ്‌നേഹലത (54) അന്തരിച്ചു. തൃശ്ശൂർ ഏങ്ങണ്ടിയൂർ സ്വദേശിനിയാണ്.

May 12, 2022


സുധ ചക്രപാണി

ബെംഗളൂരു: കായംകുളം വേലിഞ്ചിറ പിച്ചനാട്ട് വടക്കേതിൽ സുധാ ചക്രപാണി (77) ബെംഗളൂരുവിൽ അന്തരിച്ചു. ബെംഗളൂരു വിജനപുര കാവേരി സ്ട്രീറ്റിലായിരുന്നു താമസം. ഭർത്താവ്: ചക്രപാണി. മകൻ: അഡ്വ. സുജിത് ചക്രപാണി (ദൂരവാണിനഗർ കേരളസമാജം മുൻ വൈസ് പ്രസിഡന്റ്). മരുമകൾ: ശ്രീജ. സംസ്കാരം വ്യാഴാഴ്ച ഉച്ചയ്ക്ക് 12-ന് കൽപ്പള്ളി വൈദ്യുതിശ്മശാനത്തിൽ.

May 12, 2022


സരോജിനി കൈമൾ

മുംബൈ: മാവേലിക്കര വെങ്ങാറ്റുമഠത്തിൽ സരോജിനി കൈമൾ (75) അന്തരിച്ചു. വെങ്ങാറ്റുമഠത്തിൽ നാരായണൻ പിള്ളയുടെയും ഗൗരിയമ്മയുടെയും മകളാണ്. താനെ വാഗളെ എസ്റ്റേറ്റ് ശ്രീനഗറിൽ ഓം ശ്രദ്ധാ ഹൗസിങ് സൊസൈറ്റി ബി 16-ലായിരുന്നു താമസം. ഭർത്താവ്: പരേതനായ ശിവരാമൻ കൈമൾ. മകൾ: ഷീലാചന്ദ്രൻ (അധ്യാപിക). മരുമകൻ: ചന്ദ്രൻ നായർ.

May 10, 2022


ഒരുകുടുംബത്തിലെ മൂന്നുകുട്ടികളടക്കം അഞ്ചുപേർ മുങ്ങിമരിച്ചു

ഡോംബിവിലി: ഒരുകുടുംബത്തിലെ രണ്ടുസ്ത്രീകളും മൂന്നുകുട്ടികളുമടക്കം അഞ്ചുപേർ കുളത്തിൽ മുങ്ങിമരിച്ചു. ഡോംബിവിലി ഈസ്റ്റിലെ നാന്ദിവിലി-ദേസ്ലേപാഡ പരിസരത്തെ സന്തപ് ഗ്രാമവാസികളായ അപേക്ഷ ഗൗരവ് ഗായക് വാഡ്, മീര സുരേഷ് ഗായക് വാഡ്, സിദ്ധേഷ് കൈലാസ് ഗായക് വാഡ്, മയൂരേഷ് മനീഷ് ഗായക് വാഡ്, മോക്ഷ മനീഷ് ഗായക് വാഡ് എന്നിവരാണ് മരിച്ചത്. ഇവർ ദേസ്ലേപാഡ ഗ്രാമത്തലവന്റെ കുടുംബാംഗങ്ങളാണെന്ന് ഡോംബിവിലി പോലീസ് അറിയിച്ചു. ശനിയാഴ്ച ഉച്ചയ്ക്ക് അടുത്തുള്ള കുളത്തിൽ തുണി അലക്കാനും കുളിക്കാനുമായി പോയതായിരുന്നു ഇവർ. ഇവർ തിരിച്ചെത്താത്തതിനെത്തുടർന്ന് ബന്ധുക്കൾ നൽകിയ പരാതിപ്രകാരം പോലീസും അഗ്നിരക്ഷാസേനയും കുളത്തിൽ തിരച്ചിൽ നടത്തി. വൈകുന്നേരത്തോടെയാണ് അഞ്ചുപേരുടെയും മൃതദേഹങ്ങൾ കണ്ടെത്തിയത്. യഥാർഥകാരണം അറിവായിട്ടില്ല. കൂട്ടത്തിലെ കുട്ടികളിലാരെങ്കിലും വെള്ളത്തിലകപ്പെട്ടപ്പോൾ രക്ഷപ്പെടുത്താനുള്ള ശ്രമത്തിൽ മറ്റുള്ളവരും മുങ്ങിയതായിരിക്കാമെന്ന നിഗമനത്തിലാണ് പോലീസ്.

May 09, 2022


പാസ്റ്റർ എ.സി. ദേവ അൻപ്

ബെംഗളൂരു: പെന്തെക്കോസ്ത് മിഷൻ ബെംഗളൂരു സെന്റർ ജാലഹള്ളി പ്രാദേശികസഭാ ശുശ്രൂഷകൻ പാസ്റ്റർ എ.സി. ദേവ അൻപ് (75) അന്തരിച്ചു. ബെംഗളൂരു ഇന്ദിരാഗനർ സ്വദേശിയാണ്. 38 വർഷമായി കർണാടകത്തിലെ വിവിധയിടങ്ങളിൽ സഭയുടെ ശുശ്രൂഷകനായിരുന്നു. സംസ്കാരം തിങ്കളാഴ്ച രാവിലെ ഒമ്പതിന് ഗധലഹള്ളി പെന്തെക്കോസ്ത് മിഷൻ സഭാഹാളിലെ ശുശ്രൂഷകൾക്ക് ശേഷം ഹെഗ്‌ഡെ നഗർ ക്രിസ്ത്യൻ സെമിത്തേരിയിൽ.

