• കൊരട്ടി ദേശീയപാതയിൽ ലോറിയുടെ ക്യാബിൻ കത്തിയ നിലയിൽ
കൊരട്ടി : ദേശീയപാതയിൽ ഓട്ടത്തിനിടെ ട്രെയിലർലോറിയ്ക്കു തീ പടർന്നത് ആശങ്കക്കിടയാക്കി. ഡ്രൈവറുടെ സമയോചിതമായ ഇടപെടൽമൂലം വലിയ അപകടം ഒഴിവായി. രാത്രി 12.30-നാണ് സംഭവം.
ലോറി ഓടിക്കുന്നതിനിടെ എൻജിന്റെ ഭാഗത്തുനിന്ന്‌ പുക ഉയരുന്നത് കണ്ട ഡ്രൈവർ വാഹനം നിർത്തി പുക ഉയർന്ന ഭാഗത്തേക്ക് വാഹനത്തിലുണ്ടായിരുന്ന സുരക്ഷാ സംവിധാനം ഉപയോഗിച്ച് തീ അണക്കാനുള്ള ശ്രമം ആദ്യമേ നടത്തിയിരുന്നു.
ഇത് ഫലംകാണാതെ വന്നതോടെ നാട്ടുകാർ അഗ്നിരക്ഷാസേനയെ വിവരമറിയിച്ചു. തുടർന്ന് ചാലക്കുടിയിൽനിന്ന് അഗ്നിരക്ഷാസേനയെത്തി തീ അണയ്ക്കുകയായിരുന്നു. സംഭവത്തെത്തുടർന്ന് ദേശീയപാതയിലെ ഗതാഗതം അരമണിക്കൂറോളം തടസ്സപ്പെട്ടു. ലോറി ക്രെയിൻ ഉപയോഗിച്ചു മാറ്റിയാണ് ഗതാഗതം സാധാരണനിലയിലാക്കിയത്.
.jpg?$p=f7977ee&f=1x1&w=100&q=0.8)
.jpg?$p=430c1f1&q=0.8&f=16x11&w=104)
.jpg?$p=a5c8c8b&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..