അതിരപ്പിള്ളി : വിനോദസഞ്ചാരകേന്ദ്രത്തിനു സമീപം പാർക്കിങ്‌ ഗ്രൗണ്ടിൽ കാട്ടാനക്കൂട്ടം എത്തിയത് ഒരേ സമയം പരിഭ്രാന്തിയും കൗതുകവും പരത്തി. പെരുന്നാൾദിവസമായതിനാൽ വിനോദസഞ്ചാരികളേറെയുള്ള സമയമായിരുന്നു. ആനമല റോഡ് മുറിച്ചുകടന്ന് പാർക്കിങ്‌ ഗ്രൗണ്ടിലെ ശൗചാലയത്തിനു സമീപമാണ് കാട്ടാനകൾ എത്തിയത്.
ആനകൾ മലയിൽ നിൽക്കുന്നതറിഞ്ഞെത്തിയ വനപാലകരും വനസംരക്ഷണസമിതി പ്രവർത്തകരും നാട്ടുകാരും ചേർന്ന് ആനമല റോഡിലെ വാഹനഗതാഗതം നിയന്ത്രിച്ചതോടെ ആനകൾ റോഡിലിറങ്ങി പുഴയിലേക്ക് പോയി. ശനിയാഴ്ച വൈകീട്ട് അഞ്ചോടെയാണ് സംഭവം.
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..