ചാവക്കാട്: ഒപ്പം കാമ്പയിന്റെ ചാവക്കാട് നഗരസഭാ തല ഉദ്ഘാടനവും ഗുണഭോക്തൃ സംഗമവും എൻ.കെ. അക്ബർ എം.എൽ.എ. നിർവഹിച്ചു. പി.എം.എ.വൈ. ലൈഫ് പദ്ധതി, ദേശീയ നഗര ഉപജീവന മിഷൻ പദ്ധതി എന്നിവയുടെ ഗുണഭോക്താക്കൾക്ക് സേവനങ്ങൾ എത്തിക്കുകയാണ് കാമ്പയിന്റെ ലക്ഷ്യം. നഗരസഭ ചെയർപേഴ്‌സൺ ഷീജ പ്രശാന്ത് അധ്യക്ഷയായി. നഗരസഭ പരിധിയിലെ ഭവനരഹിതർക്ക് ഭവന നിർമാണത്തിനായി നടപ്പാക്കുന്ന പദ്ധതിയായ പി.എം.എ.വൈ. - ലൈഫ് പദ്ധതിയുടെ മാർഗരേഖ പ്രകാരം ഭവനനിർമാണം പൂർത്തീകരിച്ച ഗുണഭോക്താക്കൾക്ക് നഗരസഭ പ്രത്യേക ഉപഹാരം നൽകി. അതിദരിദ്ര ഗുണഭോക്താക്കൾക്ക് നഗരസഭ പദ്ധതി പ്രകാരം വീൽച്ചെയർ വിതരണവും കാരുണ്യ ആരോഗ്യ സുരക്ഷാ പദ്ധതി കാർഡിന്റെ വിതരണവും നടന്നു.
ദേശീയ നഗര ഉപജീവന മിഷൻ പദ്ധതി പ്രകാരം നൈപുണ്യ പരിശീലനം പൂർത്തിയാക്കിയവർക്കുള്ള സർട്ടിഫിക്കറ്റും യാത്രാ ബത്തയും തൊഴിൽ ലഭിച്ചവർക്കുള്ള നിയമനാനന്തര സഹായവും വിതരണം ചെയ്തു. ഹരിതകർമസേന അംഗങ്ങൾക്ക് മൊബൈൽ ഫോൺ വാങ്ങുന്നതിനായി സി.ഇ.എഫ്. പ്രകാരം അനുവദിച്ച രണ്ട് ലക്ഷം രൂപയുടെ ചെക്ക് വിതരണം ചെയ്തു.
വൈസ് ചെയർമാൻ കെ.കെ മുബാറക്, സ്ഥിരം സമിതി അധ്യക്ഷന്മാരായ പി.എസ്. അബ്ദുൽ റഷീദ്, ബുഷ്‌റ ലത്തീഫ്, അഡ്വ. മുഹമ്മദ് അൻവർ, കൗൺസിലർമാരായ എം.ആർ. രാധാകൃഷ്ണൻ, കെ.വി. സത്താർ, നഗരസഭാ സെക്രട്ടറി കെ.ബി. വിശ്വനാഥൻ തുടങ്ങിയവർ പ്രസംഗിച്ചു.
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..