ചെറുതുരുത്തിയിൽ കുടുംബശ്രീ പരിശീലനകേന്ദ്രവും ഷീ ലോഡ്ജും മന്ത്രി കെ. രാധാകൃഷ്ണൻ ഉദ്ഘാടനംചെയ്യുന്നു
ചെറുതുരുത്തി : കേരളത്തിലെ ദാരിദ്ര്യലഘൂകരണത്തിന് കുടുംബശ്രീ വലിയ പങ്കുവഹിച്ചതായി മന്ത്രി കെ. രാധാകൃഷ്ണൻ പറഞ്ഞു. നീതി ആയോഗിന്റെ കണക്കുകൾ പ്രകാരം ദാരിദ്ര്യലഘൂകരണത്തിന് കേരളം മുന്നിലാണ്. ഇത് അഭിമാനിക്കാവുന്ന നേട്ടമാണെന്നും മന്ത്രി പറഞ്ഞു. ചെറുതുരുത്തിയിൽ നിർമിച്ച സംസ്ഥാനത്തെ ആദ്യത്തെ കുടുംബശ്രീ പരിശീലനകേന്ദ്രവും ഷീ ലോഡ്ജും ഉദ്ഘാടനംചെയ്ത്‌ സംസാരിക്കുകയായിരുന്നു മന്ത്രി.
ജില്ലാ പഞ്ചായത്ത് പ്രസിഡന്റ് പി.കെ. ഡേവീസ് അധ്യക്ഷനായി. കുടുംബശ്രീ ജില്ലാ മിഷൻ കോ-ഓർഡിനേറ്റർ എസ്.സി. നിർമൽ റിപ്പോർട്ട് അവതരിപ്പിച്ചു.
ജില്ലാ പഞ്ചായത്ത് വൈസ് പ്രസിഡന്റ് ലതാ ചന്ദ്രൻ, പി.എം. അഹമ്മദ്, പി. സാബിറ, കെ.എം. അഷറഫ്, കെ.പി. രാധാകൃഷ്ണൻ, ഷേക്ക് അബ്ദുൾ കാദർ, പി. നിർമ്മലാദേവി, എം.വി. സുചിത്ര തുടങ്ങിയവർ പ്രസംഗിച്ചു.
ജില്ലാ പഞ്ചായത്തിന്റെ സഹകരണത്തോടെ വള്ളത്തോൾ നഗർ ഗ്രാമപ്പഞ്ചായത്തിൽ നിർമിച്ച കുടുംബശ്രീ പരിശീലനകേന്ദ്രത്തിൽ സംസ്ഥാനത്തുള്ള കുടുംബശ്രീ അംഗങ്ങൾക്ക്‌ വിവിധ പരിശീലനങ്ങൾ നൽകാനും താമസിക്കാനുള്ള ഷീ ലോഡ്ജും ചേർന്നതാണ് പദ്ധതി.
.jpg?$p=c2197a1&q=0.8&f=16x11&w=104)
വാര്‍ത്തകളോടു പ്രതികരിക്കുന്നവര്‍ അശ്ലീലവും അസഭ്യവും നിയമവിരുദ്ധവും അപകീര്‍ത്തികരവും സ്പര്‍ധ വളര്‍ത്തുന്നതുമായ പരാമര്‍ശങ്ങള്‍ ഒഴിവാക്കുക. വ്യക്തിപരമായ അധിക്ഷേപങ്ങള്‍ പാടില്ല. ഇത്തരം അഭിപ്രായങ്ങള്‍ സൈബര്‍ നിയമപ്രകാരം ശിക്ഷാര്‍ഹമാണ്. വായനക്കാരുടെ അഭിപ്രായങ്ങള്‍ വായനക്കാരുടേതു മാത്രമാണ്, മാതൃഭൂമിയുടേതല്ല. ദയവായി മലയാളത്തിലോ ഇംഗ്ലീഷിലോ മാത്രം അഭിപ്രായം എഴുതുക. മംഗ്ലീഷ് ഒഴിവാക്കുക..