കയ്പമംഗലത്ത് ഒടിഞ്ഞുവീണ 33 കെ.വി. വൈദ്യുതി ടവർ നന്നാക്കുന്ന കെ.എസ്.ഇ.ബി. ജീവനക്കാർ
കയ്പമംഗലം : കയ്പമംഗലം സബ് സ്റ്റേഷനിലേക്ക്‌ വൈദ്യുതിയെത്തിക്കുന്ന 33 കെ.വി. ലൈനിലെ ടവർ ഒടിഞ്ഞുവീണ് വൈദ്യുതി വിതരണം മുടങ്ങി. കയ്പമംഗലം സെക്ഷൻ പരിധിയിലെ ചെന്ത്രാപ്പിന്നി ചിറയ്ക്കൽ പള്ളിക്ക് കിഴക്കുള്ള പാടത്താണ് ഇരട്ട ടവർ വീണത്. ടവറിനെ താങ്ങി നിർത്തിയിരുന്ന സ്റ്റേ കമ്പി ദ്രവിച്ച് പൊട്ടിയതിനെത്തുടർന്നാണ് ടവർ ഒടിഞ്ഞതെന്ന് അധികൃതർ പറഞ്ഞു. സമീപത്തെ ചില ടവറുകൾക്ക് കേടുപാടുകളുമുണ്ടായിട്ടുണ്ട്.
വ്യാഴാഴ്ച പുലർച്ചെ മൂന്നരയോടെയായിരുന്നു അപകടം. അമിത വൈദ്യുതിപ്രവാഹത്തെത്തുടർന്ന് സമീപത്തെ ഒരു വീട്ടിലെ ടി.വി.ക്കും സെറ്റ്‌ടോപ് ബോക്‌സിനും തകരാറ് സംഭവിച്ചിട്ടുണ്ട്. മേഖലയിൽ വൈദ്യുതി വിതരണം സ്തംഭിച്ചു. സമാന്തര ലൈനുകളിലൂടെ ചിലയിടങ്ങളിൽ വിതരണം പുനഃസ്ഥാപിച്ചെങ്കിലും മറ്റിടങ്ങളിൽ രാത്രി വൈകിയും വൈദ്യുതിയെത്തിയിട്ടില്ല. കയ്പമംഗലം സെക്ഷനു പുറമേ സമീപപ്രദേശങ്ങളിൽ നിന്ന്‌ ജീവനക്കാരെ കൊണ്ടുവന്നാണ് ടവർ മാറ്റുന്ന ജോലികൾ നടത്തിയത്.
.jpg?$p=f7977ee&f=1x1&w=100&q=0.8)
.jpg?$p=430c1f1&q=0.8&f=16x11&w=104)
.jpg?$p=a5c8c8b&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..