ചെറുതുരുത്തി : കേരള കലാമണ്ഡലം കല്പിത സർവകലാശാലയിൽ നിള ദേശീയ നൃത്തസംഗീതോത്സവം തുടങ്ങുന്നു. കേരളീയവും ദേശീയവുമായ കലകളെ പരിചയപ്പെടുത്താനാണ് കേരള കലാമണ്ഡലത്തിന്റെ തനതുപരിപാടിയായി നിള ദേശീയനൃത്തസംഗീതോത്സവം നടത്തുന്നത്. ഇത്തവണ നൃത്തവും സംഗീതവും ചിത്രങ്ങളുമടങ്ങുന്ന പത്തുദിവസത്തെ പരിപാടികളാണ് ഒരുങ്ങുന്നത്. 21 മുതൽ 30 വരെയാണ് കലാമണ്ഡലം കൂത്തമ്പലത്തിലും കലാമണ്ഡലത്തിലെ വിവിധ വേദികളിലുമായി പരിപാടി നടത്തുന്നത്.
26 മുതലാണ് പ്രധാന സ്റ്റേജ് അവതരണങ്ങൾ. ഇത്തവണ കേരളത്തിലെ മുന്നൂറോളം ചിത്രകാരികളുടെ കൂട്ടായ്‌മയായ മേരാക്കിയുടെ നേതൃത്വത്തിൽ ചിത്രകാരികൾ ലൈവ് ചിത്രങ്ങൾ കേരളകലാമണ്ഡലത്തിൽ ഒരുക്കും. മോഹിനിയാട്ടം സെമിനാർ, യക്ഷഗാനം, തെയ്യം, ഗസൽസന്ധ്യ, നാടകം, ഹിന്ദുസ്ഥാനി-കർണാടക സംഗീതക്കച്ചേരികൾ, മൃൂസിക് ബാൻഡ്‌, നൃത്തശില്പങ്ങളുടെ അവതരണം തുടങ്ങി നിരവധി കലാവതരണങ്ങൾ നടക്കും.
ഇന്ത്യയിലെത്തന്നെ പ്രമുഖ കലാകാരന്മാരാണ് നിള ദേശീയ നൃത്തസംഗീതോത്സവത്തിന്റെ ഭാഗമായി കലാമണ്ഡലം കല്പിത സർവകലാശാലയിൽ എത്തുന്നത്.
.jpg?$p=f7977ee&f=1x1&w=100&q=0.8)
.jpg?$p=430c1f1&q=0.8&f=16x11&w=104)
.jpg?$p=a5c8c8b&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..