• ചെറ്റാരിക്കൽ ക്ഷേത്രത്തിലെ താലപ്പൊലിയുടെ ഭാഗമായി നടന്ന ശീവേലി
കൊരട്ടി : ദേശങ്ങൾക്ക് ഉത്സവനിറവ് പകർന്ന് ചെറ്റാരിക്കൽ ക്ഷേത്രത്തിൽ താലപ്പൊലി.
ക്ഷേത്രച്ചടങ്ങുകൾക്ക് തന്ത്രി നെടുമ്പ മനയ്ക്കൽ രമേശൻ നമ്പൂതിരി, മേൽശാന്തി കൂടപ്പുഴ കൃഷ്ണൻ നമ്പൂതിരി തുടങ്ങിയവർ കാർമികത്വം വഹിച്ചു. താലപ്പൊലിയോടനുബന്ധിച്ച് നടന്ന പഞ്ചാരിമേളത്തിന് മേള ആചാര്യൻ കൊരട്ടി രാമൻ നേതൃത്വം നൽകി.
ദേശത്തിന്റെ കൂട്ടായ്മയൊരുക്കിയ അന്നദാനവും നടന്നു. മേളപ്രമാണിമാരായ കൊരട്ടി രാമൻ, പഴുവിൽ രഘുരാമൻ, ചൊവ്വല്ലൂർ സുനിൽ, കൊരട്ടി സുരേഷ്, കൊരട്ടി സുഭാഷ് എന്നിവർ മേളത്തിന് നേതൃത്വം നൽകി.
താലപ്പൊലിദിനത്തിലെ കളമെഴുത്തും പാട്ടിനും കിഴക്കേ വാരണാട്ട് നാരായണ കുറുപ്പ്, കിഴക്കേ വാരണാട്ട് രമേഷ് കുറുപ്പ്, സുരേഷ് കുറുപ്പ് എന്നിവർ നേതൃത്വം നൽകി. പിന്നണി ഗായകൻ വിവേകാനന്ദിന്റെ വയലിൻ ഫ്യൂഷനും ഉണ്ടായി.
മട്ടന്നൂർ ശ്രീരാജ്, ചിറക്കൽ നിധീഷ്, ചോറ്റാനിക്കര നന്ദപ്പമാരാരുടെ മേജർ സെറ്റ് പഞ്ചവാദ്യം എന്നിവയും അരങ്ങേറി.
താലപ്പൊലി ആഘോഷങ്ങൾക്ക് ക്ഷേത്രം ഉപദേശകസമിതി പ്രസിഡന്റ് എം.ജി. സുരേഷ്‌കുമാർ, സെക്രട്ടറി എ. ഗോപാലകൃഷ്ണൻ, പി.ജി. ശ്രീജിത്ത് തുടങ്ങിയവർ നേതൃത്വം നൽകി.
.jpg?$p=69709a7&q=0.8&f=16x11&w=104)
.jpg?$p=0d09e20&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..