May 09, 2022


യശോദ

ചെന്നൈ: പാലക്കാട് എരുമയൂർ മാമല വീട്ടിൽ യശോദ (85) ചെന്നൈ അമ്പത്തൂരിലെ വസതിയിൽ അന്തരിച്ചു. ഭർത്താവ്‌: പരേതനായ കൃഷ്ണൻ നായർ. മക്കൾ: ജ്യോതികുമാർ, ഉദയകുമാർ, സുധ. മരുമക്കൾ: ജലജ, സുജാത, കേശവൻ.

May 09, 2022


മുഹിയുദ്ദീൻ

ജിസാൻ: തൃശ്ശൂർ ആറ്റൂർ സ്വദേശി ഓട്ടുപാറക്കൽ മുഹിയുദ്ദീൻ (58) സൗദിയിലെ ജിസാനിൽ അന്തരിച്ചു. ആറുവർഷമായി അബുഅരീശിൽ മൈദ കമ്പനിയിലായിരുന്നു ജോലി. പിതാവ്: പരേതനായ മൊയ്തീൻകുട്ടി. മാതാവ്: പരേതയായ നഫീസ. ഭാര്യയും മൂന്ന് കുട്ടികളുമുണ്ട്. സഹോദരൻ: മുസ്തഫ (അബുഅരീശ്). മൃതദേഹം അബുഅരീശ് ജനറൽ ആശുപത്രി മോർച്ചറിയിൽ സൂക്ഷിച്ചിരിക്കുകയാണ്.

May 07, 2022


വി.വി. കുഞ്ഞമ്പു മാരാർ

പുണെ: പുണെയിൽനിന്ന്‌ പ്രസിദ്ധീകരിക്കുന്ന ‘വാഗ്‌ദേവത’ മാസികയുടെ പത്രാധിപർ വേലായുധൻ പി.യുടെ അച്ഛൻ വി.വി. കുഞ്ഞമ്പു മാരാർ (91) അന്തരിച്ചു. കാസർകോട്‌ ജില്ലയിലെ നീലേശ്വരം കിഴക്കൻ കൊഴുവൽ സ്വദേശിയാണ്. ഭാര്യ: പാർവതി മാരാസ്യാർ. മക്കൾ: പത്മാവതി, ദാമോദരൻ, വേലായുധൻ, രമാദേവി, ഉമാ മഹേശ്വരി. മരുമക്കൾ: പരേതനായ രാഘവ മാരാർ, നിഷാ ദാമോദരൻ, സപ്നാ വേലായുധൻ, ബാലകൃഷ്ണ മാരാർ, നന്ദകുമാർ മാരാർ.

May 07, 2022


ഇമ്യൂണോ ഡെഫിഷൻസി ബാധിച്ച് ഒരു വയസ്സുകാരൻ മരിച്ചു

ബെംഗളൂരു: ഇമ്യൂണോ ഡെഫിഷൻസി ബാധിച്ച് ബെംഗളൂരുവിലെ സ്വകാര്യാശുപത്രിയിൽ ചികിത്സയിലായിരുന്ന ഒരു വയസ്സുകാരൻ മരിച്ചു. പാലക്കാട് പട്ടാമ്പി ഓങ്ങല്ലൂർ പുത്തൻപീടികയിൽ മുഹമ്മദ് ഫൈസലിന്റെ മകൻ മുഹമ്മദ് ഫൈസ് ആണ് മരിച്ചത്.നാൽപത് ലക്ഷത്തോളം രൂപ ചെലവുവരുന്ന ചികിത്സയ്ക്ക് പലരിൽ നിന്നായി പണം സ്വരൂപിച്ചെങ്കിലും ജീവൻ രക്ഷിക്കാനായില്ല. നാരായണ ഹൃദയാലയ ആശുപത്രിയിലായിരുന്നു ചികിത്സ. മാതാവ്: സഫീല. സഹോദരി: ഫാത്തിമാ ഫിൽഷ. എ.ഐ.കെ.എം.സി.സി. പ്രവർത്തകരുടെ നേതൃത്വത്തിൽ മൃതദേഹം നാട്ടിലെത്തിച്ച് സംസ്കരിച്ചു.

May 06, 2022


കെ. രാമചന്ദ്രൻ

ചെന്നൈ: വടകര മാണിയൂർ മുടുവന കയ്യാല വീട്ടിൽ കെ. രാമചന്ദ്രൻ (82) പുതുച്ചേരി മൂലകുളം ഡോ. രാധാകൃഷ്ണ നഗർ പത്താം ക്രോസ് എക്സ്റ്റൻഷൻ ഷെൻബാഗാ നഗറിലെ വീട്ടിൽ അന്തരിച്ചു. ഭാര്യ: ആർ. പത്മിനി. മക്കൾ: മണികണ്ഠൻ, നന്ദകുമാർ, ആർ. പ്രിയ. മരുമക്കൾ: സരിത, ദീപ, എസ്. ബാലകൃഷ്ണൻ. സംസ്കാരം വ്യാഴാഴ്ച രാവിലെ 11-ന് കരുവടികുപ്പം ശ്മശാനത്തിൽ.

May 05, 2022