കൊരട്ടി : സംസ്ഥാന ഇന്റർ കൊളീജിയറ്റ്‌ പഞ്ചഗുസ്തി ചാമ്പ്യൻഷിപ്പിൽ അനാമികയും (കണ്ണൂർ) സ്റ്റീവ് തോമസും (വയനാട്) ജേതാക്കളായി. കേരള ആം റെസ്‌ലിങ് അസോസിയേഷനും കൊരട്ടി പൊങ്ങം നൈപുണ്യ കോളേജും സംയുക്തമായാണ് പ്രഥമ ഇന്റർ കൊളീജിയറ്റ്‌ സംസ്ഥാന പഞ്ചഗുസ്തി ചാമ്പ്യൻഷിപ്പ് സംഘടിപ്പിച്ചത്.
സനീഷ് കുമാർ ജോസഫ് എം.എൽ.എ. ഉദ്ഘാടനം ചെയ്തു. കേരള ആം റെസ്‌ലിങ് അസോസിയേഷൻ സംസ്ഥാന വൈസ് പ്രസിഡന്റ് ഷാജുമോൻ വട്ടേക്കാട് അധ്യക്ഷനായി. സംസ്ഥാന ജനറൽ സെക്രട്ടറി ജോജി എളൂർ, ഓർഗനൈസിങ് സെക്രട്ടറി വി. ജോഷി ഫ്രാൻസിസ്, ഇന്റർനാഷണൽ റഫറി എം.ഡി. റാഫേൽ, ജില്ലാ സെക്രട്ടറി എ.ജെ. ജൈമോൻ, നൈപുണ്യ കോളേജ് ഡയറക്ടർമാരായ ഫാ. പോളച്ചൻ, ഡോ. പി.എം. ജേക്കബ്, അസി. എക്സി. ഡയറക്ടർ ഫാ. ജിമ്മി കുന്നത്തൂർ, കായികവിഭാഗം തലവൻ ഡോ. പി.എ. ശ്രീജിത്ത്, ചാമ്പ്യൻഷിപ്പ് കോ-ഓർഡിനേറ്റർ സഞ്ജു വർഗീസ് എന്നിവർ പ്രസംഗിച്ചു.
അന്താരാഷ്ട്ര റഫറി എം.ഡി. റാഫേൽ, നോബി, സജീഷ് എന്നിവർ മത്സരങ്ങൾ നിയന്ത്രിച്ചു. കേരളത്തിലെ വിവിധ കലാലയങ്ങളിൽനിന്നായി നൂറിലധികം താരങ്ങൾ മത്സരത്തിൽ പങ്കെടുത്തു.
.jpg?$p=1990e2a&q=0.8&f=16x11&w=104)
.jpg?$p=0d09e20&q=0.8&f=16x11&w=104)
.jpg?$p=69709a7&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..