മുരിയാട് : മഴക്കാലപൂർവ പ്രതിരോധപ്രവർത്തനങ്ങൾ ശക്തിപ്പെടുത്താൻ തയ്യാറെടുത്ത് മുരിയാട് ഗ്രാമപ്പഞ്ചായത്ത്. പഞ്ചായത്ത് ഹാളിൽ നടന്ന ഉദ്യോഗസ്ഥ ജനപ്രതിനിധിയോഗം പ്രതിരോധപ്രവർത്തനങ്ങൾക്ക് വേണ്ട പരിപാടികൾ ആസൂത്രണം ചെയ്തു. എല്ലാ വാർഡുകളിലും വാർഡ്തല സമിതികൾ ചേരാനും അടിയന്തരസ്വഭാവമുള്ള ശുചീകരണപ്രവർത്തനങ്ങൾ ഏറ്റെടുക്കാനും യോഗം നിർദേശം നൽകി.
വെള്ളപ്പൊക്കം ഉണ്ടാകാനുള്ള സാഹചര്യം മുൻകൂട്ടി കണ്ട് അടിയന്തര മുന്നൊരുക്കങ്ങൾക്ക് വില്ലേജ് അടിസ്ഥാനത്തിൽ വില്ലേജ് ഓഫീസർമാർ, സ്റ്റാൻഡിങ് കമ്മിറ്റി ചെയർമാൻമാരുടെ നേതൃത്വത്തിലുള്ള ജനപ്രതിനിധികൾ, പഞ്ചായത്ത് ജീവനക്കാർ എന്നിവരടങ്ങുന്ന മൂന്ന് പ്രാദേശിക വില്ലേജ് സമിതികൾക്ക് രൂപം കൊടുത്തു.
പകർച്ചവ്യാധി പ്രതിരോധ സന്ദേശവുമായി ഗൃഹസന്ദർശനം വാർഡ് തല സമിതികളുടെ നേതൃത്വത്തിൽ നടക്കും. വില്ലേജ് തല ജനകീയ സമിതികളുടെ സഹകരണത്തോടെ പ്രതിരോധ പ്രവർത്തനങ്ങൾ സംഘടിപ്പിക്കാനും യോഗത്തിൽ തീരുമാനമായി. ഗ്രാമപ്പഞ്ചായത്ത് പ്രസിഡന്റ് ജോസ് ജെ. ചിറ്റിലപ്പിള്ളി അധ്യക്ഷത വഹിച്ചു.
.jpg?$p=430c1f1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..