പെരിഞ്ഞനം ആരോഗ്യകേന്ദ്രത്തിൽ ഐസൊലേഷൻ വാർഡിന്റെ നിർമാണ ഉദ്ഘാടനം ഇ.ടി. ടൈസൺ എം.എൽ.എ. നിർവഹിക്കുന്നു
പെരിഞ്ഞനം : സംസ്ഥാനസർക്കാർ നടപ്പാക്കുന്ന ഐസൊലേഷൻ വാർഡ് പദ്ധതിക്കായി പെരിഞ്ഞനം സാമൂഹികാരോഗ്യകേന്ദ്രത്തിൽ നിർമാണം ആരംഭിച്ചു.
2021 -22 ബജറ്റിൽ ഉൾപ്പെടുത്തി 1.79 കോടി രൂപ ചെലവിൽ നിർമിക്കുന്ന ഐസൊലേഷൻ വാർഡിനായി എം.എൽ.എ. ഫണ്ടിൽനിന്നും കിഫ്ബി ഫണ്ടിൽനിന്നും തുല്യമായാണ് തുക വകയിരുത്തിയിട്ടുള്ളത്.
10 കിടക്ക സൗകര്യത്തോടെയാണ് നിർമാണമെങ്കിലും 15 ആയി ഉയർത്താൻ സാധിക്കുന്നവിധത്തിലാണ് രൂപകല്പന. ജീവനക്കാർക്ക് വിശ്രമമുറിയും ഉൾപ്പെടുത്തി 2400 ചതുരശ്ര അടിയിലാണ് വാർഡ് രൂപകല്പനചെയ്തിട്ടുള്ളത്. കേരള മെഡിക്കൽ സർവീസ് കോർപ്പറേഷനാണ് നിർമാണത്തിന് നേതൃത്വം വഹിക്കുന്നത്. 128 ദിവസമാണ് നിർമാണ കാലാവധി.
നിർമാണ ഉദ്ഘാടനം ഇ.ടി. ടൈസൺ എം.എൽ.എ. നിർവഹിച്ചു. മതിലകം ബ്ലോക്ക് പഞ്ചായത്ത് പ്രസിഡന്റ് സി.കെ. ഗിരിജ അധ്യക്ഷത വഹിച്ചു. പെരിഞ്ഞനം പഞ്ചായത്ത് പ്രസിഡന്റ് വിനീത മോഹൻദാസ്, എടവിലങ്ങ് പഞ്ചായത്ത് പ്രസിഡന്റ് ബിന്ദു രാധാകൃഷ്ണൻ, വത്സമ്മ, നിതിൻ കൃഷ്ണ,ഡോ. സാനു എം. പരമേശ്വരൻ, എം.എസ്. വിജയ എന്നിവർ പങ്കെടുത്തു.
.jpg?$p=f7977ee&f=1x1&w=100&q=0.8)
.jpg?$p=430c1f1&q=0.8&f=16x11&w=104)
.jpg?$p=a5c8c8b&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..