ചെറുതുരുത്തി : ആറങ്ങോട്ടുകര പാഠശാലയുടെ മരുതം കൊയ്ത്തുത്സവത്തോടനുബന്ധിച്ച് സാംസ്‌കാരിക സമ്മേളനം നടന്നു. തദ്ദേശസ്വയംഭരണവകുപ്പ്‌ മന്ത്രി എം.ബി. രാജേഷ് സാംസ്‌കാരിക സമ്മേളനം ഉദ്ഘാടനം ചെയ്തു. പട്ടികജാതി-പട്ടികവർഗ വികസന കോർപറേഷൻ ചെയർമാൻ യു.ആർ. പ്രദീപ് അധ്യക്ഷനായി.
നടനും എഴുത്തുകാരനുമായ വി.കെ. ശ്രീരാമൻ അസീസ് പെരിങ്ങോടിന്റെ തളപ്പ് എന്ന നാടകപുസ്തകത്തിന്റെ പ്രകാശനം നിർവഹിച്ചു. സംസ്ഥാന ചലച്ചിത്ര പുരസ്‌കാരം നേടിയ അരുൺ ലാൽ, കെ.വി. ഗൗതമൻ, കെ. പ്രിയ എന്നിവരെ ആദരിച്ചു. യോഗത്തിൽ ജില്ലാ പഞ്ചായത്ത് അംഗം പി. സാബിറ, സി. ജയകുമാർ, ശശി കാരയിൽ, കെ.വി. ശ്രീജ, എം. ബിന്ദു, ശശിധരൻ നടുവിൽ തുടങ്ങിയവർ പ്രസംഗിച്ചു. നാട്യശില്പശാല, കൊയ്ത്തും മെതിയും, കാർഷിക പരിശീലന ക്ലാസുകൾ, കളിപ്പാട്ടനിർമാണക്കളരി, കുട്ടികളുടെ നാടകം തുടങ്ങിയവ നടന്നു. ഞായറാഴ്ച സമാപന സമ്മേളനം വിനീത നെടുങ്ങാടി ഉദ്ഘാടനം ചെയ്യും. രാത്രി ഏഴിന് ഈസ നാടകം, ചിമ്മാനക്കളി തുടങ്ങിയവ നടക്കും.
.jpg?$p=1990e2a&q=0.8&f=16x11&w=104)
.jpg?$p=0d09e20&q=0.8&f=16x11&w=104)
.jpg?$p=69709a7&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..