വാടാനപ്പള്ളി : വാടാനപ്പള്ളി സെയ്ന്റ് ഫ്രാൻസിസ് ദേവാലയം 125-ാം വാർഷികം ആഘോഷിക്കുന്നു. ഒരു വർഷത്തെ ആഘോഷ പരിപാടികൾക്ക് ഞായറാഴ്ച തിരി തെളിയും. 125-ാം വാർഷികത്തോടനുബന്ധിച്ച് വിശുദ്ധ ഫ്രാൻസിസ് സേവ്യറിന്റെ ശരീരം സൂക്ഷിച്ചിട്ടുള്ള ഗോവയിലെ ബോം ജീസസ്സ് ബസിലിക്കയിൽ നിന്നു കൊണ്ടു വരുന്ന ദീപശിഖ വൈകീട്ട് നാലിന് തൃത്തല്ലൂരിൽനിന്ന് 125 ഇരുചക്രവാഹനങ്ങളുടെ അകമ്പടിയോടെ പള്ളിയിലെത്തിക്കും. അഞ്ചിന് സമൂഹ ബലിയും ജൂബിലി തിരി തെളിയിക്കലും ആറിന് പൊതുസമ്മേളനവും ഇടവക ദിനാഘോഷവും.
സമൂഹബലിക്ക് വികാരി ഫാ. ജോൺസൺ കുണ്ടുകുളം നേതൃത്വം വഹിക്കും. ഇടവകാംഗങ്ങളായ ഫാ. സേവിയർ ക്രിസ്റ്റി, ഫാ. ജോയ് മാളിയേക്കൽ എന്നിവർ സഹകാർമികരാവും. പൊതുസമ്മേളനം വടക്കാഞ്ചേരി ഫൊറോന വികാരിയും മുൻ അതിരൂപതാ കോർപ്പറേറ്റ് മാനേജരുമായ ഫാ. ആന്റണി ചെമ്പകശ്ശേരി ഉദ്ഘാടനം ചെയ്യും. തുടർന്ന് ജൂബിലിയേറിയൻസിനെ ആദരിക്കൽ, പ്രതിഭകൾക്ക് അവാർഡ് വിതരണം, കലാപരിപാടികൾ.
.jpg?$p=f7977ee&f=1x1&w=100&q=0.8)
.jpg?$p=430c1f1&q=0.8&f=16x11&w=104)
.jpg?$p=a5c8c8b&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..