• പെരിഞ്ഞനത്ത് റോഡരികിൽ നിർത്തിയിട്ട ടെമ്പോ ട്രാവലറിൽ കണ്ടെയ്നർ ലോറി ഇടിച്ചുകയറിയ നിലയിൽ
പെരിഞ്ഞനം : ദേശീയപാത 66 പെരിഞ്ഞനത്ത് റോഡരികിൽ നിർത്തിയിട്ട ടെമ്പോ ട്രാവലറിൽ കണ്ടെയ്നർ ലോറി ഇടിച്ചുകയറി. ട്രാവലറിന്റെ ഡ്രൈവർ കോഴിക്കോട് സ്വദേശി അഖിലി(38)ന് പരിക്കേറ്റു. വ്യാഴാഴ്ച രാത്രി ഒന്നരയോടെ പെരിഞ്ഞനം പഞ്ചായത്ത് വളവിനടുത്തായിരുന്നു അപകടം. തിരുവനന്തപുരത്തുനിന്ന് കോഴിക്കോട്ടേക്ക് പോയിരുന്ന ട്രാവലർ ചായ കുടിക്കാനായി നിർത്തിയിട്ടിരുന്ന സമയത്താണ് അപകടം നടന്നത്. തെക്കുനിന്ന് വന്നിരുന്ന ലോറി ട്രാവലറിനെ ഇടിച്ചശേഷം 20 മീറ്ററോളം ദൂരേക്ക് തെറിപ്പിച്ച് റോഡരികിലെ മതിലും തകർത്താണ് നിന്നത്. മൂന്ന് പേരാണ് അപകടസമയത്ത് ട്രാവലറിൽ ഉണ്ടായിരുന്നത്. പെരിഞ്ഞനം ലൈഫ് ഗാർഡ്‌സ് പ്രവർത്തകരാണ് രക്ഷാപ്രവർത്തനം നടത്തിയത്.
വല്ലാർപാടത്തുനിന്ന് കോഴിക്കോട്ടേക്ക് ടൈൽസ് കയറ്റി പോവുകയായിരുന്ന കണ്ടെയ്നർ ലോറിയുടെ ഡ്രൈവർ ഉറങ്ങിപ്പോയതാണ് അപകടകാരണംവാഹനങ്ങൾക്ക് സാരമായ കേടുപാടുകൾ സംഭവിച്ചിട്ടുണ്ട്.
.jpg?$p=f7977ee&f=1x1&w=100&q=0.8)
.jpg?$p=430c1f1&q=0.8&f=16x11&w=104)
.jpg?$p=a5c8c8b&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..