ചെറുതുരുത്തി : കേരള കലാമണ്ഡലത്തിൽ രണ്ടുദിവസം നീണ്ടുനിൽക്കുന്ന പ്രഥമ മാർഗഴി മഹോത്സവം ശനിയാഴ്ച ആരംഭിക്കും. ചെന്നൈ കലാക്ഷേത്രയും കേരള കലാമണ്ഡലവും ചേർന്നാണ് പരിപാടി സംഘടിപ്പിക്കുന്നത്.
ചെന്നൈയിൽ നടന്നുവന്നിരുന്ന മാർഗഴി മഹോത്സവം മറ്റ് സംസ്ഥാനങ്ങളിലേക്കും വ്യാപിപ്പിക്കുന്നതിന്റെ ഭാഗമായാണിതെന്ന് കലാക്ഷേത്ര ഡയറക്ടർ രേവതി രാമചന്ദ്രൻ വാർത്താസമ്മേളനത്തിൽ പറഞ്ഞു.
സാംസ്കാരികവകുപ്പ് ആസാദി കാ അമൃത് മഹോത്‌സവത്തിന്റെ ഭാഗമായിക്കൂടി നടക്കുന്ന കലാ അവതരണങ്ങൾ രാവിലെ എട്ടുമണി മുതൽ രാത്രി എട്ടുവരെയായിരിക്കും. ഞായറാഴ്ച ഭജന, സിത്താർ കച്ചേരി, അവദൂത് ഗാന്ധിയുടെ നേതൃത്വത്തിലുള്ള ഗാനാവതരണം, കഥക്, കർണാടക സംഗീതം, കലാക്ഷേത്രയുടെ ചൂഡാമണി പ്രധാനം തുടങ്ങിയ കലാഅവതരണങ്ങൾ നടക്കും.
പി.ടി. നരേന്ദ്രൻ, ശ്രീരഞ്ജിനി, ഡോ. പി. രാജേഷ്‌കുമാർ എന്നിവർ പത്രസമ്മേളനത്തിൽ പങ്കെടുത്തു.
.jpg?$p=430c1f1&q=0.8&f=16x11&w=104)
.jpg?$p=a5c8c8b&q=0.8&f=16x11&w=104)
.jpg?$p=09e9aed&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..