• കുറ്റക്കാർക്കെതിരേ നടപടി സ്വീകരിക്കണമെന്നാവശ്യപ്പെട്ട് കോൺഗ്രസ് മണ്ഡലം കമ്മിറ്റി നടത്തിയ മാർച്ചും ധർണയും ഡി.സി.സി അംഗം ഇർഷാദ് കെ. ചേറ്റുവ ഉദ്ഘാടനം ചെയ്യുന്നു
വാടാനപ്പള്ളി : ഏങ്ങണ്ടിയൂർ ഗ്രാമപ്പഞ്ചായത്തിലെ മഹാത്മാഗാന്ധി ഗ്രാമീണ തൊഴിലുറപ്പു പദ്ധതിയിൽ ഓംബുഡ്സ്മാൻ വ്യാപക ക്രമക്കേട് കണ്ടെത്തിയ സാഹചര്യത്തിൽ പഞ്ചായത്ത് ഭരണസമിതി രാജിവെക്കണമെന്നാവശ്യപ്പെട്ട് പഞ്ചായത്ത് ഓഫീസിലേക്ക് കോൺഗ്രസ് മണ്ഡലം കമ്മിറ്റി മാർച്ചും ധർണയും നടത്തി. ഒരേ സമയം ആശാ വർക്കറുടേയും തൊഴിലുറപ്പിന്റെയും വേതനം അനധികൃതമായി കൈപ്പറ്റിയ വാർഡംഗവും ആരോഗ്യ - വിദ്യാഭ്യാസ സ്ഥിരം സമിതി അധ്യക്ഷയുമായ അനിത മുരുകനെ നീക്കണമെന്നും പ്രതിഷേധക്കാർ ആവശ്യപ്പെട്ടു.
കോൺഗ്രസ് ഏങ്ങണ്ടിയൂർ ഡി.സി.സി. അംഗം ഇർഷാദ് കെ. ചേറ്റുവ ഉദ്ഘാടനം ചെയ്തു. മണ്ഡലം പ്രസിഡന്റ് ഉണ്ണികൃഷ്ണൻ കാര്യാട്ട് അധ്യക്ഷനായി. ബ്ലോക്ക് സെക്രട്ടറി സി.എ. ഗോപാലകൃഷ്ണൻ മുഖ്യപ്രഭാഷണം നടത്തി.
കുടിവെള്ള സ്രോതസ്സിന് ഭീഷണിയാകും വിധം സ്വകാര്യ വ്യക്തിക്ക് തണ്ണീർത്തടവും നിലവും നികത്താൻ മൗനാനുവാദം നൽകിയ പഞ്ചായത്ത് പ്രസിഡന്റും ഭരണ സമിതിയും രാജിവെച്ച് ജനങ്ങളോട് മാപ്പുപറയണമെന്നും പ്രതിഷേധക്കാർ ആവശ്യപ്പെട്ടു. മാർച്ചിനും ധർണയ്ക്കും നേതാക്കളായ സി.വി. തുളസീദാസ്, സാലിഷ് തുഷാര, രതീഷ് ഇരട്ടപ്പുഴ, മനാഫ് തറയിൽ, കെ.വി. അജിത എന്നിവർ നേതൃത്വം നൽകി.
.jpg?$p=f7977ee&f=1x1&w=100&q=0.8)
.jpg?$p=430c1f1&q=0.8&f=16x11&w=104)
.jpg?$p=a5c8c8b&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..